ក្រសួង​កសិកម្ម រុក្ខា​ប្រមាញ់ និង​នេសាទ បាន​បើក​វេទិកា​ទ្រង់​ទា្រយ​ធំ​ជា​លើក​ដំបូង ដោយ​មាន​ការ​ចូល​រួម​ពី​ផ្នែក​ពាក់​ព័ន្ធ រួម​ទាំង​សហគមន៍ នានា ដែល​អាស្រ័យ​ផល​លើ​វិស័យ​កសិកម្ម ប្រមាណ​ជាង ៤០០​នាក់។ លោក ឡោ រស្មី អគ្គលេខាធិការ និង​ជា​អ្នក​នាំ​ពាក្យ​ក្រសួង​កសិកម្ម​លើក​ឡើង​ថា កម្មវិធី​ថ្ងៃ​នេះ បាន​បើក​ឲ្យ​មាន​ការ​ចូល​រួម​មតិ ដោយ​សេរី​ពី​ប្រជាសហគមន៍ ក្នុង​ការ​លើក​ឡើង​ពី​ការ​ប្រឈម​នានា លើ​វិស័យ​កសិកម្ម។ លោក​ថា ក្រសួង​កសិកម្ម​រីករាយ ទទួល​យក​ការ​លើក​ឡើង​នានា​ពី​គ្រប់​មជ្ឈដ្ឋាន យក​ទៅ​ពិចារណា ​និង​ស្វែង​រក​ដំណោះ​ស្រាយ។

ភ្ញៀវ​ប្រចាំ​ថ្ងៃ​របស់​វិទ្យុ​បារាំង​អន្តរ​ជាតិ​នៅ​យប់​នេះ គឺ​លោក​នេត្រ ភក្រ្តា ជា​មន្ត្រី​នាំ​ពាក្យ​សាលា​ក្តី​ខ្មែរ​ក្រហម ឬ​អង្គ​ជំនុំ​ជម្រះ​វិសាមញ្ញ​ក្នុង​តុលាការ​កម្ពុជា​(អ.វ.ត.ក)។ នៅ​ថ្ងៃ​នេះ សហ​ចៅ​ក្រម​ស៊ើប​អង្កេត​នៃ​សាលាក្តី​ខ្មែរក្រហម បាន​លើក​លែង​ការ​ចោទ​ប្រកាន់​ប្រឆាំង​លោក​ស្រី​អ៊ឹម ចែម នៅ​ក្នុង​សំណុំ​រឿង​០០៤/០១​។ លោកនេត្រ ភក្ត្រា​បាន​បញ្ជាក់​ពី​មូល​ហេតុ​ថា​ការ​សម្រេច​នេះ គឺ​ដោយ​សារ​តែ​លោក​ស្រី​អ៊ឹម ចែម​មិន​ស្ថិត​នៅ​ក្រោមយុត្តាធិការ​បុគ្គល អ.វ.ត.ក ឡើយ មាន​ន័យ​ថា​លោក​ស្រី​អ៊ឹម ចែម មិន​មែន​ជា​មេដឹក​នាំ​ជាន់​ខ្ពស់ ឬ​ជា​អ្នកទទួល​ខុស​ត្រូវ​ខ្ពស់​បំផុត​នៅ​ក្នុង​របប​ខ្មែរ​ក្រហម​ទេ។ ក្នុង​សំណុំ​រឿង​០០៤​នេះ មាន​ជន​សង្ស័យ​ពីរ​នាក់​ទៀត គឺ​លោក​អោ អាន និង​លោក​យឹម ទិត្យ។ បើ​តាម​អ្នក​នាំ​ពាក្យ​រូប​នេះ លោក​អោ ​អាន ដែល​ស្ថិត​ក្នុង​សំណុំ​រឿង០០៤/២ ត្រូវ​បាន​បញ្ចប់​ការ​ស៊ើប​សួរ​ហើយ ចំណែក​លោក​យឹម ទិត្យ ដែល​ស្ថិត​ក្នុង​សំណុំ​រឿង​០០៤/៣ កំពុងតែ​ស្ថិត​នៅ​ក្នុង​ការស៊ើបសួរ​នៅ​ឡើយ​៕

