Die ontwikkeling van die Kaapstadse Waterkant is 30 jaar gelede begin, en vandag is dit een van die grootste suksesverhale in die Suid-Afrika se toerismegeskiedenis. Meer as 25 miljoen mense het al hierdie gesogte toerismebestemming besoek. Die afgelope drie jaar was dit die topbestemming in Suid-Afrika. Die onlangse voltooiing van die Silo-projek het die haweterminaal verbind met die V&A Waterkant. Die Internasionale aankoms- en vertrekterminaal by Kaapstadhawe word tans opgeknap en behoort teen Desember voltooi te wees. Johan Rademan het met Andre Blaine, Uitvoerendebestuurder van Maritieme-aangeleenthede, gesels.

Johan Rademan gesels met Jurgens Schoeman wat onlangs die Australiese Outback besoek het. Die gebied strek 5 000 km van suid na noord, en 5 000 km van oos na wes. Dit beslaan 73% van Australië se landoppervlakte, met Alice Springs die bekendste dorpie in die middel van die Outback.

Mosambiek en sy inwoners het deur diep waters gegaan wat sy geskiedenis betref. Eers was daar die koloniale era, gevolg deur 'n vryheidsoorlog en toe 'n burgeroorlog. Vandag kyk die terug op sy geskiedenis wat dien as inspirasie om te ontwikkel, en hulle in staat stel om hulle erfenis en kultuur te vier. Die hoofstad, Maputo, wat maklik van Suid-Afrika af bereik kan word, spog met argitektoniese skatte, kleurryke materiale, eksotiese kos en gemoedelike mense, wat 'n besoek aan die land, en veral die hoofstad, die moeite werd maak. Terrance April was onlangs daar.

Johan Rademan stel Rickma Coxon aan die RSG-reisigers voor, wat ons neem na die vleispotte van Marokko en die Bedoeiene-woestyn. Sy maak ook 'n kontinentale sprong met tapas in Spanje - lles leerskole en randrekkers vir voornemende toeriste.

Johan Rademan gesels met twee Suid-Afrikaanse vroue van Ladybrand in die Oos-Vrystaat, wat met twee Franse neefs uit die Henri Bourgeois-stamboom getroud is, en nou in Sancerre in Frankryk woon. Sandra Bougeois (Malan) en haar broer David Malan, wat ook in sentraal Frankryk woon, deel saam met een van die neefs Arnaud Bourgeois en sy vrou, Sigi (Koornhof), hulle besondere lewensverhale.

Die Kgalagadi Sightings Facebook-groep hou nie van politiek of polimiek nie. Díe 35 000 lede streef daarna om deur genot net hul beste te gee vir die Nasionalepark en die gemeenskappe om die kamp. Carl Gerber vertel vir ons meer oor díe groep en hoe hulle ledetal in vyf jaar selfs internasionaal gegroei het.

Ingemar de Wet is in Kanada gebore en het daar skoolopleiding ontvang. Hy het pas saam met 'n groep van 31 afgestudeerde Mynboustudente van Brits-Colombie in Kanada deur Afrika getoer. Hoewel myne in Botswana interessant was, het die Krugerwildtuin en Kaapstad hul harte gesteel. Johan Rademan het met Ingemar wat nog 'n stewige skoot Afrikaans onder die knie het, gesels.

Sleehonde is iets wat baie Suid-Afrikaners net in flieks sien, maar Johan Rademan neem jou op 'n Noorweegse-hondesleerit die ysveld in. Johan en Susan Claassens van Delmas gee ook 'n perspektief van hulle belewenisse in hierdie Nordiese land.

Johan Rademan kuier in die Noorweegse hoofstad, Oslo, by die Nobelvredespryssentrum en raadsaal waar die oorhandigingseremonie op 10 Desember elke jaar plaasvind. Luister na uittreksels van die vier Suid-Afrikaanse Nobelvredesprysontvangers en hoor wat die gids Eric en Suid-Afrikaners, Linde van Niekerk, Linda Wallace en Barbie Bredenkamp te sê het oor die ervaring.

Kirkenes is n dorpie in Noorweë wat aangewese is op toerisme vir oorlewing. In die winter is slee-ry, koningkrap eet en 'n besoek aan die sneeuhotel van die onmisbare elemente op die toerismespyskaart. Johan Rademan het in Kirkenes by die Sneeuhotel gaan inloer. Vanjaar se hotel het 26 kamers, elk met 'n eiesoortige tema wat deur Sjinese kunstenaars gedoen word.