TROTS SUID-AFRIKAANS moedig ons aan om plaaslik vervaardigde produkte te koop en plaaslike maatskappye, organisasies, produkte en dienste te bevorder. Daardeur help ons werk skep en kan ons die ekonomie 'n lekker hupstoot gee. Helen praat hieroor met Dalene du Preez van TROTS SUID-AFRIKAANS.

Rand en sent 9 November 2014

Die kommissaris van die Nasionale Verbruikerskommissie kuier in die Rand en Sent-ateljee. Jy het 8 basiese verbruikersregte – weet jy wat hulle is? Wat doen jy as jy deur 'n diensverskaffer te na gekom word? Ons kyk ook na hoe jy kan gaan aanklop by die Nasionale Verbruikerskommissie, en jou eie verantwoordelikhede as verbruiker.

Rand en sent 2 November 2014

Hoe registreer jou jou eie onderneming? Wat kos dit? Kan jy dit aanlyn doen? En hoe besluit jy op 'n gepaste naam vir jou onderneming en 'n webtuiste? Helen Ueckermann praat hieroor met Lucinda Steenkamp van die Kommissie vir Maatskappye en Intellektuele Eiendom, en met Eben Esterhuyse van Esterhuyse, Dawson en Genote.

Rand en sent 26 Oktober 2014

Die Nasionale Kredietreguleerder se mandaat is om te verseker dat die Nasionale Kredietwet in stand gehou word, en dat krediet nie toegeken word aan mense wat dit nie kan bekostig om skuld aan te gaan nie.

Rand en sent 19 Oktober 2014

Drankregulasies en -lisensies kan 'n restauranteur, drankhandelaar of –verspreider grys hare gee. Helen Ueckermann praat met Dirk Aspeling van die Departement van Handel en Nywerheid oor die fyner punte van die Nasionale Drankwet en die verkryging van 'n dranklisensie, asook die maatskaplike verantwoordelikheid van drankhandelaars en –verspreiders teenoor die publiek.

Rand en sent 12 Oktober 2014