ភ្ញៀវ​​​ប្រចាំ​​​ថ្ងៃ​​​របស់​​​យើង​​នៅ​រាត្រី​​នេះ គឺ​លោកស្រី មូរ សុខហួរ អ្នក​តំណាង​រាស្រ្ត​​គណបក្ស​​សង្គ្រោះជាតិ។ តំណាងរាស្រ្ត​ស្រ្តី មណ្ឌល​បា​ត់ដំបង រូបនេះ យល់​ថា ច្បាប់​វិសោធន​កម្ម​ស្តីពី​គណបក្ស​នយោ​បាយ ដែល​ទើប​តែ​អនុម័ត​ដោយ រដ្ឋសភា កាល​ពី​ថ្ងៃ​ចន្ទ នឹង​​ធ្វើ​ឲ្យ​​ប៉ះពាល់​ដល់​ជីវិ​ត​លទ្ធិ​ប្រជា​ធិបតេយ្យ​កម្ពុជា​ ព្រោះ​ស្ថាប័ន​រដ្ឋ ដែល​គ្រប់គ្រង​ដោយ​បក្ស​កាន់​អំណាច​ ជា​អ្នក​​កំណត់​ដាក់​ទោសបុគ្គល ឬ​រំលាយ​គណបក្ស​នយោបាយ​។ លោក​ស្រី មូរ សុខហួរ ជឿជាក់​ថា​ ច្បាប់​នេះ​នឹង​ធ្វើ​ទុក្ខ​បុកម្នេញ​បក្ស​សង្រ្គោះ​ជាតិ នៅ​ពេល​​បោះឆ្នោត​ខាង​មុខ តែ​បក្ស​សង្រ្គោះ​ជាតិ នឹង​ទុក​ឲ្យ​ម្ចាស់ឆ្នោត​ជាអ្នក​សម្រេច​ជោគ​វាសនា​បក្ស​ មិន​មែន​​ច្បាប់​របស់​បក្ស​កាន់​អំណាច​នោះ​ទេ​។

ភ្ញៀវ​ប្រចាំ​ថ្ងៃ​របស់​វិទ្យុ​បារាំង​អន្តរ​ជាតិ​នៅ​យប់​នេះ គឺ​លោក​ខៀវ បូរិន ជា​អគ្គនាយក​នៃ​អគ្គនាយកដ្ឋាន​សហគមន៍​មូល​ដ្ឋាន​នៃ​ក្រសួង​បរិស្ថាន​។ លោក​ខៀវ បូរិន​បាន​ឲ្យ​ដឹង​ថា​ក្រសួង​​បរិស្ថាន​ទទួល​ស្គាល់​ថា ​នៅ​មានការ​កាប់​ឈើ​ជា​លក្ខណៈ​គ្រួសារ​តិច​តួច​ក្នុង​តំបន់​ការ​ពារ​ធម្មជាតិ​។ តែ​លោក​ថា​ក្រសួង​បាន​ធ្វើ​ការ​ងារ​ជា​ច្រើន​ហើយ ដើម្បី​ទប់​ស្កាត់​បទ​ល្មើស​ព្រៃ​ឈើ​ទ្រង់​ទ្រាយ​ធំ។​ លោក​បញ្ជាក់​ថា រហូត​មក​ដល់​បច្ចុប្បន្ន​នេះ​សឹង​តែ​គ្មាន​បទ​ល្មើស​ព្រៃ​ឈើ​ទ្រង់​ទ្រាយ​ធំ​កើត​ឡើង។ ដើម្បី​ដោះ​ស្រាយ​បញ្ហា​កាប់​ឈើ​ជា​លក្ខណៈ​គ្រួសារ​ បច្ចុប្បន្ន​ក្រសួង​បរិស្ថាន​កំពុង​តែ​លើក​ស្ទួយ​ជីវភាព​របស់​ប្រជា​ពលរដ្ឋ ​ដែល​រស់​នៅ​ក្នុង​សហគមន៍​ក្បែរ​តំបន់​ការពារ​ធម្មជាតិ តាម​រយៈ​របរ​ផ្សេងៗ​ទៀត​ ជា​ជាង​ការ​ពឹង​ផ្អែក​លើ​ការ​កាប់​ឈើ​។

ភ្ញៀវ​ប្រចាំថ្ងៃ​របស់​យើង​នៅ​យប់​ថ្ងៃអាទិត្យ​នេះ គឺ​លោក ហ៊ុយ វ៉ាថារ៉ូ ជា​ប្រធាន​សមាគម​ធានារ៉ាប់រង​កម្ពុជា។ ស្រប​ពេល​នឹង​វិស័យ​ធានារ៉ាប់​រង​កំពុង​តែមាន​សន្ទុះ​កើនឡើង,​ លោក ហ៊ុយ វ៉ាថារ៉ូ បាន​បញ្ជាក់ថា ការ​រ៉ាប់រងអាយុជីវិត​ មិនមែន​ជា​ការយកជីវិត​មក​ភ្នាល់ ឬជាការ​ប្រមាថជីវិតនោះទេ តែជាការ​រៀប​ចំ​ផែនការជីវិត​ឲ្យ​ល្អ។ ប្រធាន​សមាគម​ធានារ៉ាប់រង​កម្ពុជា បន្ថែមថា នៅស្រុក​ខ្មែរសព្វ​ថ្ងៃនេះ​ ការធានា​​រ៉ាប់រងអាយុជីវិត ការ​ធានារ៉ាប់រង​​សុខភាព និង​ការធានា​​រ៉ាប់រងយានយន្ត​ ព្រមទាំង​ការ​ធានារ៉ាប់​រង​អគ្គិភ័យ​ កំពុងតែ​ត្រូវ​ប៉ាន់។

