Радыё Ўнэт | беларускае радыё ў Польшчы

Прысуд журналісту і футбалісту Аляксандру Івуліну за ягоную працу, якой ён нібыта арганізоўваў парушэнні правапарадку, выклікаў абурэнне шмат у каго. Пра сваю рэакцыю на прысуд дзеліцца былы галоўны трэнер гандбольнага клуба Віцязь і актывіст фонду спартовай салідарнасці SOS-BY Канстанцін Якаўлеў.

Сцягванне расійскай вайсковай тэхнікі да мяжы з Украінай, з’яўленне расійскіх вайскоўцаў на поўдні Беларусі паўз межы з Украінай - ці гэта сведчыь пра імавернасць новага ваеннага ўварвання Расіі ва Украіну і як да гэтага варта ставіцца Украіне - пра гэта ў каментары ўкраінскага палітолага Віктара Тарана.

У традыцыйнай творчасці беларусаў ёсць цікавае і таямнічае рамяство – ткацтва. На вёсцы гэтым майстэрствам валодала кожная: нездарма ў пасагу дзяўчыны, што выходзіла замуж, абавязкова былі тканыя вырабы: ручнікі, ходнікі, абрусы і покрыўкі. Паразмаўляем пра сакрэты традыцыйнага майстэрства, а таксама пазнаёмімся з яго захавальніцай, жыхаркай вёскі Старое Ляўкова Ірэнай Ігнацюк.

Краінай замкаў называлі сучаснікі нашу зямлю. Абарончыя збудаванні былі неад’емнай часткай беларускай культуры і сведкамі яе гісторыі.  Мы падрыхтавалі для вас гайд па самых эфектных замках Беларусі.

23 студзеня, у гэтую нядзелю, у Варшаве адбудзецца прэм'ера кароткаметражнага фільма  «000109». Гэта ўжо чацвёртая стужка ў межах праекта Арт-рэвалюшн. На падзею запрашае рэжысёрка стужкі Даша Брыян і прадзюсарка праекта Маша Крук.

Бег зямлі: напярэдадні Новага года ў Беларускім моладзевым хабе адбыўся прэм'ерны канцэрт ад удзельнікаў музычнай рэзідэнцыі «Дома творцаў». У новым праекце Сяржука Доўгушава ўдзельнічалі беларусы Варшавы, Вроцлава, Вільні і нават Берліна. Большасць з іх вымушана выехалі з Беларусі пасля падзей 2020-га. Амаль усе - прафесійныя выканаўцы, для якіх і была створана містэрыя "Бег Зямлі". Магчіны твор, які прадстаўляе нараджэнне, жыццё і знікненне сусвету, складаецца з невялікіх частак, створаных кампазітарамі Віталём Эпавым і Вольгай Падгайскай супольна з удзельнікамі рэзідэнцыі, а таксама з вольных імправізацый музыкаў, распрацоўкай якіх займаўся Аляксей Варсоба.

Сёння наша размова пойдзе пра Казахстан. З улікам таго, што сітуацыя там больш-менш стабілізавалася, гарачая фаза канфлікту мінула і зараз больш ідуць кулуарныя гульні, мы вырашылі азірнуцца на пару тыдняў таму і паглядзець, што транслявалася ў мясцовых сродках масавай інфармацыі і на міжнародным узроўні пра краіну ўвесць гэты час. Выяўленнем фэйкаў у Казахстане займаецца партал Factczek.kz. Разам я го галоўным рэдактарам Паўлам Баннікавым мы разбіраліся, якая інфармацыя вартая даверу, а да якой трэба падыходзіць крытычна.

Авіяцыйны эксперт, галоўны рэдактар расійскага партала Аvia.ru - Раман Гусараў.

Улады Беларусі ўпершыню ў 2020 годзе так маштабна прымянялі зброю супраць мірных пратэстоўцаў: да такой высновы прыйшлі эксперты  Міжнароднай праваабарончай арганізацыі. Яны прааналізавалі нелетальную зброю, якая была заўважана ў беларускіх сілавікоў у канцы лета і восенню 2020 года, паспрабавалі пралічыць  магчымыя схемы яе пастаўкі ў абыход адпаведнага эмбарга — каментар сябра Міжнароднай праваабрончай арганізацыі ад Беларусі - Паўла Сапелкі.

«Працэс»