ភ្ញៀវ​ប្រចាំថ្ងៃ​របស់​វិទ្យុ​បារាំង​អន្តរជាតិ​នៅថ្ងៃនេះ គឺ​លោក កែវ វី អ្នក​នាំ​ពាក្យ​នៃ​គណៈកម្មាធិការ​​ជាតិ​គ្រប់គ្រង​គ្រោះ​មហន្តរាយ។ លោក​កែវ វី បាន​អះអាង​ថា បើទោះ​បីជា​តាម​បណ្តា​ខេត្ត​មួយ​ចំនួន​កំពុង​រង​ការ​លិច​លង់​ ដោយ​សារ​ភ្លៀង ​នា​រយៈពេល​ចុង​ក្រោយ​នេះ ហើយ​កំណាត់​ផ្លូវ​មួយ​ចំនួន​ត្រូវ​បាន​កាត់​ផ្តាច់ ដោយសារ​ទំហំ​ទឹក​ភ្លៀងធំ ប៉ុន្តែ​កម្ពុជា​នឹង​គ្មាន​គ្រោះទឹកជំនន់​នោះទេ។ សូម​បញ្ជាក់​ថា ជំនន់​ទឹកភ្លៀង​នេះ បានធ្វើឱ្យ​ជន់​លិច​ដល់ផ្ទះ​ពលរដ្ឋ​ប្រមាណ​ជាង១ពាន់​៨រយ​ខ្នង និង​រលំផ្ទះ​២​ខ្នង។

ភ្ញៀវ​ប្រចាំថ្ងៃ​របស់​វិទ្យុ​បារាំង RFI នៅថ្ងៃនេះ គឺ​លោក យឹម សុវណ្ណ អ្នកនាំពាក្យ​គណបក្ស​សង្គ្រោះ​​ជាតិ។ ឆ្លើយតប​នឹង​សំណួរ​របស់​វិទ្យុ​បារាំង​អន្តរជាតិ​នៅ​រាត្រី​នេះ លោក យឹម សុវណ្ណ បាន​​ថ្លែងថា លោក សម ...

នៅ​ថ្ងៃទី២៨ តុលា​ខាងមុខនេះ ក្រសួង​អប់រំ យុវជន និង​កីឡា​សហការ​ជាមួយ​គណៈកម្មា​​ធិ​ការ​ជាតិ​អូឡាំពិក​ម្ពុ​ជា​នឹង​រៀបចំ​ប្រារព្ធ​ព្រឹត្តិការណ៍“ប្រកួត​កីឡា​ជាតិ”ជាដំបូង​បង្អស់​នៅ​ពហុ​កីឡដ្ឋាន​ជាតិ ហើយ​ព្រឹត្តិការណ៍​នេះ នឹងត្រូវ​រៀបចំឡើង​ពីរ​ឆ្នាំ​ម្តង។ ចំពោះ​ព្រឹត្តិការណ៍​ថា្នក់​ជាតិ​ជា​លើក​ទី១នេះ លោក​វ៉ា​ត់ ចំរើន អគ្គលេខាធិការ​គណៈកម្មាធិកា​រ​ជាតិ​អូឡាំពិក​កម្ពុជា​ដែល​ភ្ញៀវ​របស់​យើង​នៅ​រាត្រី​នេះ បាន​បញ្ជាក់ថា គ្រោង​ចំណាយ​ថវិកា​ជាង១លាន​ដុល្លារ​កន្លះ​ដើម្បី​រៀបចំឡើង។ ជាមួយគ្នានេះ លោក​ក៏បាន​លើកឡើង​ផងដែរ​ថា ការរៀបចំ​ព្រឹត្តិការណ៍​នេះ​ឡើង គឺ​ដើម្បី​ត្រៀមខ្លួន ទទួល​បទពិសោធន៍ និង​ពង្រឹងគុណភាព​កីឡាករ​សម្រាប់​ការប្រកួត​កីឡា​ស៊ី​ហ្គេម​នៅ​ឆ្នាំ២០២៣ដែលជា​កម្ពុជា​ធ្វើជា​ម្ចាស់ផ្ទះ។

