ភ្ញៀវ​ប្រចាំ​ថ្ងៃ​របស់​វិទ្យុ​បារាំ​ងអន្តរជាតិ RFI នៅ​រាត្រី​នេះ គឺ​លោក សេង ឡូត អគ្គនាយក​រដ្ឋ​បាល និង​ជា​អ្នក​នាំ​ពាក្យ ក្រសួង​រៀបចំ​ដែនដី នគរូបនីយកម្ម និងសំណង់។ ក្រសួង​រៀបចំ​ដែនដី នគរូប​នីយកម្ម និងសំណង់ ដែល​មាន​គម្រោង​ជួប​ប្រជុំ​ជាមួយ​ប្រជាពលរដ្ឋ​រស់​នៅ​លើ​អគារ​ប៊ូឌីញ “ស” ជាង​៥០០​គ្រួសារ នៅថ្ងៃ​ទី​ ៨វិច្ឆិកា​ ឆ្នាំ​២០១៦ ពី​អនាគត​គម្រោង​អភិវឌ្ឍន៍​អគារ​ប៊ូឌីញ ដែល​កំពុង​ចាស់​ទ្រុធ​ទ្រោម​នេះ។ ឆ្លើយ​តប​នឹង​កង្វល់​នានា លោក សេង ឡូត ក្នុង​នាម​ជា​អ្នក​នាំពាក្យ បាន​អំពាវនាវ​ឲ្យ​ប្រជាពលរដ្ឋ​មាន​ជំនឿ​ទុក​ចិត្ត​លើ​ការ​រៀបចំ​របស់​ក្រសួង ដែល​ជា​សេនាធិការ​របស់​រាជរដ្ឋាភិបាល។

នៅ​ខណៈ​សល់​ពេល៣សប្តាហ៍​ទៀត​ប៉ុណ្ណោះ​ដំណើរការ​ចុះឈ្មោះ​បោះឆ្នោត​នឹងត្រូវ​បិទ​បញ្ចប់​នោះ មកដល់ពេលនេះ គណបក្ស​សង្គ្រោះ​ជាតិ​បាន​រកឃើញថា មាន​ជនបរទេស​ចំនួន​ប្រមាណ​២ពាន់៥រយ៦៧​នាក់​​ក្នុងនោះ​២ពាន់៥រយ៦៦​នាក់​​ជា​​ជនជាតិ​​វៀតណាម ​និង​​ម្នាក់​ទៀត​​ជា​​ជនជាតិ​ចិនតៃវ៉ាន់​បាន​ទៅ​ចុះឈ្មោះ​បោះឆ្នោត។ លោកស្រី​ម៉េង សុភា​រី ប្រធាន​នាយកដ្ឋាន​កិច្ចការ​បោះឆ្នោត និង​នីតិកម្ម​របស់​គណបក្ស​សង្គ្រោះ​ជាតិ​ដែលជា​ភ្ញៀវ​របស់​យើង​នៅ​រាត្រី​នេះ បាន​គូសបញ្ជាក់ថា គណបក្សប្រឆាំង​នឹងដាក់​ពាក្យបណ្តឹង​ប្រឆាំង​ជនបរទេស​ទាំងនោះ​ទៅកាន់​គណៈកម្មាធិការ​ជាតិ​រៀបចំ​ការបោះឆ្នោត(គ.ជ.ប) និង​ទៅកាន់​តុលាការ​តែម្តង​នៅពេលដែល​គ.ប.ជ​បិទ​ផ្សាយ​បញ្ជី​ដំបូង​នៅក្នុង​ខែមករា ដើមឆ្នាំ​ក្រោយ។ តទៅ​នេះ សូម​ស្ដាប់​បទសម្ភាសន៍​រវាង​វណ្ណ សុគន្ធា និង​លោកស្រី ម៉ែង សុភា​រី​ដូចតទៅ៖

