លោក គីម ហ៊ាង ប្រធាន​ក្រុមហ៊ុន​ខ្មែរ​រៀល​អ៊ីស្ទែត កាល​ពី​ថ្ងៃទី ៣ ធ្នូ ឆ្នាំ២០១៦ ​បាន​ជាប់​ឆ្នោត​ជា​ប្រធាន​សមាគម​អ្នក​វាយ​តម្លៃ​និង​ភ្នាក់ងារ​អចលនវត្ថុ​កម្ពុជា។ នេះ​គឺជា​អាណត្តិ​ទី​២​របស់​លោក​ហើយ នៅ​ក្នុង​តំណែង​ជា​ប្រធាន​សមាគម​។ នៅ​ក្នុង​បទ​សម្ភាស​ជាមួយ​វិទ្យុ​បារាំង លោក គីម ហ៊ាង បាន​លើក​ឡើង​ពី​សមិទ្ធផល​ដែល​លោក​សម្រេច​បាន​នៅ​ក្នុង​អាណត្តិ​មុន​។ ដោយ​ឡែក​សម្រាប់​អាណត្តិ​ថ្មី ក្រៅ​ពី​ការងារ​ដឹក​នាំ​សមាគម លោក គីម ហ៊ាង ចង់​រួម​ចំណែក​ក្នុង​ការ​អភិវឌ្ឍ​សង្គម​ផង​ដែរ ដោយ​ចំពោះ​ការងារ​រៀបចំ​ប្លង់មេ​សម្រាប់​ទីក្រុង​ភ្នំពេញ​និង​ប្រទេស​កម្ពុជា​។ ត​ទៅ​នេះជា​បទ​សម្ភាស​រវាង​អ៊ឹម រចនា និង​លោក គីម ហ៊ាង​។

ភ្ញៀវ​ប្រចាំ​ថ្ងៃរ​បស់​វិទ្យុ​បារាំង​អន្តរ​ជាតិ​នៅ​យប់​នេះ​ គឺ​លោកសូរ​ ចន្ថា ​​ជា​​អ្នក​វិភាគ​នយោបាយ​ និង​ជា​សាស្ត្រាចារ្យ​​វិទ្យា​សាស្ត្រ​​នយោបាយ​។ ​នៅ​ថ្ងៃនេះ​ ព្រះ​មហាក្សត្រ​កម្ពុជា​ បាន​ចេញ​ព្រះ​រាជ​ក្រឹត្យ​លើក​លែង​ទោស លោក​កឹម​ សុខា ​ប្រធាន​ស្តី​ទី​គណបក្ស​សង្គ្រោះជា​តិ ​ដែល​ត្រូវ​បាន​កាត់​ទោស​ពី​បទ​បដិ​សេធ​ក្នុង​ការ​ចូល​ខ្លួនទៅ​កាន់​តុលាកា​រ​។ លោក​សូរ​ ចន្ថាបា​ន​សាទរ​ចំពោះ​ការ​លើក​លែង​ទោស​នេះ​ ហើយ​បញ្ជាក់​ថា​ ប្រសិន​បើអ្នក​នយោបាយ​ខ្មែរ​ចាត់​ទុក​គ្នាជា​សត្រូវ នោះ​អ្នក​ដែល​រង​គ្រោះបំ​ផុត គឺ​ប្រជា​ពល​រដ្ឋ​ខ្មែរ​។ ប៉ុន្តែ​លោក​សូរ​ ចន្ថា​ បាន​លើក​ឡើង​ជា​សំនួរ​ថា​ហេតុអ្វី​បាន​ជា​លើក​លែង​ទោស​តែ​លោក​កឹម​​ សុខា ​ខណៈ​ដែល​លោក​សម រង្ស៊ី និ​ង​សកម្ម​ជន​គណបក្ស​សង្រ្គោះ​ជាតិ​ផ្សេង​ទៀត​ត្រូវ​បាន​តុលាការ​ចោទ​ប្រកាន់ ​និង​កំពុង​ជាប់​ពន្ធនាគារ​។