ភ្ញៀវ​ប្រចាំ​ថ្ងៃ​របស់​វិទ្យុ​បារាំង​នៅ​យប់​នេះ គឺ​លោក​ឧកញា ម៉ុង ឬទ្ធី សមាជិក​ព្រឹទ្ធសភានិង​ជា​ប្រធាន​ក្រុម​ហ៊ុន​ម៉ុង​ឬទ្ធី​គ្រុប។ ក្រុមហ៊ុន​ម៉ុង ឬទ្ធី កំពុង​នាំ​ស្វាយ​ខ្មែរ​ទៅ​លក់​នៅលើ​ទី​ផ្សារ​អន្តរ​ជាតិ។ មុន​ទទួល​បាន​ភ្លើង​ខៀវ​នាំ​ស្វាយ​ទៅ​លក់​នៅ​ក្រៅប្រទេស​នេះ​លោក ម៉ុង ឬទ្ធី បង្ហាញ​ពី​ការ​លំបាក់​ទាក់​ទង​បច្ចេកទេស​នៃ​ការ​វេច​ខ្ចប់និង​បញ្ហា​ថ្លៃ​ដឹក​ជញ្ជូន​តាម​យន្ត​ហោះ​ជា​ដើម។ លំបាក់​បន្តិច​មែន​តែ​ការ​នាំ​ចេញ​ស្វាយខ្មែរ​ទទួល​បាន​គាំទ្រ​និង​ការ​លើក​ទឹក​ចិត្ត​ឲ្យ​នាំ​ចូល​បន្ថែម​ទៅ​កាន់​ទីផ្សារ​អន្តរ​ជាតិ៕

ក្រសួងសេដ្ឋកិច្ច ហិរញ្ញវត្ថុ និង ធនាគារជាតិនៃកម្ពុជា បានចេញសេចក្តីថ្លែងការណ៍រួមគ្នាមួយ កាលពីថ្ងៃទី១៦ កុម្ភៈ ប្រាប់ពលរដ្ឋថា ធនាគារឯកទេស គ្រឹះស្ថានមីក្រូហិរញ្ញវត្ថុ និង​ប្រតិបត្តិ​ករ​ឥណទានជនបទ ជា គ្រឹះស្ថានឯកជន ព្រមទាំងព្រមានដល់ ជនណា ដែល​ហ៊ាន​ដើរ​ឃោសនា​បោក​ប្រាស់ពលរដ្ឋពីបញ្ហាបំណុល ខ្ចីហើយមិនបាច់សង នឹងត្រូវមាន​ទោស​តាម​ច្បាប់។ លោក ហួត អេងតុង ប្រធានសមាគមគ្រឹះស្ថានមីក្រូហិរញ្ញវត្ថុកម្ពុជា បានបញ្ជាក់ថា លោកមិនបានដឹងពី មូលហេតុនៃការឃោសនាបោកប្រាស់ថា គ្រឹះស្ថានធនាគារ និង​មីក្រូ​ហិរញ្ញវត្តុ​ឯកជន ជា គ្រឹះស្ថានរបស់រដ្ឋយ៉ាងដូចម្តេចទេ? តែលោកជឿជាក់ថា សមាជិក​សមាគម មិនដែលផ្សព្វផ្សាយថា គ្រឹះស្ថានរបស់ខ្លួន ជា គ្រឹះស្ថានរដ្ឋឡើយ។ យ៉ាងណា​ក៏ដោយ សមាជិកទាំង ៨៣ គ្រឹះស្ថាន របស់លោក បាន​ព្រមព្រៀងគ្នា​បិតបន្ថែមពាក្យថា «គ្រឹះស្ថា​ន​ឯកជន» នៅរាល់ស្លាកយីហោរបស់ខ្លួន ដើម្បីចៀសវាងការភ័ន្តច្រលំ និង​ដើម្បី​អនុវត្ត​តាម​ការណែនាំរបស់រាជរដ្ឋាភិបាល។

