Die ou klipgebou langs die spoorlyn in Elgin, wat deur Italiaanse krygsgevangenes gebou is, is tot 'n nuwe glorie herstel, wat gekombineer word met 'n outentieke stoomtreinervaring uit Kaapstad. Deborah Smook en Derich du Toit deel hierdie opwindende nuus met Johan Rademan en voornemende toeriste aan die vrugbare vallei.

Johan Rademan gesels met dr. Mandie Uys oor die tsaardom en ikone in Rusland, met spesifieke verwysing na Uglich wat amper die hoofstad van Rusland was. Natalia, 'n Russiese gids, gee ook agtergrond oor die twee tsaardomme en die dood van Dimitri, wat gelei het tot 'n klok se klepel wat as tronkstraf hardepad in Siberië gekry het. Hoor hoe klink die klok, wat weer terug is in die Russiese-ortodokse kerkie in Uglich.

Johan Rademan gesels met Maria Smorena, 'n Russiese toerismegids, en dr. Mandie Uys van die Noordwes-universiteit, waar sy as dosent in Engels 'n liefde vir Rusland ontwikkel het. Die afgelope dekade reis sy gereeld van Suid-Afrikana Rusland. Moskou of St. Petersburg (die ou Leningrad) - Wie of wat verkies jy? Luister en besluit self. Word deel van 'n 1 300 km rivier- en mere-vaart van Moskou na St. Petersburg.

Terrance April gesels met RSG-omroeper Christelle van Tonder oor haar onlangse reis na Egipte.

Dis altyd lekker om te verneem van reisigers en toeriste oor hoe hulle bekende en selfs minder bekende bestemmings ervaar. Terrance April gesels met 'n bekende oor haar ervarings in Zanzibar.

Johan Rademan het onlangs besoek afgelê by Onze Rust, 40 km suid van Bloemfontein in die Vrystaat. Pres. M.T. Steyn het vroeër daar gebly, en dit is een van die onafgebrande plase tydens die Anglo-Boereoorlog. Jackie Steyn vertel meer van die geskiedenis van die plaas en van Ruiter,'n Griekwa-man en die president se agterryer, wat ook op die plaas begrawe is.

Het jy dit al ooit gewaag om saam met grootwithaaie te duik, maar jy is eenvoudig te bang om dit aan te durf? Marlinee Fouche was in dieselfde bootjie, totdat sy haar sokkies opgetrek het en saam met Mosselbaai se jong haaie gaan swem het. Volgens haar maak die vrees vinnig plek vir verwondering, en is dit iets wat enigiemand kan doen...

Van 1910 tot 1912 is die spoorlyn deur Michellspas van Kaapstad na Ceres gebou, en 'n 100 jaar later het die Ceres Railway Company die glorie van die stoomtreinera laat herleef. Johan Rademan is in gesprek met Derick du Toit wat van 2002 af die droom gehad het om treine vir vrag en toerisme weer deur die pas, via Wolsley en Tulbach te karwei. Water en brandgevaar was van die vernaamste uitdagings om te oorbrug. Kole word met olie vervang om stoom te maak, en houteetwaensrytuie, wat die voorloper van vandag se Bloutrein is, word uit die 20e eeu gebruik.

Johan Rademan besoek die Auwal Masjid moskee, die oudste moskee in die Bo-Kaap, as deel van Cape Town Free Walking Tours.

Navorsing van die Verenigde Nasies se Wêreld Toerisme-organisasie, waarby 54 lande geakkrediteer is, dui daarop dat 1 uit elke 11 werksgeleenthede verband hou met toerisme. Die globale Bruto Binnelandse Produk raak-raak aan 10%. Johan Rademan het met PJ Basson, wat gereeld internasionale toerisme-skoue bywoon, gesels en in Montagu, waar hy werksaam is, gaan uitvind dat die dorpie op die R62 met sy 10 000 inwoners vaste betrekkings aan 675 mense bied in die toerismesektor. Baie beroepe dink 'n mens nie eers aan nie soos skoonmakers, tuiniers, terapeute, sjefs, opsigters, verwers, wassers en selfs 'n klavierspeler. Op Montagu is Wilan Temani die plaaslike selfopgeleide pianis wat deedae op 'n vaste basis in die restaurant van die hotel speel. Sy ma, Katie, wat in die 2 000 oorlede is, het by die hotel gewerk. As klein seuntjie het Wilan soms saam met sy ma hotel toe gegaan en handjie bygesit.