ព្រឹត្តិការណ៍​កីឡា​ជាតិ​លើក​ទី​១ ដែល​ចាប់​ផ្ដើម​តាំង​ពី​ថ្ងៃ​ទី​២៥​តុលា បាន​បិទ​បញ្ចប់​ជា​ស្ថាពរ​ហើយ​នៅ​ថ្ងៃ​សៅរ៍​ទី​៥​វិច្ឆិកា​នេះ​។ នៅ​ក្នុង​បទ​សម្ភាស​ជាមួយ​វិទ្យុ​បារាំង លោក វ៉ាត់ ចំរើន អគ្គលេខាធិការ​នៃ​គណៈកម្មាធិការ​ជាតិ​អូឡាំពិក​កម្ពុជា បាន​គូស​បញ្ជាក់​អំពី​លទ្ធផល​នៃ​ព្រឹត្តិការណ៍​កីឡា​ជាតិ ដែល​អត្តពលិក​មក​ពី​រាជធានី​ភ្នំពេញ ក្រសួង​មហាផ្ទៃ និង​ក្រសួង​ការពារជាតិ ដណ្ដើម​បាន​មេដាយ​ច្រើនជាង​គេ​។ តាម​រយៈ​ព្រឹត្តិការណ៍​កីឡា​ជាតិ​លើក​ទី​១​នេះ លោក វ៉ាត់ ចំរើន អះអាង​ថា គណៈកម្មាធិការ​ជាតិ​អូឡាំពិក​កម្ពុជា​រក​ឃើញ​ចំណុច​ខ្សោយចំនួន​​៣​នៅ​ក្នុង​​វិស័យ​កីឡា​ខ្មែរ​។​ គឺ​ទី​១៖ គម្លាតបច្ចេកទេស​​រវាង​អត្តពលិក​នៅ​រាជធានី​ភ្នំពេញ​និង​តាម​បណ្ដា​ខេត្ត, ទី​២៖ កង្វះ​ស្មារី​ធ្វើ​ការ​ជា​ក្រុមដែល​ត្រូវ​ពង្រឹង, និង​ទី​៣៖ កង្វះ​ខាត​បទពិសោធ​ក្នុង​ការ​រៀបចំ​ព្រឹត្តិការណ៍​កីឡា​ជាតិ ដែល​ត្រូវ​កែ​លម្អ​ឲ្យ​ប្រសើរ​ជាង​នេះ​ទៀត​។

ភ្ញៀវ​ប្រចាំថ្ងៃ​របស់​វិទ្យុ​បារាំង​អន្តរជាតិ​នៅ​រាត្រី​នេះ​ គឺ​លោក យង់ គឹមអេង ប្រធាន​មជ្ឈ​មណ្ឌល​ប្រជាពលរដ្ឋ​ ដើម្បី​អភិវឌ្ឍន៍​ និង​សន្តិភាព។ នៅ​ថ្ងៃ​ស្អែក​អង្គការ​របស់​លោក​នឹង​រៀប​ចំ​សិក្ខាសាលា​ថ្នាក់​ជាតិ​ស្ដីពី​ផល​ប៉ះពាល់​ជាប់​ពាក់ព័ន្ធ​នឹង​ការ​ប្រើប្រាស់​គ្រឿង​ចំពោះ​យុវជន​។ លោក យង់ គឹមអេង មើល​ឃើញ​ថា​យុវជន​កម្ពុជា​កាន់​តែ​ច្រើន​និយម​សេព​គ្រឿង​ស្រវឹង​ទាំង​មិន​ដឹង​ពី​ផល​ប៉ះពាល់ ដែល​ជះ​ឥទ្ធិពល​មក​ដល់​សង្គម​ និង​​​​​គ្រួសារ​​នោះ​​ទេ។ ប្រឈម​​បញ្ហា​​នេះ​​លោក​​ថា​ មាន​​តែ​​ច្បាប់​​គ្រប់​គ្រង​​គ្រឿ​ង​​ស្រវឹ​ង​ទេ ​ដែល​​អាច​​ចូលរួម​ទប់​ស្កាត់​បាន​ខ្លះ។ ប៉ុន្តែ​ផ្ទុយ​មក​វិញ​លោក​មើល​ឃើញ​ថា​សេចក្ដី​ព្រាង​ច្បាប់​គ្រប់​គ្រង​គ្រឿង​ស្រវឹង​បាន​ដើរ​ថយ​ក្រោយ​ដោយសារ​មាន​អន្តរាគមន៍​ពី​ឧស្សាហកម្ម​គ្រឿង​ស្រវឹង។

