Meeqqat atuarfianni atuarnermi aqqusaagassat ilagaat suliffimmik misiliineq, ullumikkullu knr radiomi suleqatigisarput Najaaja Rossen Petersen oqaloqatigaarput - ilaatigut angalasarneranit timersortarneranillu oqaluttuartillugu. Aallakaatitassiortoq: Pilunnguaq Jørgensen.

Nunasiaataasimanerup kinguneri maannamullu inissisimavimmut killiffissiorneq nangillugu inuit assigiinngittunik tunuliaqutallit aggersarneqarput. Aallakaatitassiortoralugu Andrea Christiansen.

Nunatsinni epilepsiimik innarluutillit qarasaat qanormita misissorneqartarpat? Uani aallakaatitassiami noqartarnermik innarluuteqarneq sammineqarpoq, tassanilu Siila Reimer Geisler Vold oqaloqatigineqarpoq. Aallakaatitassiortoq: Pilunnguaq Jørgensen.

Isiginnaartitsisartoqarnerup nunatsinni ineriartortinneqarnera sammillugu aallakaatitat immikkoortuisa pingajuanni naggataannilu oqaloqatigineqarput Makka Kleist aamma Vivi Sørensen. Aaqqissuisoq Frederik Lund.

Kajumissutsimik ikiuunneq isumalerujussuuvoq, kalaaleqaterpullu Cecilia Josefsen Josenius Afrikami meeqqanik sullissilluni ikiuuppoq, misigisimasaanillu oqaluttuartipparput. Aallakaatitassiortoq: Pilunnguaq Jørgensen

Novembari naalerpat nunatsinni timmisartuussisarnerit tungaatigut pissutsit allat atuutsilissapput. Nuummi mittarfittaassap atulernissaata tungaanut piareersaatit killifffii pillugit oqaloqatigineqarpoq Air Greenland-imi Piujuartitsinermut Attaveqaqatigiinnermullu pisortaq, Inga Dora G. Markussen. Aaqqissuisoq Frederik Lund.

Ayyu Qassatap oqaluttuarisaanitsinni pisut piorsarsimassutsikkullu oqaluttuaqattaattarnerit inummut ilusilersuisarnerat pillugu saqqummiivoq, inuttaa naapinneqarpoq aammalu tusarnaariat tunuliaquttamikkut assigiinngeqisut pissarsiaannik Andrea Christiansenip oqaluttuartippai.

Qulutaq Møller meeraallunili sisorarneq sammisarilersimavaa, taamatullu sisorarnermik unammisartuusimalluni. Qulutaq timersortarneranik oqaluttuartipparput. Aallakaatitassiortoq: Uju Petersen.