Jody Hendricks praat met Thelma Bestbier oor die Staatsdiens Pensioenfonds oor die nuwe tweepot-aftreestelsel, soos die voordele wat lede in die verskillende potte ophoop, en hoe dienstydperke bepaal word.

Meer as 11 miljoen Suid-Afrikaners behoort aan een of ander stokvelorganisasie. Jody Hendricks kyk na die geskiedenis van die stokvelkonsep, en vind uit hoe dit jou kan help om te spaar.

Almal is geregtig op ʼn gratis kredietverslag, wat wys hoeveel rente jy op verskillende kredietooreenkomste betaal, en wat jou in staat stel om jou krediettelling met die gemiddelde telling van kredietaktiewe Suid-Afrikaners te vergelyk. Jody Hendricks praat met Wikus Olivier, bestuurshoof van Creditsmart, oor die belangrikheid van jou krediettelling.

Niks bevestig die belangrikheid van water en die impak op die ekonomie soos 'n groot droogte nie. Die belangrikheid van water en die prys wat jy daarvoor betaal, word deur verskeie faktore bepaal. Jody Hendricks praat met waterbeleidskenner Caryn Bosman oor die impak wat water op ‘n land se ekonomie het.

Doris Viljoen van die Universiteit Stellenbosch Sakeskool vertel wat dit beteken om 'n vrou in 'n leierskapsrol te wees. Daar word algemeen aanvaar dat leierskap te make het met die invloed wat 'n persoon op 'n groep of individue het om hulle te motiveer en inspireer om ʼn gesamentlike doelwit te bereik. In bestuurswetenskappe word daar ʼn onderskeid gemaak tussen amptelike en nie-amptelike leierskapsrolle.

Enactus Suid-Afrika is die wêreld se grootste ervaringsleerplatform, wat toegewy is aan die skep van 'n beter, meer volhoubare wêreld terwyl die volgende generasie entrepreneursleiers ontwikkel word. Hulle gebruik die Verenigde Nasies se 17 volhoubare ontwikkelingsdoelwitte as raamwerk vir innovasie, insluitend doelwit 5 om geslagsgelykheid te bereik en alle vroue en meisies te bemagtig. Jody Hendricks praat met bestuurshoof Letitia de Wet oor die Enactusprogram en hoe hulle entrepreneurskap bevorder.

Almal weet hulle moet spaar, maar soms is dit moeilik om die kopskuif te maak. Elke persoon het sy eie drome of doelwitte wat hulle wil realiseer, en om dit te bewerkstellig, moet daar gespaar word. Julie is spaarmaand, en finansiële adviseur Yolande Botha praat oor die belangrikheid van spaar.

Die belastingseisoen het aangebreek. Jy wil nie aan die verkeerde kant van die Suid-Afrikaanse Inkomstediens beland nie, maan belastingkenner Anette Visser.

Die onlangse verhoging in kragtariewe word in verskeie blokke verdeel, en dít bepaal wat jy vir elelektrisiteit betaal. Jody Hendricks praat met drie kenners oor hoe die prys van elelektrisiteit bepaal word, en die impak op verbruikers en die ekonomie.