ភ្ញៀវប្រចាំថ្ងៃរបស់យើងនៅយប់នេះ គឺបណ្ឌិត យ៉ង់ សាំងកុមារ ដែល​ជា​អ្នក​ជំនាញ​កសិកម្ម។ ឆ្លើយ​នឹង​សំណួរ​របស់វិទ្យុ​បារាំង លោក​បណ្ឌិត បាន​ឆ្កឹះប្រាប់​មិត្តអ្នក​ស្តាប់​ពី​ឫស​គល់​នៃ​​បញ្ហា​​ក្នុង​​វិស័យ​កសិកម្ម ព្រមទាំង​ផ្តល់ជូន​ដំណោះ​ស្រាយ​ជាក់លាក់​ផង​ដែរ។ អ្នកជំនាញ​កសិ​កម្មរូប​​នេះ ក៏​បាន​ឲ្យយោបល់​ថា មន្ត្រីកសិកម្មគួរ​តែចុះទៅ​មូលដ្ឋាន ធ្វើការ​ជា​មួយ​ប្រជា​កសិករ​​ឲ្យ​ដិតដល់ កុំនៅថ្នាក់ជាតិ​ច្រើន​ពេក។ ដោយ​ឡែក ក្រសួង​ស្ថាប័ន​ពាក់​ព័ន្ធ​មួយ​ចំនួន​ គួរ​តែ​​ច្របាច់​បញ្ចូល​គ្នា។

រដ្ឋាភិបាល​បាន​ទម្លាក់​កញ្ចប់​ថវិកា ២៧លាន​ដុល្លារ​ក្នុង​ការ​ទិញ​ស្រូវ​ពី​កសិករ បន្ទាប់​ពី​ពួក​គាត់បាន​ជួប​វិបត្តិ​ស្រូវ​ចុះ​ថ្លៃ​មិន​ធ្លាប់​មាន​ពី​មុន​មក។ អ្នក​ជំនាញ​ផ្នែក​ស្រូវ អង្ករ ថា ការ​លូក​ដៃ​របស់ រដ្ឋាភិបាល​នៅ​ពេល​នេះ​មិន​យឺត​ពេល​ទេ​ព្រោះ​ថា គ្មាន​អ្នក​ស្មាន​ដឹង​មុន ហើយ​ម្យ៉ាង​ទៀត​ប្រទេសក្បែរ​ខាង​កម្ពុជា​ក៏​ជួប​ប្រទះ​បញ្ហា​ដូច​គ្នា​ដែរ។ ខណៈ​មាន​ការ​ព្រួយ​បារម្ភ​ពី​ការ​ប្រើ​ប្រាស់​ថវិកា​ខ្លាចគ្មាន​តម្លាភាព​នៅ​ក្នុង​ការ​សង្គ្រោះ​តម្លៃ​ស្រូវ លោក​ឧកញា ហ៊ុន ឡាក់ អនុ​ប្រធាន​សហព័ន្ធ​ស្រូវ អង្ករ​កម្ពុជា បាន​គូស​បញ្ជាក់​ថា គ្មាន​អ្នក​ណា​ម្នាក់​ឆ្លៀត​ពេល​នេះ​ទាញ​យក​ឱកាស​ចំណេញ​ដាក់ខ្លួន​ឯង​នោះ​ទេ។ ព្រោះ​កញ្ចប់​ថវិកា​ផ្ដល់​ទៅ​ឲ្យ​ម្ចាស់​រោង​ម៉ាស៊ីន​ផ្ទាល់​តែ​ម្ដង​ដោយ​មាន​ភ្ជាប់ជាមួយ​លក្ខខណ្ឌ​ច្បាស់​លាស់៕