ភ្ញៀវ​ប្រចាំ​ថ្ងៃ​របស់​វិទ្យុ​បារាំង​នា​រាត្រីនេះ​គឺ លោក មួង សូនី ប្រធាន​សមាគម​សម្ព័ន្ធ​និស្សិត​បញ្ញវន្ត​ខ្មែរ​។ សមាគម​សម្ព័ន្ធ​និស្សិត​បញ្ញវន្ត​ខ្មែរ គឺ​ជា​សមាគម​តែ​មួយ​គត់ ដែល​បាន​រៀបចំ​ចង​ក្រង​ទស្សនៈ​និង​ស្នាដៃ​របស់​លោក​បណ្ឌិត កែម ឡី ដើម្បី​បោះ​ពុម្ព​ជា​សៀវភៅពីរ​ក្បាល​ ក្រោម​ចំណង​ជើង​ថា «អ្នក​រូត​វាំង​នន​សង្គម» និង «​កម្រង​ទស្សន​នយោបាយ​»។ នៅ​ក្នុង​បទ​សម្ភាស​ជាមួយ​វិទ្យុ​បារាំង លោក មួង សូនី បាន​បង្ហាញ​ពី​ក្ដី​រំពឹង​ថា ប្រជា​ពលរដ្ឋ​ខ្មែរ​គ្រប់​លំដាប់​ថ្នាក់ ជាពិសេស​លោក​នាយ​រដ្ឋ​មន្ដ្រី ហ៊ុន សែន តែ​ម្ដង មាន​ឱកាស​អាន​សៀវភៅ​ប្រកប​ដោយ​ពុទ្ធិ​សំខាន់​ទាំង​ពីរ​នេះ។ បើ​តាម​លោក មួង សូនី​ សៀវភៅ​ទាំង​ពីរ​ចំណង​ជើង​នេះ បាន​ឆ្លុះ​បញ្ជាំង​ពី​តថភាព​ពិត​ជាក់​ស្ដែង​របស់​ប្រទេស​កម្ពុជា តាម​រយៈ​បទ​វិភាគ​និង​ទស្សនៈ​របស់​លោក​បណ្ឌិត កែម ឡី​។

អ្នក​ជំនាញ​ផ្នែក​ចិត្ត​វិទ្យា​ប្រមាណ​១៦​អង្គការ​នៅ​​ថ្ងៃ​សុក្រ​ទី១៤ តុលា​នេះ បាន​រៀប​ចំទិ​វា​សុខ​ភាព​ផ្លូវ​ចិត្ត​យុជន​លើក​ទី៤ នៅ​សកល​វិទ្យា​ល័យ​ភូមិន្ទ​ភ្នំពេញ។ ការ​រៀប​ចំ​នេះ គឺ​ដើម្បី​ឱ្យ​យុវ​ជន​ ...

លោក​ប្រធានាធិបតី​ចិន ស៊ី ជីនពីង បាន​មក​ដល់​ប្រទេស​កម្ពុជា​ហើយ​នៅ​ថ្ងៃ​ព្រហស្បតិ៍ ទី ១៣ ដើម្បី​បំពេញ​ទស្សនកិច្ច​ផ្លូវ​រដ្ឋ​ចំនួន ២​ថ្ងៃ។ ជុំវិញ​ទស្សនកិច្ច​របស់​ប្រមុខ​រដ្ឋ​នៃ​ប្រទេស​មហា​អំណាច​កុម្មុយនិស្ត​មួយ​នេះ មាន​ការ​លើក​ឡើង​ជា​ច្រើន​ទាក់​ទង​ទៅ​នឹង​ទំនាក់​ទំនង​រវាង​ចិន-កម្ពុជា ជា​ទំនាក់​ទំនង ដែល​មាន​លក្ខណៈ​ពិសេស បើ​ប្រៀប​ធៀប​ទៅ​នឹង​បណ្តា​ប្រទេស​នានា​នៅ​ក្នុង​តំបន់។ ដើម្បី​បាន​ជ្រាប​កាន់​តែ​ច្បាស់​ពី​ខ្លឹមសារ​ស៊ី​ជម្រៅ​បន្ថែម​ទៀត លើ​ទំនាក់​ទំនង​កម្ពុជា-ចិន​នេះ លោក ហ្សង់ ហ្វ្រង់ស័រ តាន់ នាយក​គ្រប់​គ្រង​វិទ្យុបារាំង​អន្តរជាតិ​RFI ជា​ភាសា​ខ្មែរ និង​ជា​អ្នក​ជំនាញ​ខាង​ភូមិសាស្ត្រ​នយោបាយ បាន​ចូល​ខ្លួន​មក​បក​ស្រាយ​ជូន​លោក​អ្នក​ស្តាប់ តាម​រយៈ​ការ​សាក​សួរ​របស់ ញឹម សុផល។

