Tromso is 'n navorsing- en universiteitsdorpie in Noorweë waar die Aurora Borealis, ook bekend as die noorderlig, bestudeer word. Die ekostelsel in die Arktiese-sirkel is fassinerend en ysseevlakke word ook in die polaruimnavorsingsentrum gemonitor. Johan Rademan gesels met teoretiese fisikus Hendrik Geyer oor die ligverskynsels; die arktiese marinebioloog Carl Ballentine vertel van sy studieveld; Linde van Niekerk verduidelik die verskil tussen 'n somer- en winterbesoek aan hierdie Skandinawiese land; en Wiilemine de Jager spog met haar groen weergawe van die Borealis.

Johan Rademan gesels met Eric Durozard, 'n gids in Noorwee oor die bekende Gustav Vigeland Park in Oslo. Die beeldhou werke toon die mens in naakte vorm van die wieg tot die graf. Ander kultuurskatte van Oslo word ook ingesluit soos, Henrik Ibsen, die skrywer wat as dramaturg as die vader van realisme bekendstaan. Edvard Grieg, waarskynlik Noorwee se bekendste komponis kom ter sprake(Grieg het juis die drama van Ibsen, Peer Gynt in n suite omskep en Oggendstemming is een van die bekendste klassieke stukke musiek). Edvard Munch (The Scream) het ook 'n museumkamer in Oslo. Linde van Niekerk(Seagulltoere), Andre en Gabrielle Albertyn van Port Elizabeth en Linda Wallace van Durbanville in Suid-Afrika gee ook hulle menings oor Oslo, die hoofstad van Noorwee.

Baie Suid-Afrikaners se ervaring van 'n Indiese Oseaan-eiland is Mauritius, maar daar is 'n beeldskone eweknie - die minder bekende Reunion, wat 215 kilometer suidwes daarvan lê en wag vir toeriste. Die eiland, wat deur Frankryk geadministreer word, is lid van die sogenaamde vanielje-eilandgroep, saam met Mauritius, die Seychelles, Madagaskar en Mayote. Dit kan ook as deel van 'n luukse bootvaart besoek word – boonop visumloos! Helene Bezuidenhout is hoof van die Franse Toerismeburo in Johannesburg, Atout France. Sy het haar Afrikaanse van te danke aan haar huwelik met ene Johan. Hierdie Franse vrou het dus 'n sagte plek vir Afrikaanssprekendes, en het Anita Visser onlangs genooi om Reunion te besoek.

Johan Rademan gesels met Chris Schalkwyk oor die Nkabeni-, Shalati- en Malelane-gemeenskappe naby die Krugerwildtuin se inskakeling by reisprojekte.

Johan Rademan gesels met Liesl Nel , bestuurder van Le Boat SA, kanaalboottoere in Frankryk. Meer as 4 000 Suid-Afrikaners het in 2016 op die Franse kanale gaan vaar, en vanjaar word 'n groei van 20% verwag.

Johan Rademan gesels met Mark Botha van die Cederberge oor rotsklim, en plaaslike asook internasionale belangstelling in die rotsgesteentes vir klimdoeleindes in die Clanwilliam-omgewing.

Die oudste woestyn op die aarde is die Namib. Johan Rademan gesels met Jaques Delport, wat saam met sy pa die woestyn gekarteer het vir toeganklikheid vir toeriste voor daar GPS-stelsels was. Voor die kartering het die woestynbewoners, die Toppenaars, reeds daar geleef en oorleef. Len Kootjie, die seun van die bekende kultuurleier Sev Kooitjie, vertel meer oor sy siening van die woestyn en toerisme. Jurgens Schoeman van Live The Journey is een van vier konsessie houers wat net tien groepe van 12 mense per jaar deur die duine van tot 300 meter hoog mag neem.

Johan Rademan gesels met Gys Botha oor AEL-bewaring en opleiding deur benutting van die omgewing soos in die Kgalagadi en die Suide van Namibië.

Johan Rademan gesels met Gys Botha oor AEL-bewaring en opleiding deur benutting van die omgewing soos in die Kgalagadi en die Suide van Namibië.

Terrance April gesels met Ignacio Blanco van LATAM AIRLINES wat binnekort tussen Suid-Amerika en Suid-Afrika sal vlieg.