ក្រុម​ប្រឹក្សា​ជាតិ​ភាសាខ្មែរ នៅ​ថ្ងៃ​ព្រហស្បតិ៍​នេះ បាន​ចាប់​ផ្តើម​សិក្ខាសាលា​ចំនួន​ ២​ថ្ងៃ​ គឺ​ថ្ងៃ​​ទី១៥ និង​ទី​ ១៦​កញ្ញា ដើម្បី​ជជែក​គ្នា​ជាមួយ​អ្នក​ពាក់ព័ន្ធ​ខាង​ភាសាខ្មែរ​ទាំង​ជាតិ​ និង​បរទេស​លើ​ប្រធាន​បទ «ពិពិធភាព​នៃ​ភាសា​ខ្មែរ»។ លោក​បណ្ឌិត ច័ន្ទ សំណព្វ អនុប្រធាន​រាជ​បណ្ឌិត​សភា​កម្ពុជា និង​ជា​ប្រធាន​ក្រុម​ប្រឹក្សា​ជាតិ​ភាសាខ្មែរ បាន​បញ្ជាក់​ថា​សិក្ខាសាលា​នេះ គឺ​ដើម្បី​ស្វែង​រក​គន្លឹះ​ថ្មី​ៗ​បន្ថែម​ទៀត​ក្នុង​ការ​អភិរក្ស និង​អភិវឌ្ឍ​ភាសាខ្មែរ​ឲ្យ​កាន់​តែ​រីក​ចម្រើន​ទៅ​មុខ​ ដោយ​ឈរ​លើ​ស្មារតី​ឯកភាព​ជាតិ​ខាង​ភាសា​ និង​រក្សា​បាន​នូវ​អត្តសញ្ញាណ​ជាតិ​ខ្មែរ។

ភ្ញៀវ​ប្រចាំថ្ងៃ​របស់​វិទ្យុ​បារាំង​អន្តរជាតិ​នៅ​យប់​នេះ គឺ​លោក​ ថាច់ សេដ្ឋា សមាជិក​គណៈកម្មាធិការ​អចិន្រ្តៃយ៍​គណបក្ស​សង្រ្គោះ​ជាតិ និង​ជា​អនុប្រធាន​គណៈកម្មការ​តស៊ូមតិ​បក្ស​សង្រ្គោះ​ជាតិ។ លោក ​បាន​លើក​ឡើង​ថា ការ​តស៊ូ​មតិ​តាម​រូបភាព​មហាបាតុកម្ម​អហិង្សា របស់​បក្ស​សង្រ្គោះ​ជាតិ​ ជា​ជម្រើស​ចុង​ក្រោយ ព្រោះ​គ្មាន​មធ្យោបាយ​ណា​ផ្សេង ដើម្បី​ចរចា​ជាមួយ​បក្ស​កាន់​អំណាច​ទេ។ លោក ថាច់ សេដ្ឋា បន្ថែមថា​បាតុកម្ម​អហិង្សា ដើម្បី​រក​ដំណោះ​ស្រាយ​នយោបាយ​រួម​មួយ​ ដោយ​ប្រើប្រាស់​កម្លាំង​ពលរដ្ឋ ដែល​គ្មាន​អាវុធ ចាប់​បង្ខំ​រដ្ឋាភិបាល​ គឺ​គ្មាន​បំណង​ផ្តួល​រំលំ​រដ្ឋាភិបាល​នោះ​ទេ តែ​បាតុកម្ម​នឹង​ធ្វើ​ឡើង​នៅ​ពេល​សម​ស្រប​ណា​មួយ​ខាង​មុខ។

បន្ទាប់​​​ពី​​គណបក្ស​សង្គ្រោះជាតិ ប្រកាស​រៀប​ចំ​គម្រោង​ធ្វើ​បាតុកម្ម​ ដើម្បី​ឲ្យ​មាន​ដំណោះ​ស្រាយផ្នែក​នយោបាយ រដ្ឋាភិបាល​ក៏​បាន​ចេញ​មុខ​អះអាង​ថា នឹង​បង្ក្រាប​បាតុកម្ម​តប​ត​វិញ​ដែរ។ ជំហរតតាំង​បែប​នេះ​នាំ​ឲ្យ​មាន​ការ​ព្រួយ​បារម្ភ​ពី​មជ្ឈដ្ឋាន​ទូទៅ ប៉ុន្តែ​លោក​ ឈុំ សុជាតិ​ បាន​គូស​បញ្ជាក់ថា​ នេះ​មិន​មែន​ជា​ការ​ប្រកាស​អាសន្ន​ ដែល​ពលរដ្ឋ​ត្រូវ​ភ័យ​ខ្លាច​នោះ​ទេ តែជា​ការ​ត្រៀម​បាតុកម្ម​ ដែល​អ្នកនាំ​ពាក្យ​ក្រសួង​ការពារ​ជាតិ​រូប​នេះ​ចាត់​ទុក​ថា ជា​រឿង​ខុស​ច្បាប់។ លោក ឈុំ សុជាតិ នៅ​តែ​បន្ត​អះ​អាង​ថា​ ការ​ចល័ត​ទ័ព​របស់​កង​កម្លាំង​ប្រដាប់​អាវុធ​នៅ​យប់​ម្សិលមិញ​នេះ​គឺ​សមយុទ្ធ​ត្រៀម​សង្គ្រោះ​ទឹក​ជំនន់​តែ​ប៉ុណ្ណោះ។