ប្រធាន​មូលនិធិ Charles de Gaulle, លោក Jacques Godfrain បាន​អញ្ជើញ​មក​កម្ពុជា ដើម្បី​ចូលរួម​ក្នុង​ឱកាស​ទិវា​ប្រារព្ធ​ខួប​៥០ឆ្នាំ​ នៃ​ដំណើរ​ទស្សន​កិច្ច​របស់​លោក​ឧត្តម​សេនីយ Charles de Gaulle។ ...

ភ្ញៀវ​ប្រចាំ​ថ្ងៃ​របស់​វិទ្យុ​បារាំង​អន្តរជាតិ RFI នៅ​រាត្រី​នេះ គឺ​លោក ទ្រី ឈីវ ជា​​អគ្គនាយក​រង​ទេសចរណ៍ និង​​ជា​​ប្រធាន​​​លេខាធិការ​ដ្ឋាន​ ​គណៈកម្មាធិការ​​ជាតិ​​អ្នក​​ជំនាញ​​ទេសចរណ៍​​នៃ​ក្រសួង​​​​ទេសចរណ៍​។ ​ក្រសួង​ទេសចរណ៍ នៅ​ព្រឹក​ថ្ងៃ​ទី​ ១១​តុលា​នេះ បាន​រៀបចំ​សិក្ខា​សាលា​ផ្សព្វ​ផ្សាយ​​ជា​​លើក​ដំបូង ​ស្ដីពី “ការ​វាយ​តម្លៃ​ទទួល​ស្គាល់​ការ​សិក្សា​ពី​មុន​របស់​អ្នក​ជំនាញ​ទេសចរណ៍​​នៃ​​សេវាកម្ម​​សណ្ឋាគារ”។ ឆ្លើយ​តប​នឹង​សំណួរ​របស់​វិទ្យុ​បារាំង​អន្តរជាតិ លោក ទ្រី ឈីវ ​បាន​បញ្ជាក់​ថា នៅ​ឆ្នាំ​ ២០១៩​ខាង​មុខ ក្រសួង​ទេសចរណ៍​នឹង​បង្កើត​សាលា​ជាតិ​ចំនួន ២​ដើម្បី​បណ្តុះ​បណ្តាល​ជំនាញ​វិជ្ជាជីវៈ​ទេសចរណ៍​ដល់​យុវជន​កម្ពុជា ដើម្បី​ឆ្លើយ​តប​ទៅ​នឹង​កំណើន​ភ្ញៀវ​ទេសចរណ៍​អន្តរជាតិ ដែល​គេ​រំពឹង​ថា នឹង​កើន​ឡើង​ដល់​ជាង​ ៧​លាន​នាក់​នៅ​ឆ្នាំ​២០២០​ខាង​មុខ។ លោក​បាន​បន្ថែម​ថា ដើម្បី​ឆ្លើយ​តប​នឹង​កំណើន​ទេសចរ​នៅ​ឆ្នាំ​ ២០២០​នេះ​ កម្ពុជា​ត្រូវ​ការ​កម្លាំង​ពលកម្ម​ថ្មី​ប្រមាណ​ជាង​ ២០​ម៉ឺន​នាក់​លើ​ ៦២​ម៉ឺន​នាក់​ក្នុង​ពេល​បច្ចុប្បន្ន។