នៅ​ថ្ងៃ​ទី០១ ខែធ្នូនេះ ក្រុម​ហ៊ុន​លីយ៉ុងផាត់​គ្រុប និង​ក្រុមហ៊ុន​វិនិយោគ​ឈាន​មុខ​របស់​ចិន​មីងសឹង បាន​រៀបចំ​វេទិកា​ធុរកិច្ច​កម្ពុជា​ចិន​ជា​លើក​ទី​១។ វេទិកា​នេះ ផ្តល់​ឱកាស​ឲ្យ​អ្នក​វិនិយោគ និង​ពាណិជ្ជករ​ចិន និង​កម្ពុជា​ជា​ច្រើន​រូប​ បាន​ជួបជុំ និង​ស្គាល់​គ្នា។ ជុំវិញ​វេទិកា​នេះ វណ្ណ សុគន្ធា បាន​ទៅ​សម្ភាស​ដោយ​ផ្ទាល់​ជាមួយ​លោក​សុខ ចិន្តា​សោភា ដែល​ជា​រដ្ឋ​មន្ត្រី​ប្រតិភូ​អម​នាយក​រដ្ឋ​មន្ត្រី និង​អគ្គលេខាធិការ​ក្រុម​ប្រឹក្សា​អភិវឌ្ឍន៍​កម្ពុជា​នៅ​កន្លែង​រៀបចំ​វេទិកា​នេះ​ក្នុង​សណ្ឋាគារ​ហ្គា​ឌិន​ស៊ី​ធី រាជធានី​ភ្នំពេញ។ លោក​សុខ ចិន្តាសោភា បាន​ប្រាប់​ថា វេទិកា​នេះ បាន​ផ្តល់​អត្ថ​ប្រយោជន៍​ច្រើន​ដល់​កម្ពុជា ដោយ​វា​បាន​ផ្តល់​ឱកាស​ឲ្យ​អ្នក​វិនិយោគ​ចិន​បាន​ឃើញ​ជាក់​ស្ដែង​អំពី​កម្ពុជា និង​គិតគូរ​វិល​មក​ធ្វើ​ការ​វិនិយោគ។

បន្ទាប់​ពី​ដាក់​ឲ្យ​អនុវត្ត នូវ​របប​គ្រោះ​ថ្នាក់​ការងារ និង​របប​ថែ​ទាំ​សុខភាព បេឡាជាតិ ក្រសួង​ការងារ​បាន​ងាក​ទៅ​ពិចារណា​លើ​ការ​ធានា​រ៉ាប់​រង​ដំណាក់​កាល​ទី​៣ មួយ​ទៀត គឺ​ការ​ធានា​រ៉ាប់​រង ប្រាក់​សោធន​និវត្តន៍ សម្រាប់​វិស័យ​ឯកជន។ លោក ​ជាវ​ ប៊ុនរិទ្ធ​ ប្រធាន​ការិយាល័យ​គោល​នយោបាយ​ និង​ជា​អ្នក​នាំ​ពាក្យ​នៃ​បេឡា​ជាតិ​របប​សន្តិ​សុខ​សង្គម​ (ប.ស.ស) របស់​ក្រសួង​ការងារ បាន​បញ្ជាក់​ប្រាប់​វិទ្យុ​បារាំង RFI ថា គម្រោង​នៃ​ការ​ធានា​រ៉ាប់រ៉ង​ប្រាក់​សោធន​និវត្តន៍​សម្រាប់​វិស័យ​ឯកជន​នេះ នឹង​អាច​ដំណើរ​ការ​បាន​នៅ​ចុង​ឆ្នាំ​ ២០១៧ ឬ​ដើម​ឆ្នាំ​ ២០១៨។

នៅ​ថ្ងៃ​អង្គារ​នេះ គណៈកម្មាធិការ​ជាតិ​រៀបចំ​ការ​បោះឆ្នោត (គជប) បាន​សម្រេច ពន្យា​ថ្ងៃ​ចុះ​ឈ្មោះ ១​ថ្ងៃ​ទៀត បន្ថែម​ទៅ​លើ ថ្ងៃ​ចុះ​ឈ្មោះ​បោះឆ្នោត ចុង​ក្រោយ តាម​ប្រតិទិន។ ការ​ចុះ​ឈ្មោះ​អ្នក​បោះឆ្នោត​តាម​ប្រព័ន្ធ​កុំព្យូទ័រ​ថ្មី នឹង​ធានា​គុណ​ភាព​បញ្ជី​ឈ្មោះ​បោះ​ឆ្នោត​ល្អ​ប្រសើរ​ជាង​មុន។ ភ្ញៀវ​ប្រចាំថ្ងៃ ​របស់​វិទ្យុ​បារាំង​អន្តរ​ជាតិ​ នៅ​រាត្រី​នេះ គឺ​លោក ហង្ស ពុទ្ធា អ្នក​នាំ​ពាក្យ គជប។ លោក ហង្ស ពុទ្ធា បាន​សង្កត់​ធ្ងន់​ថា បន្ទាប់​ពី​ដំណាក់​កាល​ចុះ​ឈ្មោះ​អ្នក​បោះ​ឆ្នោត​ឆ្នាំ​ ២០១៦ នឹង​បញ្ចប់ នៅ​ត្រឹម​ថ្ងៃ​ពុធ ទី​៣០ ខែ​វិច្ឆិកា វេលា​ម៉ោង ៥​នឹង​៣០​នាទី ថ្ងៃ​បិទ​ផ្សាយ បញ្ជី​បោះឆ្នោត​ដំបូង គឺ​ថ្ងៃ​ទី​៣ ខែ​មករា ឆ្នាំ​២០១៧ រឹត​តែ​សំខាន់​ថែម​ទៀត។ សំខាន់​ដោយ​សារ ពលរដ្ឋ អាច​តវ៉ា​ ឬ​ក៏​ជំទាស់​នឹង​ឈ្មោះ​អ្នក​បោះឆ្នោត​ណា​មួយ ដែល​មិន​គួរ​មាន​ឈ្មោះ​ក្នុង​បញ្ជី​ផ្លូវ​ការ។​ ហើយ​ការ​ចួលរួម​របស់ ប្រជាពលរដ្ឋ ដើម្បី​ពិនិត្យ​ឈ្មោះ​របស់​ខ្លួន និង​ពិនិត្យ​ឈ្មោះ​ដែល​ត្រូវ​លុប នឹង​ជួយ​កសាង បញ្ជី​មួយ​ដែល​មាន​ភាព​ស្អាត​ស្អំ គ្មាន​ករណី​ឈ្មោះ​ស្ទួន។ លោក ហង្ស ពុទ្ធា បាន​បញ្ជាក់​ថា ឈ្មោះ​របស់​អ្នក​ចុះ​ឈ្មោះ ក៏​អាច​ផ្ទៀត​ផ្ទាត់​តាម​គេហទំព័រ​របស់ គជប ផង​ដែរ នៅ​ដំណាក់​កាល​បិទ​ផ្សាយ​បញ្ជី​ដំបូង។

