Johan Rothman vertel vir Martelize Brink van sy voortgesette RAMSAR-Vleiland ontdekkings in Botswana en Namibië.

Afrikaburn, Suid-Afrika se Burning Man weergawe, vind jaarliks langs die Tankwa Karoo Nasionale Park op die plaas, Stonehenge, plaas. Verlede jaar het meer as 12 000 mense 'n Boheemse tydelike dorpie gestig waar musiek, kuns en vrye kreatiewe uitinge hoogty vier. Die Amerikaanse Burning Man het laasjaar meer as 60 000 mense getrek na die Black Rock Desert in Nevada. Die eerste samekoms was in 1986 op Baker Beach in San Francisco. Johan Rademan gesels met 'n Suid-Afrikaner, Fred Viljoen, wat 'n kreatiewe vervoermiddel vir Afrikaburn gesweis en gebou het.

Johan Rademan kuier langs die Breerivier tussen Malgas en Kaap Infanta waar hy met Elizabeth Pieterse, Harry Pieterse en Magrieta Loff gesels.

Johan Rademan besoek die stasiebevelvoerder van die NSRI op Stilbaai, Rico Menesies en sy span vrywilligers. Hy gesels met verskeie lede oor die Junior Akademie en maak ook 'n roetine-oefenlopie op die see mee.

David Kramer praat vertel van sy drie gunsteling wêreldstede waarheen hy graag reis.

Die De Hoop Natuurreservaat bied 'n puik walviskykervaring gedurende die blomseisoen. Johan Rademan gesels met Hannes Uys van Waterkloof-gastehuis in die Wes-Kaap oor die weggesteekte juweel.

Johan Rademan praat in Kuba 'n reisgids, Abelito, oor Guantanamobaai en die lied Guantanamera.

Terrance April kuier vir oulaas in Georgië. Hy doen aan by die Stalin-museum in Gori waar die Russiese leier gebore is; besoek 'n gebied waar oorblyfsels van grotte uit 'n oeroue-tydperk te sien is, asook die gewilde ski-oorde hoog in die Kaukasiese Gebergte wat aan Rusland grens.

Johan Rademan gesels met Marcelle Hammans van Immenhof oor die heuningboerdery in Nederland

Terrance April het die hoofstad, Tbilisi, in Georgië besoek en verneem ons van n ou gebruik om skaapwol te weef en van die kleurvolste produkte te maak. Ons verneem van die geskiedenis van die stad en sy mense en hoe hulle oorleef het ten spyte van talle aanslae deur vreemde magte in daardie geweste.