ភ្ញៀវ​ប្រចាំ​ថ្ងៃ ​របស់​វិទ្យុ​បារាំង​អន្តរជាតិ​នៅ​យប់​នេះ ​គឺ​លោក អំ សំអាត ជា​ប្រធាន​ផ្នែក​ស៊ើប​អង្កេត​ នៃ​សម័្ពន្ធ​ខ្មែរ​ជំរឿន​ និង​ការពារ​សិទ្ធិ​មនុស្ស​ ហៅ​កាត់ លីកាដូ។ នៅ​ព្រឹក​ថ្ងៃ​ទី ១០ ខែតុលា​នេះ អំឡុង​ពេល ហែក្បួន​ទិវា​សិទ្ធិ​លំនៅដ្ឋាន​ពិភព​លោក ខួប​លើក​ទី​ ៣១​ នៅ​ទីក្រុង​ភ្នំពេញ លោក អំ សំអាត ត្រូវ​បាន​កង​កម្លាំង​សន្តិសុខ​ វាយ​ប្រហារ ក្នុង​គ្រា​ដែល​លោក ចេញ​មុខ​អន្តរាគមន៍​ បញ្ឈប់​ការ​ប៉ះ​ទង្គិច​គ្នា​ រវាង​ពលរដ្ឋ​ហែក្បួន និង​ក្រុម​សន្តិសុខ​ខណ្ឌ​ដូនពេញ។ លោក​បាន​បញ្ជាក់​ថា នេះ​ជា​លើក​ទី​មួយ ដែល​ត្រូវ​គេ​វាយ​ប្រហារ​ បន្ទាប់​ពី​បំពេញ​ការងារ​ ជា​អ្នក​ការពារ​សិទ្ធិ​មនុស្ស​អស់​រយៈ​ពេល ១៧ឆ្នាំ។ លោក អំ សំអាត ​យល់​ថា ការ​ប៉ះ​ទង្គិច​គ្នា​ដល់​ហិង្សា​ថ្ងៃ​នេះ បង្ក​ឡើង​ដោយ​ក្រុម​សន្តិសុខ​មួយ​ចំនួន​ប៉ុណ្ណោះ មិនមែន​បទ​បញ្ជា​របស់​រដ្ឋាភិបាល​ទេ។ ​អ្នក​ការពារ​សិទ្ធិ​មនុស្ស​ល្បី​ឈ្មោះ​ចុង​ក្រោយ​រូប​នេះ បាន​ណែនាំថា​​ រដ្ឋាភិបាល គួរ​តែ​ពិនិត្យ​មើល​ឡើង​វិញ​ ក្រុម​សន្តិសុខ ​ឬ​បុគ្គល​ខណ្ឌ​ដូន​ពេញ​ប៉ុន្មាន​នាក់ ដែល​តែង​តែ​បង្ក​ផល​វិបាក និង​សាង​បញ្ហា​ប៉ះពាល់​ដល់​មុខ​ម៉ាត់​រដ្ឋាភិបាល​កន្លង​មក។

ភ្ញៀវ​ប្រចាំ​ថ្ងៃ​របស់​វិទ្យុ​បារាំង នៅ​យប់​នេះ​គឺលោក ភូ ពុយ ប្រធាន​សភា​ពាណិជ្ជកម្មខេត្ត​បាត់ដំបង​និង​ជា​ប្រធាន​ធនាគារ​ស្រូវ។ លោក ភូ ពុយ ថា រហូត​មក​ដល់​ពេល​នេះលែង​មាន​ឈ្មួញ​មក​បន្ទាប​តម្លៃ​ស្រូវ​របស់​កសិករ​ទៀត​ហើយ​បន្ទាប់​ពី​រដ្ឋាភិបាល​តាមរយៈ​ធនាគារ​ស្រូវ​បាន​ចុះ​ទៅ​ប្រមូល​ទិញ។ ហើយ​តម្លៃ​ស្រូវ​គឺ​ស្ថិត​នៅ​តម្លៃ​ថេរ​គឺ​មួយគីឡូ​៨៥០​រៀល។ បើ​តាម​លោក ភូ ពុយ តុល្យការ​ចុង​ក្រោយ​គឺ​ស្រូវ​កសិករ​លែង​ខ្វះ​អ្នកទិញ​ទៀត​ហើយ​ដោយ​ពី​មុន​កសិករ​អង្វរ​ឈ្មួញ តែ​ពេល​នេះ​ទាល់​តែ​កក់​ប្រាក់​មុន​ទើបកសិករ​លក់​ស្រូវ​ជូន! យើង​ស្ដាប់​បទ​សម្ភាស​រវាង​អេង គីមហុង និង លោក ភូ ពុយ ។