ជុំវិញ​តួលេខ​នាំ​ចេញ​ខ្សាច់​ពី​ប្រទេស​កម្ពុជា​ទៅ​កាន់​ប្រទេស​សិង្ហបុរី​ ដែល​មាន​គម្លាត​គ្នា​ឆ្ងាយ ពី​តួលេខ​ដែល​ផ្តល់​ដោយ​ប្រទេស​សិង្ហបុរី និង​តួលេខ​របស់​ប្រព័ន្ធ​ទិន្នន័យ​របស់​ស្ថិតិ​ពាណិជ្ជកម្ម​លើ​ទំនិញ​របស់​អង្គការ​សហ​ប្រជាជាតិ លោក ម៉េង សក្តិធារ៉ា អ្នក​នាំ​ពាក្យ​ក្រសួង​រ៉ែ​និងថាមពល​បញ្ជាក់​ថា​មាន​កត្តា​មួយ​ចំនួន ដែល​អាច​នឹង​ជាប់​ពាក់​ព័ន្ធ។ កត្តា​ទាំង​នោះ​គឺ របៀប​នៃការ​កត់​ត្រា​និង​រាយការណ៍​ពី​ប្រទេស​នីមួយៗ​ មាន​បច្ចេក​ទេស​ខុស​គ្នា​។ ការ​រត់​ពន្ធ​ខ្សាច់ និងការ​ប្រើប្រាស់​នាវា​ដែល​មាន​សញ្ជាតិ​កម្ពុជា ក៏​ជា​កត្តា​មួយ​អាច​ជាប់​ពាក់ព័ន្ធ​នឹង​តួលេខ​ដែលខុស​គ្នា​ដែរ​។

ថ្ងៃ​នេះ​ និង​ថ្ងៃ​ស្អែក អង្គការ​សង្គម​ស៊ីវិល​មួយ​ចំនួន និង​វេទិកា​នៃ​អង្កការ​មិនមែន​រដ្ឋាភិបាល​ស្តីពី​កម្ពុជា ហៅថា NGO Forum បាន​រៀបចំ​វេទិកា​សន្ទនា​ពហុភាគី ស្តីពី “ធុរកិច្ច និង​សិទ្ធិ​មនុស្ស ដើម្បី​ជំរុញ​ឲ្យ​ប្រតិបត្តិ​កសិ​ពាណិជ្ជកម្ម ប្រកប​ដោយ​ការ​ទទួល​ខុស​ត្រូវ”។ ជុំវិញ​ប្រធាន​បទ​នេះ​ និង​នៅ​ក្នុង​នាទី​ភ្ញៀវ​ប្រចាំ​ថ្ងៃ​របស់​វិទ្យុ​បារាំង បណ្ឌិត តឹក​ វណ្ណារ៉ា នាយក​ប្រតិបត្តិ​របស់​ NGO Forum បាន​លើក​ឡើង​ថា ប្រសិន​បើ​ក្រុម​ហ៊ុន​ឯកជន​ទាំង​អស់​ ​មាន​ទំនួល​ខុស​ត្រូវ​សង្គម (CSR) គឺ​គ្រប់​ភាគី​នឹង​ឈ្នះ​ទាំង​អស់​គ្នា​! ពោល​គឺ​ក្រុម​ហ៊ុនទាំង​នោះ​ នឹង​កាន់​តែ​មាន​ការ​ទទួល​ស្គាល់ និង​កាន់​តែ​រក​ស៊ី​ចំណេញ។ ពលរដ្ឋ​មាន​ជីវភាព​រីក​ចម្រើន។ អាជ្ញាធរ​ និង​ក្រុម​សង្គម​ស៊ីវិល មិន​សូវ​ហត់​នឿយ និង​ឈឺក្បាល ​ដោះស្រាយ​បញ្ហា​ជម្លោះ។