ភ្ញៀវ​ប្រចាំថ្ងៃ​របស់​វិទ្យុ​បារាំង​អន្តរជាតិ​ គឺ​លោក​កែ មុន្ធីវុធ នាយក​ដ្ឋាន​ការពារ​ដំណាំ អនាម័យ និង​ភូតគាម​អនាម័យ។ លោក​បាន​លើក​ឡើង​ថា កម្ពុជា​កំពុង​តែ​បន្ត​ពិភាក្សា​ជាមួយ​ប្រទេស​ចិន​រៀបចំ​ពិធី​សារ​បច្ចេក​ទេស​ពាក់​ព័ន្ធ ដើម្បី​នាំ​ចេញ​ចេក ស្វាយ និង​សណ្តែង​សៀង។ បើ​តាម​លោក​មុន្ធីវុធ កម្ពុជា​មិន​ទាន់​បាន​នាំ​ចេញ​ទៅ​កាន់​ប្រទេស​ណាមួយ​នៅ​ឡើយ​ទេ ប៉ុន្តែ​កន្លង​មក​ធ្លាប់​មាន​ការ​នាំ​ចេញ​ស្វាយ​ក្រៅ​ផ្លូវ​ការ​ទៅ​កាន់​ប្រទេស​ជិត​ខាង។ លោក​បញ្ជាក់​ថា​ការ​នាំ​ចេញ​ចេក គឺ​ចិន​បាន​បញ្ជូន​អ្នក​បច្ចេក​ទេស​មក​វិភាគ​គុណភាព​ដី បរិស្ថាន ហើយ​ពេញ​ចិត្ត​នឹង​បរិស្ថាន​នៃ​ការ​ដាំដុះ​ចេក​ក្នុង​ប្រទេស​កម្ពុជា។

ភ្ញៀវ​ប្រចាំថ្ងៃ​របស់​យើង​នៅ​យប់​នេះ គឺលោក ម៉ៅ លីហេង​ ដែលជាអ្នក​ស្មគ្រ​ចិត្ត ចូល​រួម​​រៀប​​ចំ​ពិធី​បុណ្យ​​បេតិក​ភណ្ឌ ដោយ​មាន​តួនាទី​ជា​ប្រធាន​ផ្នែក​លក់​និង​ទី​ផ្សារ ...

ក្រសួងអប់រំ​យុវជន​និង​កីឡា​នៅ​ថ្ងៃ​ទី ១០ កញា​នេះ​បាន​ប្រកាស​លទ្ធផល​នៃ​ការ​ប្រឡង​មធ្យមសិក្សា​ទុតិយភូមិ​ឬ​បាក់ឌុប។ ដោយ​មាន​សិស្ស​ប្រឡង​ជាប់​ចំនួន​៥៥,៧៥៣ នាក់​ស្មើ​និង​៦២ភាគរយ​ក្នុង​ចំណោម​បេក្ខជន​ប្រឡង​ជិត ៩ម៉ឺន​នាក់។ ហើយ​នៅ​ឆ្នាំ​នេះ​និទ្ទេស A មាន​ចំនួន​៤០៥​នាក់ដែល​ជា​ចំនួន​មួយ​កើន​ឡើង​រហូត​ដល់​ទៅ​បួន​ដង​បើ​ប្រៀប​ធៀប​កាល​ពី​សម័យ​ប្រឡង​ឆ្នាំ​២០១៤និង​២០១៥។ នៅ​ក្នុង​បទ​សំភាសន៍​ជាមួយ​វិទ្យុ​បារាំង លោក ហង់ ជួនណារ៉ុន រដ្ឋមន្ត្រី​ក្រសួងអប់រំក៏​បាន​សម្ដែង​ការ​ភ្ញាក់​ផ្អើល​ផង​ដែរ ចំពោះ​ការ​កើន​ឡើង​នៃ​សិស្ស​ជាប់​និទ្ទេស A នេះ។ លោក​ចាត់ទុក​ថា នេះ​មិន​មែន​ជា​រឿង​ចៃដន្យ​ហើយ​ក៏​មិន​មែន​ជា​ការ​រៀប​ចំ​ទុក​ដែរ ប៉ុន្តែ​វា​ជា​កិច្ច​ខិត​ខំ​ប្រឹងប្រែង​រួម​គ្នា​រវាង​គ្រូ​និង​សិស្ស។ ម្យ៉ាង​ទៀត​ការ​កើន​ឡើង​នៃ​ចំនួន​សិស្ស​ប្រឡង​ជាប់​ក៏​មិនមែន​ដោយ​សារ​វិញ្ញាសា​មាន​ការ​ធូរ​រលុងដែរប៉ុន្តែ​ដោយ​សារ​សមត្ថភាពរបស់​សិស្ស​មាន​ការ​កើន​ឡើង៕

