Eng kill mee och fiicht nordwestlech Stréimung suergt vun elo un dofir, datt sech d’Wieder ëmmer méi der Joreszäit upasst. Den Temperaturtrend weist däitlech no ënnen.

Eng grouss Ëmstellung vun eiser Grousswiederlag steet un. Déi kéint eis am Laf vun der zweeter Wochenhallschent polar Loftmassen zoukomme loossen. Schnéi wier dann och méiglech.

Eng High-over-Low-Wiederlag bréngt eis e Keelt-Virstouss aus Russland. Nodeems et erëm liicht méi mëll gëtt, kéint et fir Silvester a méi markanter Form zu polare Loftmasse kommen.

Et ass esouwäit: D’Wiedermodeller deiten un, datt sech d’Grousswiederlag aus déiwem Loftdrock um Atlantik an héijem Loftdrock heiheem geschwë soll ëmstellen - an dat pénktlech tëschent Chrëschtdag a Silvester.

Den Héichdrockafloss weist sech och weiderhi bei eis zu Lëtzebuerg, deemno och ëmmer nach Niwwel. Déi selwecht Konstellatioun suergt am Mëttelmierraum awer plazeweis fir immens vill Reen an Iwwerschwemmungsgefor.

En Dënschdeg goufen zu Lëtzebuerg knapp iwwer 15°C gemooss, u Wanterwieder ass momentan net ze denken. D’Grousswiederlag ass ëmmer nach blockéiert.

Bis e Mëttwoch erwaart eis e besonnesch markante Virstouss vu waarme Loftmassen. Ënner de momentane Konditioune si wanterlech Entwécklungen immens onrealistesch. Wanterfrënn mussen hoffen, datt sech Mëtt Dezember e Changement etabléiert.

Dat eenzegt, wat zu Lëtzebuerg momentan fir bësse Wanterstëmmung suergt, sinn d’Chrëschtmäert. Mee och den November war schonn een ze waarme Mount.

Meteorologesch gesi geet haut de Wanter un. Mee wat heescht dat elo fir eis? De Moien ass et zwar plazeweis gefruer gewiescht, mee dat heescht net, datt sech de Wanter nohalteg bei eis weist.

Duerch déi momentan Konstellatioun vun den Drockgebitter ännert sech net vill. Mat Héichdrockgebitter iwwer dem Kontinent selwer an déiwem Loftdrock um Atlantik ass meeschtens eng mëll Stréimung um Wierk a manner eng wanterlech.