Глядзіце таксама інтэрвію з Марыяй Колесавай-Гудзілінай на youtube-канале Радыё Свабода. https://youtu.be/L4lUIcCI0Dg

Марыя Колесава-Гудзіліна — адна з самых вядомых беларускіх адвакатак. Абараняла шмат каго з палітвязьняў — Эдуарда Пальчыса, Яўгена Юшкевіча, Дзьмітрыя Папова. На свае вочы назірала за закрытым працэсам над Сяргеем Ціханоўскім. Прадстаўляла ў судзе інтарэсы поп-зоркі Цімы Беларускіх.

Увесну 2022 году была пазбаўленая ў Беларусі адвакацкай ліцэнзіі. Супраць яе ў Беларусі завялі крымінальную справу. Цяпер жыве ў Вільні. Прэзыдэнтка Беларускай асацыяцыі адвакатаў правоў чалавека. Замужам за фатографам Сяргеем Гудзіліным, гадуюць дзьвюх дачок.

У размове са Свабодай Колесава-Гудзіліна расказала, колькі зарабляюць судзьдзі, ці можа адвакат паўплываць на вынік палітычнага працэсу і ці ўзялася б яна абараняць Лукашэнку.

Адбылася прэм’ера дакумэнтальнага фільма «ГупоЗ», які расказвае пра рэаліі беларускай мэдыцыны, рэпрэсіі над лекарамі, разьвенчвае міты аб даступнасьці і якасьці мэдычных паслугаў у Беларусі і аналізуе сыстэмныя памылкі сыстэмы аховы здароўя. Пра фільм і праблемы ў мэдыцыне размаўляем з былой палітзьняволенай, праваабаронцай, рэжысэркай фільму Тацянай Гацурай-Яворскай і адной зь гераіняў фільма – доктаркай Маяй Церакулавай.

Польшча спыніла выдачу гуманітарных візаў, аб якіх хадайнічаў Беларускі дом у Варшаве. З пачатку 2023 года па хадайніцтве Беларускага дома ў Варшаве 1507 чалавек атрымалі польскія гуманітарныя візы, аднак зь верасьня працэс спыніўся. З пачатку восені не задаволена ніводнае з 188 хадайніцтваў, пададзеных у Міністэрства замежных спраў Польшчы. Што адбываецца? Справу камэнтуе кіраўнік Беларускага дому ў Варшаве Алесь Зарэмбюк.

Са сьнежня ў Латвіі зьбіраліся канфіскоўваць аўтамабілі зь беларускімі і расейскамі нумарамі. Іх плянавалі перадаваць для выкарыстаньня ва Украіне ці выстаўляць на аўкцыён тыя транспартныя сродкі, чые ўласьнікі адмовяцца перарэгістраваць нумары на латвійскія. Пасьля візыту ў Рыгу беларускіх дэмакратычных палітыкаў, Сэйм Латвіі выключыў згадку аб грамадзянах Беларусі з праекта закона аб дарожным руху. Ці канчатковае гэта рашэньне і як сёньня лабіяваць на карысьць беларусаў у сьвеце? Глядзіце размову з прадстаўніком Сьвяланы Ціханоўскай у пытаньнях канстытуцыйнай рэформы і пардямэнцкай супрацы Анатолем Лябедзькам.

Як рэагаваць на абразу беларускай мовы? Гутарка з Сяргеем Шупам

Як зрабіць так, каб Беларусь не засталася за «жалезнай заслонай»? Чаму некаторыя амэрыканскія палітыкі баяцца поўнай паразы Расеі? Ці можа Ўкраіна перамагчы, калі Захад не павялічыць пастаўкі зброі? На пытаньні Радыё Свабода адказаў генэрал Бэн Годжэс, былы камандуючы войскамі ЗША ў Эўропе.

Ці ідэнтычная старая Літва Літве сёньняшняй? Ці бачаць у Літве розьніцу паміж тэрмінамі «літвін» і «літовец»? Як Полацак далучыўся да гэтай дзяржавы – мірна ці быў заваяваны? І ці магчыма наогул паразумецца літоўскім і беларускім гісторыкам?

Гэтыя ды іншыя пытаньні мы абмяркуем зь літоўскім гісторыкам, прафэсарам Віленскага ўнівэрсытэту Альфрэдасам Бумблаўскасам.

Якія карані антысэмітызму і пры якіх умовах ён прымае агрэсіўныя формы? Як прапаганда выклікае нянавісьць людзей да розных групаў – габрэяў, палякаў, так званых «зьбеглых»? Антысэміцкія пратэсты ў Дагестане, праявы антысэмітызму на фоне вайны Ізраілю з Хамас, небясьпеку пагромаў у Беларусі і ролю прапаганды ва ўсім гэтым абмяркоўваем з гісторыкам і палітолягам Аляксандрам Фрыдманам і палітолягам і гісторыкам Розай Турарбекавай.

У гэтую нядзелю як найменей у 12 краінах сьвету пройдуць імпрэзы да «Ночы паэтаў» — адной з самых трагічных датаў беларускай гісторыі. Тады за адну ноч расстралялі больш за 100 беларускіх інтэлігентаў, дзяржаўных, культурных дзеячоў і навукоўцаў. Пра тыя падзеі і паралелі з сучаснай Беларусьсю расказвае паэт, сябра рады Беларускага ПЭНу Андрэй Хадановіч.

Аналітык Сяргей Чалы расказаў пра тое, як робіцца грамадзка-палітычнае шоў «Ноч з Чалым» і што чакае аўдыторыю. Чалы сфармуляваў асноўныя праблемы беларускіх СМІ, расказаў, чаму глядзіць расейскіх блогераў, патлумачыў, як эканамічны крызіс 2015-2016 гадоў прывёў да падзеяў 2020 году. Аналітык параўноўвае цяперашнюю сытуацыю ў Беларусі з позьнім сталінізмам і прагназуе ў будучыні змаганьне паміж умоўнымі Хрушчовым і Берыям, сілавікамі і цывільнымі, якія ў рознай ступені былі саўдзельнікамі злачынстваў.