Johan Rademan gesels met Heinrich en Yvette Uys van Pretoria oor hul Kuba-ervaring.Heinrich vertel ook van sy jaarlikse besoek aan 'n F1 Grand Prix. Ons snorkel saam in die karribiese Eilande en Abelito, ons reisgids, vertel deur wie kuba ontdek is.

Martelize Brink het onlangs Tanzanie besoek en Johan Rademan het met haar gesels oor haar wortels in Arusha.

Terrance April kuier verder in Istanboel, Turkye. Een van die interessantste plekke wat hy aangedoen het, is die hoofkwartier van die Turkse Lugdiens. Daar het hy en 'n groep joernaliste die voorreg gehad om n kykie te kry in die streng opleiding van hulle vlieëniers en vlugkelners.

Johan Rademan het tydens die RSG Oppiwater Kunstefees 2016 by Wallvisbaai aan wal gegaan en die naburige Swakopmund besoek. Wessie van der Westhuizen vertel van die Strandhotel-konsep. Stephan Cook, 'n Duitse mini-bierbrouer, vertel van hierdie kunsvorm en Paulus Filipus soek 'n pasmaatgereg vir 'n eksotiese boetiekstylbier.

Johan Rademan gesels met Johann Rothmann oor die 21 uit 22 Ramsarvleilande van Suid-Afrika wat hy al besoek het.

'n Mens kan nie uitgekuier raak in 'n ou wêreldse stad soos Istanboel nie. Terrance April sit sy reis in Turkye voort, en vertl van die argitektuur die Ottomaanse Ryk en watter invloed die Sultans van destyds op die stad en sy mense gehad het. Daar word gekuier by 'n indrukwekkende vyfster hotel aan die oewer van die Straat van Bosporus, asook die Somerpaleis van die Sultans. Die gebou is vandag 'n bekende museum.

Johan Rademan gesels met Elna Ritten oor haar ervaring van Kuba. Sy is 'n Suid-Afrikaner wat nou in Nieu-Seeland woon en onlangs saam met 'n groep Suid-Afrikaners in Kuba gekuier het.

Terrance April was in Istanboel in Turkye. Hy wys ons die prag en swier van hierdie wêreldstad.

Johan Rademan gesels met 'n paar Suid-Afrikaners oor hulle besoek aan Kuba.

Johan Rademan het op sy onlangse besoek aan Kuba met Yolandi Roets van Orania gesels oor die persepsies teenoor die werklikheid van Kuba.