ភ្ញៀវ​​ប្រចាំថ្ងៃ​​របស់​​វិទ្យុ​​បារាំង​​អន្តរជាតិ ​RFI ​នៅ​ថ្ងៃ​នេះ ​គឺ ​កញ្ញា ​ណាប់ ​សុ​ម៉ាលី ​មន្ត្រី​ជាន់​ខ្ពស់​​ផ្នែក​​ឃ្លាំ​មើល​​ការ​រំលោភ​​សិទ្ធិ​​ស្ត្រី​​និង​​កុមារ​​នៃ​​អង្គការ​សិទ្ធិ​មនុស្ស​​លីកាដូ ​(Licadho)​។ ​ដើម្បី​​ប្រារព្ធ​​យុទ្ធនាការ​១៦​ថ្ងៃ​​ឆ្នាំ​២០១៥​-​២០១៦ ​ស្តីពី ​ការ​ទប់​ស្កាត់​​អំពើ​ហិង្សា​​ផ្លូវ​ភេទ​​លើ​​ស្ត្រី ​អង្គការ​​សម្ព័ន្ធ​​ខ្មែរ​​ជំរឿន​​និង​​ការពារ​​សិទ្ធិ​មនុស្ស​-​លីកាដូ ​(Licadho) ​បាន​ចេញ​​ផ្សាយ​​របាយ​ការណ៍​​ថ្មី ​ស្ដីពី ​“​ការ​​រួច​ខ្លួន​​ពី​បទ​ល្មើស ​បច្ចុប្បន្ន​ភាព​​ឆ្នាំ​២០១៦​។ ​ជា​​របាយការណ៍​​ដែល​​បាន​កត់​សំគាល់​​ពី​​ការ​ឆ្លើយ​តប​​ដ៏​​យឺត​យ៉ាវ​​របស់​​ប្រព័ន្ធ​យុត្តិធម៌​​ព្រហ្មទណ្ឌ​​កម្ពុជា ​ចំពោះ​​ការ​រំលោភ​​សេព​សន្ថវៈ​​និង​​ការ​ប៉ុនប៉ង​​រំលោភ​។ ​ឆ្លើយ​តប​​នឹង​​សំណួរ​​របស់​​វិទ្យុ​បារាំង​​អន្តរជាតិ ​RFI ​​កញ្ញា​ សុ​ម៉ាលី ​បាន​​លើក​ឡើងថា​ ការ​ផ្តន្ទាទោស​​លើ​​សំណុំរឿង​​រំលោភ​​សេពសន្ថវៈ​​នៅ​ក្នុង​​ប្រទេស​​កម្ពុ​ជា​មាន​​កំហុស​ឆ្គង​​ធ្ងន់ធ្ងរ ​និង​​ជា​​លក្ខណៈ​ប្រព័ន្ធ ​ដែល​​បណ្ដាល​​ឲ្យ​​ការ​ផ្ដន្ទាទោស​​លើ​​សំណុំ​រឿង​​ទាំង​នោះ ​នៅ​មាន​​ចំនួន​​ទាប​​គួរ​​ឲ្យ​​ព្រួយបារម្ភ​។ ​កញ្ញា ​បន្ត​​លើក​ឡើង​ថា ​ករណី​​រំលោភ​​សេពសន្ថវៈ​​មាន​​រូបភាព​​កាន់​តែ​​សាហាវ​ទៅៗ ​ប៉ុន្តែ​​ប្រព័ន្ធ​យុត្តិធម៌​​កម្ពុជា​នៅ​តែ​​ខ្សោយ​។

