Terrance April kyk na die oorwegend Katolieke bevolking van Mosambiek en die feit dat daar oral pragtige kerkgeboue is waar die voorgeskrewe liturgieë vir gebeure, soos 'n troue, streng gevolg word. Maputo, die hoofstad, is ook bekend vir sy argitektuur soos die Polana Hotel, wat spog met fasades en vleuels wat uit die Britse koloniale era dateer, asook talle ander geboue wat goeie voorbeelde van die Portugese argitektuur en Art Deco is.

Maputo spog met die beste voorbeelde van Art Deco-argitektuur in die wêreld. Talle van die geboue is deur Mosambiek se voorste argitek, Pancho Degga, ontwerp. Nog 'n uitstaande kenmerk van die koloniale glorie is die fyn mosaïekwerk wat oral te sien is. Die bekende ebbehoutboom kom ook volop hier voor en daar is talle voorbeelde van hoe hierdie duursame hout aangewend is – nie net in klaviere nie, maar ook in alledaagse huisraad. Die stad se Nasionale Museum spog met 'n voorbeeld van 'n selakant, 'n visspesie wat terugdateer uit die dinosourus-era. Voeg hierby 'n eie Portugese taalvariant wat hier gepraat word en die vermening van kulture in hulle kos, kom jy gou agter dat die stad, wat 'n klipgooi van Suid-Afrika af is, talle verrassings inhou en' n besoek die moeite werd sal maak.

Maputo spog met die beste voorbeelde van Art Deco-argitektuur in die wêreld. Talle van die geboue is deur Mosambiek se voorste argitek, Pancho Degga, ontwerp. Nog 'n uitstaande kenmerk van die koloniale glorie is die fyn mosaïekwerk wat oral te sien is. Die bekende ebbehoutboom kom ook volop hier voor en daar is talle voorbeelde van hoe hierdie duursame hout aangewend is – nie net in klaviere nie, maar ook in alledaagse huisraad. Die stad se Nasionale Museum spog met 'n voorbeeld van 'n selakant, 'n visspesie wat terugdateer uit die dinosourus-era. Voeg hierby 'n eie Portugese taalvariant wat hier gepraat word en die vermening van kulture in hulle kos, kom jy gou agter dat die stad, wat 'n klipgooi van Suid-Afrika af is, talle verrassings inhou en' n besoek die moeite werd sal maak.

Johan Rademan kuier met die gids, Abelito, en verskeie Suid-Afrikaners in Kuba.

Johan Rademan kuier met die gids, Abelito, en verskeie Suid-Afrikaners in Kuba.

In die laaste episode van Terrance April se kort besoek aan Abuja, Nigerië se hoofstad, kuier hy as deel van 'n groep joernaliste by 'n kunsgallery waar verfwerk op materiaal en verskeie ander mediums vervaardig en uitgestal word. Die Wes-Afrika land is nie skaam om sy kultuur uit te beeld nie, vandaar die kleurvolle kostuums wat hulle as alledaagse drag aantrek.

Terrance April vertel van 'n heuwel wat deur die plaaslike bevolking as heilig beskou word, en waar talle legende en verhale afgespeel het. Daar is ook 'n pottemakery waar mense uit die omgewing van die mooiste kunswerke uit klei vervaardig met oeroue metodes.

Terrance April besoek Abuja, die hoofstad van Nigerië. Die besoek het saamgeval met die nooiensvlug van SAL tussen Johannesburg en Abuja. Dit is 'n regstreekse vlug en bied nou geleentheid vir sakelui en veral regeringsamptenare om direk tussen die twee belangrike stede te vlug, sonder om eers n draai in die besige Lagos te maak. Terrance en 'n groep joernaliste besoek 'n tradisionele Nigeriese restaurant en hoor meer oor die land en sy mense.

Johan Rademan gesels met Johan Rothmann oor Wêreld Vleilandedag op 2 Februarie, en hoe toerisme vleilande beïnvloed.

Dee Lourens van The Good Holiday gesels oor haar toptoere van 2015, en verduidelik wat vir toeriste voorlê in 2016.