នៅ​រសៀល​នេះ លោក​កឹម សុខា ប្រធាន​ស្តីទី​គណបក្ស​ប្រឆាំង ត្រូវ​បាន​តុលាការ​ក្រុង​ភ្នំពេញ​សម្រេច​ផ្តន្ទា​ទោស​ដាក់​ពន្ធនាគារ​រយៈ​ពេល​ ៥ខែ និង​ពិន័យ​ជា​ទឹក​ប្រាក់​ ៨០​ម៉ឺន​រៀល​ ក្នុង​សំណុំ​រឿង «បដិសេធ​ក្នុង​ការ​ចូល​ខ្លួន»ទៅ​បំភ្លឺ​នៅ​តុលាការ​ក្នុង​នាម​ជា​សាក្សី។ លោក​អ៊ូ ច័ន្ទឫទ្ធិ តំណាង​រាស្រ្ត និង​ជា​ប្រធាន​គណៈកម្មាធិការ​វិន័យ​គណបក្ស​សង្រ្គោះ​ជាតិ​ បាន​ថែ្លង​ក្នុង​នាម​ជា​ភ្ញៀវ​ប្រចាំថ្ងៃ​របស់​យើង​ថា គណបក្ស​សង្រ្គោះ​ជាតិ​នឹង​ធ្វើ​បាតុកម្ម​ទ្រង់​ទ្រាយ​ធំ ប្រសិន​បើ​មាន​ការ​ប៉ុនប៉ង​ចាប់​ខ្លួន​លោក​កឹម សុខា ទៅ​អនុវត្ត​ទោស​តាម​សាល​ក្រម​របស់​តុលាការ​ក្រុង​ភ្នំពេញ​នោះ។ បន្ថែម​លើ​នេះ លោក​អ៊ូ ច័ន្ទឫទ្ធិ ​ក៏​បាន​គូស​បញ្ជាក់​ទៀត​ថា លោក​ប្រធាន​ស្តីទី​គណបក្ស​ប្រឆាំង​ក៏​គ្មាន​បំណង​ភៀស​ខ្លួន​ទៅ​ក្រៅ​ប្រទេស​នោះ​ដែរ។ តទៅនេះ សូមស្តាប់បទសម្ភាសន៍រវាងវណ្ណ សុគន្ធា និង លោកអ៊ូ ច័ន្ទឫទ្ធិ៖

តុលាការ​នឹង​សម្រេច​ចាត់​វិធាន​ការណ៍​លើ​ករណី​លោក កឹម សុខា ប្រធាន​ស្តីទី​គណបក្ស​សង្គ្រោះជាតិ ប្រសិន​បើ​តុលាការ​រក​ទៅ​ឃើញ​ថា​មាន​ទោស ហើយ​ចុង​បញ្ចប់​ត្រូវ​បាន​សម្រេច​ដោយ​សាលដីកា​ស្ថាពរ​របស់​តុលាការ​កំពូល ក្នុង​ករណី ដែល​មាន​ការ​ប្តឹង​ឧទ្ធរណ៍​ ឬ​ប្តឹង​សាទុក​ជា​បន្ត​បន្ទាប់​ពី​សំណាក់​មេធាវី​ការពារ​ក្តី​លោក​កឹម សុខា។ លោក គឹម សន្តិភាព អ្នកនាំពាក្យ​ក្រសួង​យុត្តិធម៌ បាន​ច្រាន​ចោល​ផងដែរ​នូវ​ការ​រិះគន់​ពី​សំណាក់​គណៈបក្ស​ប្រឆាំង និង​ប្រតិកម្ម​ពី​អង្គការ​អន្តរជាតិ​នានា ដែល​បាន​ស្នើ​សុំ​ឲ្យ​រដ្ឋាភិបាល​ទម្លាក់​ចោល​ការ​ចោទ​ប្រកាន់​ទាំងឡាយ​ប្រឆាំង​នឹង​លោក​កឹម សុខា និង​សកម្មជន​នយោបាយ​ប្រឆាំង​ដទៃ​ទៀត។