នៅ​ព្រឹក​នេះ សមាគម​ប្រជាធិបតេយ្យ​ឯករាជ្យ​នៃ​សេដ្ឋកិច្ច​ក្រៅ​ប្រព័ន្ធ និងគណៈ​កម្មការ​ស្រ្តី​អាស៊ី បាន​រៀប​ចំកិច្ចពិភាក្សា​មួយ ដើម្បី​បង្ហាញ​ពី​ការ​ស្រាវ​ជ្រាវ​អំពី​ផល​ប៉ះពាល់​នៃ​ចំណាក​ស្រុក​លើ​ស្រី្ត ...

នៅ​ទី​បំផុត​អាជីវកម្ម​កែ​ច្នៃ​វល្លិ៍​រមៀត​ត្រូវ​បាន​ក្រសួង​បរិស្ថាន​ប្រកាស​បិទ​ស្រុង​បន្ទាប់​ពី​ក្រសួងទទួល​ស្គាល់​ថា អាជីវកម្ម​នេះ​ខុស​ច្បាប់​មែន តែ​វិធាន​ការ​យ៉ាង​ណា​ទៀត​នោះ​គេ​នៅ​មិន​ទាន់​ដឹងនៅ​ឡើយ​ទេ​ដោយ​ក្រសួង​កំពុង​ធ្វើ​ការ​ត្រួត​ពិនិត្យ​ឲ្យ​បាន​ច្បាស់​លាស់​បន្ថែម​ទៀត។ លោក សៅ សុភាព អ្នក​នាំ​ពាក្យ​ក្រសួង​បរិស្ថាន​បាន​អះអាង​ថា ទាំង​ក្រសួង​បរិស្ថាន​​និង​បណ្តាញ​និស្សិត​ឃ្លាំ​មើល​ធនធាន​ធម្មជាតិ និង​បរិស្ថាន បាន​រក​ឃើញ​អាជីវកម្ម​កែ​ច្នៃ​វល្លិ៍​រមៀត​ខុស​ច្បាប់​នេះ​ក្នុង​រយៈពេល​មួយ​ប្រហាក់​ប្រហែល​គ្នា៕

ថ្ងៃ​ទី​ ២៥​វិច្ឆិកា​ស្អែក​នេះ ​គឺ​ជា​ខួប​ ២៥ឆ្នាំ របស់​អង្គការ​UNESCO នៅ​កម្ពុជា​។ ដូច្នេះ វិទ្យុ​បារាំង​RFI ​បាន​អញ្ជើញ​លោក​ស្រី​ Anne LEMAISTRE ជា​ប្រធាន​អង្គការ​ UNESCO ប្រចាំ​នៅ​កម្ពុជា ធ្វើ​ជា​ភ្ញៀវ​ប្រចាំ​ថ្ងៃ​របស់​វិទ្យុ​យើង​នៅ​រាត្រី​នេះ។​ ​តើ​២៥​ឆ្នាំ​កន្លង​ទៅ​នេះ អង្គការ​UNESCO​នៅ​ភ្នំពេញ​ បាន​សម្រេច​សមិទ្ធផល​សំខាន់​ៗ​អ្វី​ខ្លះ?

ជុំវិញ​​សាលដីកា​ស្ថាពរ​ផ្ទន្តាទោស​ នួន ជា និង​ខៀវ សំផន ដាក់ពន្ធនាគារ​អស់​មួយ​ជីវិត, ​​ប្រធាន​មជ្ឈមណ្ឌល​ស្រាវជ្រាវ​ឯកសារ​កម្ពុជា លោក ឆាំង ​យុ ​បាន​ការ​វាយ​តម្លៃ​ចំពោះ​សាលដីកានៅ​ថ្ងៃ​នេះ ថា បើទោះបី​ដាក់​គុក​ពួក​គេ​ទាំងពីរ​នាក់ ចំនួន​ ២ - ៣ ជីវិត​ ក៏​ពុំ​ល្មម​នឹង​ការ​ឈឺចាប់​របស់​ពលរដ្ឋ​ខ្មែរ​ដែរ។  នៅក្នុងនាទី​ភ្ញៀវ​ប្រចាំថ្ងៃ​របស់​យើង​នៅ​ថ្ងៃ​នេះ គឺ​លោក ឆាំង ​យុ ដែល​អ្នក​ជំនាញ​ពី​ប្រវត្តិ​សាស្ត្រ​ខ្មែរ​ក្រហម បាន​ពន្យល់បំភ្លឺ​​ពី​មនោគម​វិជ្ជា​ឯកោ​និយម​​របស់​ខ្មែរក្រហម។