នៅ​ថ្ងៃទី៥ និង​ទី៦ វិច្ឆិកា ចុង​សប្តាហ៍​នេះ ទី​ភ្នាក់​ងារ​ជាតិ​មុខ​របរ និង​ការ​ងារ រួម​ជាមួយ​ដៃ​គូ​នឹង​បើ​ពិព័រណ៍​ការងារ​ថ្នាក់​ជាតិ​លើក​ទី៦​។ ពិព័រណ៍​នេះ នឹង​ផ្តល់​ឱ​កាស​ការងារ​ប្រមាណ​៩​ពាន់​កន្លែង។ ...

ភ្ញៀវ​ប្រចាំ​ថ្ងៃ​របស់​វិទ្យុ​បារាំង​អន្តរជាតិ RFI នៅ​រាត្រី​នេះ គឺលោក ម៉ក់ ប៊ុនធឿន មន្រ្តី​កម្មវិធី​អង្គការ​អាក្រា​កម្ពុជា (ACRA Cambodia)។អស់​រយៈពេល​ពីរ​សប្តាហ៍​មក​ហើយ ដែល​អង្គការ​អាក្រាកម្ពុជា ...

លោក​ប៉ែន សុវណ្ណ ជា​សមា​ជិក​រដ្ឋ​សភា និង​ជា​អតីត​នាយក​រដ្ឋ​មន្ត្រី​ក្នុង​សម័យ​សាធារណ​រដ្ឋ​ប្រជា​មានិត​កម្ពុជា បាន​ទទួល​មរណភាព​នៅ​ថ្ងៃ​ទី​២៩ ខែ​តុលា ឆ្នាំ​២០១៦ ក្នុង​ជន្មាយុ​៨០​ឆ្នាំ ដោយ​រោគាពាធ។

...

ភ្ញៀវ​ប្រចាំ​ថ្ងៃ​របស់​យើង​រាត្រី​នេះ​គឺ​លោក ជូ ដេវី ផលិតករ​ភាពយន្ត​កូន​ខ្មែរ​កាត់​បារាំង និង​លោក នួន សុបុណ្យ​​។ ខ្សែ​ភាពយន្ត​រឿង កោះពេជ្រ ដែល​លោក ជូ ដេវី ផលិត និង​មាន​លោក នួន សុបុណ្យ ជា​តួ​សម្ដែង ឥឡូវ​នេះ​មាន​វត្តមាន​នៅ​ក្នុង​រោង​ភាពយន្ត​នៅ​កម្ពុជា​ហើយ។ នៅ​ក្នុង​បទ​សម្ភាស​ជាមួយ​វិទ្យុ​បារាំង លោក ជូ ដេវី គូស​បញ្ជាក់​ថា កុន​រឿង​កោះពេជ្រ ឆ្លុះ​បញ្ចាំង​ពីជីវិត​យុវវ័យ មិត្តភាព និង​ស្នេហា​។ តាម​រយៈ​រឿង​នេះ ផលិតករ​ភាពយន្ត​ក៏​បាន​ចោទ​ជា​សំណួរ​អំពី​ការ​អភិវឌ្ឍនៅ​កម្ពុជា​​ ក៏​ដូច​ជា​គម្លាត​រវាង​អ្នក​មាន​និង​អ្នក​ក្រ​ផង​ដែរ​។