Inuusuttunnguullunili erinarsornermik peqatigiiffilerinermillu soqutigisalik Maniitsormiu Peter Josefsen ilisaritipparput, Peter inuusuttunnguulluni angajoqqaaveruppoq - aqqutaanilu misigisimasaanik suliaanillu oqaluttuartipparput. Aallakaatitassiortoq: Pilunnguaq Jørgensen

Ukiut marluk affarlu ilinniartooreerlutit Aalisarnermut Piniarnermullu Nakkutilliisutut naammassisut Signe Berthelsen Sørensen aamma Ulloriannguaq Frederiksen pulaartoraagut, ilinniagaallu sammillutigit. Aallakaatitassiortoq: Maliinannguaq Marcussen-Mølgaard.

Aallakaatiassiaq qulequtaqartoq: Elite Sport Greenlandip tunuliaqutai sammilaarlugit, tassanilu peqatigineqarpoq Muusaarannguaq Ostermann Søholm ilaatigut qinnuteqariaatsit assigiinngitsut aammalu suleriuseq pillugu eqqartorneqarluni. Aallakaatitassiortoq: Pilunnguaq Jørgensen.

Nipilersornerit pillugit eqqaamasalersaartitsilluni aallakaatitassiat immikkoortuisa arfineq pingajuat Karl Lyngep aamma Kaj Lyberth-ip eqqaamasalersaartinneqarnerannik nanngitasinerussaaq. Aaqqissuisoq Frederik Lund.

Tuukkaq Teatret-ip illutaa ingutserneqartussanngorpoq. Nunatsinni isiginnaartitsisartoqarnerup pileriartuaarsimanera sammillugu aallakaatitami oqaloqatigineqartut tassaapput Makka Kleist aamma Agga Dam. (Aallakaatitap uuma nannginnera tallimanngorpat tuliani aallakaatinenqarumaarpoq.) Aaqqissisoq Frederik Lund.

Jens Erik Kjeldsen angalatuutut, qiperuisartutullu ilisimaneqarluartoq, nunarsuarmillu marloriarluni kaajallassimasoq, Katuami suliaminik saqqummersitsisoq alakkarterparput, saqqummersitaasalu oqaluttuassartai sammillutigit. Aallakaatitassiortoq Maliinannguaq Marcussen-Mølgaard.

Ukiut aappassaa aasaanerani ilisimasassarsiuutigaluni issittumi takornariartitsinermi suleqataasoq, ukioq mannalu sullualukkut naggueqatigut tikillugit angalaqartaasoq Lars Lennert Abelsen angalanerat pillugu oqaloqatigaarput. Aallakaatitassiortoq Maliinannguaq Marcussen-Mølgaard.