Johan Rademan gesels met Dirk Coetzee oor ervarings ter see as 'n marinetoergids. Hy vertel van Buffel, die reuse rob wat sosiale media oorheers het, en wat by geleentheid met 'n kreef in die bek langs sy kajak opgeduik het. Buffel wat langer as vier meter is, sowat vyf ton weeg, en tot 'n diepte van 1,000 meter duik kom groet nie sommer enige iemand nie.

Johan Rademan gesels met dr. Pierre Brink, 'n afgetrede medikus, oor die Vriende van Verlorenvlei se pogings om die Verlorenvlei RAMSAR Vleilandgebied te red. Die vleiland is onder geweldige druk weens uitgebreide boerdery en swak bestuur van die vleilandgebied deur die owerhede. Die oerbron van vars water sal die ontspanningsterrein vir toeriste, wat fotograwe en fauna- en floraliefhebbers insluit, ontneem van die ryk biodiversiteit in die toekoms.

Johan Rademan gesels met Jaco Powell en Ingrid van den Berg, medeskrywers van die boek KGALAGADI SELFDRIVE, ROUTES & RATINGS. Jaco is die eienaar van Cape Fox Tours en het B.Sc Dierkunde en Entomologie aan Kovsies studeer. Hy fokus as toergids vir meer as twee dekades spesifiek op die Kgalagadi, waar hy as kind reeds noukeurig begin aantekeninge maak het oor verskynsels in die oorgrenspark.

Nico Esterhuizen van die Suid-Afrikaanse Versekeringsvereniging (SAIA) vertel vir Haidee Muller van die voorsorgmaatreëls wat jy moet tref voor jy die pad vat vir jou langverwagte vakansie.

Beleef 'n trekkerrit teen die Langeberge op op die plaas Protea buite Montagu.

Johan Rademan het Johann Brits gepols oor motorfietsagterpaaie, en hoe 'n toeroperateur kop skoonmaak tydens vakansies.

Johan Rademan gesels oor die Oppiwaterkunstefees van wat van 15 tot 19 April 2019 plaasvind. Frans Swart besoek die MSC Musica, waarop die fees aangebied word, waar hy met die Italiaanse-bemanningslede gesels.

Esther Koch woon in Nieu-Seeland. Sy vertel vir Johan Rademan van plekke wat Suid-Afrikaners moet gaan besigtig wanneer hulle die land van die Silwer Varing besoek.

Doringbaai aan die Weskus was eensbekend vir kreef en vis, maar toe raak dit met die gebrek aan viskwotas 'n spookdorpie. Met die gemeenskapsingesteldheid van Fryer Cove, wat destyds hier werksaam was, is die dorpie nou 'n gewilde toerismebesoekpunt en is die visfabriek omskep in die enigste wynkelder op seevlak in Suid-Afrika. Die gemeenskap se vaardighede is opgeknap vir die toerisme-uitdagings en deesdae hengel hulle toeriste. Hoor meer oor Doringbaai se opstanding en plekke soos Bamboesbaai en die hol kranse waaruit die pluimvee en vee hulle varswater moes drink. Johan Rademan het met Monika de Jager van Weskustoerisme en Jan van Zyl, Doringbaai-projekleier, gesels.

Die Betlehemmuseum word gehuisves in die tweede oudste sendingkerk in die Vrystaat, wat uit 1906 dateer. Die voorsitter van die Vriende van die Museum, Erene Olivier, en haar man, die voormalige stadsklerk Johan Olivier, vertel aan Johan Rademan hoe hulle moet woeker om die museum weer in 'n sierraad te omskep en die kultuur van die omgewing te verenig in die museum. Hulle werk saam met die museumtrust om dit lewensvatbaar te hou vir die publiek en om deur gesellige geleenthede die geldkoffers gevul te probeer hou.