កាលពី​ខែឧសភា​ឆ្នាំ២០១៦ កន្លងទៅ លោក​អ៊ូ វីរៈ ប្រធាន​វេទិកា​អនាគត និង​ជា​អ្នកវិភាគ​ស្ថានការន​យោបាយ​កម្ពុជា ត្រូវបាន​គណបក្ស​ប្រជាជន​ប្តឹង​ទាក់ទង​ទៅនឹង​ការបញ្ចេញមតិ​របស់ខ្លួន ។ រំលង​បាន​ប្រមាណ​ពីរ​ខែ លោក​កែម ឡី អ្នកវិភាគ​បញ្ហា​សង្គម និង​នយោបាយ​ដ៏​ល្បីល្បាញ​ក៏ត្រូវ​បាន​គេ​បាញ់សម្លាប់​ទៅទៀត។ ចំណែក​នៅ​ដើម​ឆ្នាំនេះ លោក​មាស នី ដែលជា​អ្នកសិក្សា​ស្រាវជ្រាវ ដើម្បី​ការអភិវឌ្ឍ​សង្គម ត្រូវបាន​លោកនាយក​រដ្ឋមន្ត្រី​ហ៊ុន សែន វាយប្រហារ​លើ​ការអត្ថាធិប្បាយ​របស់គាត់។ ជាងនេះទៅទៀត គឺ​លោក​គឹម សុខ អ្នកឃ្លាំមើល​បញ្ហា​សង្គម និង​នយោបាយ​ដែល​ទើបតែ​ចេញមុខ​វិភាគ ក៏ត្រូវ​លោក​ហ៊ុន សែន ប្តឹង​ពីរ​បទល្មើស​ពាក់ព័ន្ធ​នឹង​ការលើកឡើង​របស់គាត់​នៅតាម​ប្រព័ន្ធ​ផ្សព្វផ្សាយ​ផងដែរ។ ទិដ្ឋភាព​ទាំងនេះ ចង់​ឫ​មិន​ចង់ វា​ច្បាស់​ណាស់​ថា​នឹង​ប៉ះពាល់​ដល់​អ្នកវិភាគ និង​អ្នក​ចង់​ក្លាយខ្លួនជា​អ្នកវិភាគ។ សម្រាប់​មន្ត្រី​អង្គការសិទ្ធិមនុស្ស​វិញ អ្វីៗដែល​បាន និង​កំពុង​កើតឡើង​នេះ នឹង​អាចធ្វើ​ឲ្យ​ខ្វះ​អ្នកវិភាគ​ទៅ​ថ្ងៃ​អនាគត ព្រោះ​គ្មាន​អ្នកណា​ហ៊ាន​និយាយ ហ៊ាន​វិភាគ​ទៀត​ទេ។

ឆ្លើយ​តប​នឹង​ការ​លើក​ឡើង​របស់​ក្រសួង​ការងារ​ដែល​ចង់​កែ​ប្រែ​ទំលាប់​ឲ្យ​មាន​ការ​បើក​ប្រាក់​ឈ្នួល​ពី​១​ដង​ក្នុង​១​ខែ ​ទៅ​ជា​បើក​២​ដង​ក្នុង​១​ខែ​វិញ ​លោក ​កាំ​ង ​ម៉ូ​នី​កា ​អគ្គ​លេខាធិការ​រង ...

ដូចដែល​លោកអ្នក​បាន​ដឹង​​ហើយ​ថា នៅ​ព្រឹក​មិញ​នេះ សាលាឧទ្ធរណ៍​បានប្រកាស​សាលដីកា​ដោយ​តម្កល់ទុក​សេចក្តីសម្រេច​របស់​តុលាការ​ដំបូង​ខេត្តកោះកុង​ដដែល មានន័យថា គឺ​តម្រូវ​ឲ្យ​សកម្មជន​បរិស្ថាន​ទាំងបី​នាក់ គឺ​លោក​សាន់ ម៉ា​ឡា ទ្រី សុ​វិ​គា និង​លោក​ស៊ីម សំណាង ត្រូវ​សង​សំណង​ជំងឺ​ចិត្ត១០០លាន​រៀល​ទៅដល់​ក្រុមហ៊ុន​បូម​ខ្សាច់​ដែល​ប្តឹង​ពួកគេ។ នៅ​រាត្រី​នេះ វណ្ណ សុគន្ធា បាន​ជួប​សម្ភាសន៍​ជាមួយ​លោក​សាន់ ម៉ា​ឡា សកម្មជន​ការពារ​បិ​ស្ថាន​ដែល​កំពុង​ស្ថិតនៅ​ក្រៅប្រទេស។ លោក​សាន់ ម៉ា​ឡា បាន​លើកឡើងថា ពួកគេ​ទាំងបី​នាក់​សុទ្ធតែជា​អ្នកក្រ ដូច្នេះ​គ្មាន​លុយ​នឹង​សង​ក្រុមហ៊ុន​បូម​ខ្សាច់​តាម​ការបង្គាប់​របស់​តុលាការ​នោះទេ។ តទៅ​នោះ សូម​ស្ដាប់​បទសម្ភាសន៍​រវាង​វណ្ណ សុគន្ធា និង​លោក​សាន់ ម៉ា​ឡា ដែល​ធ្វើឡើង​តាម​ប្រព័ន្ធ​Skype ដូចតទៅ៖