ភ្ញៀវ​ប្រចាំ​ថ្ងៃ​របស់​វិទ្យុ​បារាំង​អន្តរជាតិ​ RFI ​នា​រាត្រី​នេះ គឺ លោក អ៊ា ចរិយា នាយក​វិទ្យា​ស្ថានសុវត្ថិភាព​ចរាចរណ៍។ នៅ​ក្នុង​កិច្ច​ប្រជុំ​ពេញ​អង្គ​រដ្ឋសភា កាល​ពី​ព្រឹក​មិញ នេះ បាន​សម្រេចអនុម័ត ...

កាលពី​យប់មិញ​នៅក្នុង​ពិធីបុណ្យ​សមុទ្រ លោកនាយក​រដ្ឋមន្ត្រី​ហ៊ុន សែន បាន​លើកឡើងថា អាមេរិក គឺជា​អ្នកជំរុញ​ឲ្យ​មាន​រដ្ឋប្រហារ​ទម្លាក់​ស​ម្តេច នរោត្តម សីហនុ ហើយ​ដោយសារតែ​រដ្ឋប្រហា​រ​នេះហើយ​បាន​នាំ​ឲ្យ​មាន​សង្គ្រាម​និង​បង្កើត​ឲ្យ​មាន​របប​ខ្មែរក្រហមបណ្តាល​ឲ្យ​មាន​វិនាសកម្ម​ធ្ងន់ធ្ងរ​ដល់​ប្រទេស​កម្ពុជា។ ត្រង់ចំណុច​នេះ លោក​ហ៊ុន សែន បាន​សង្កត់ធ្ងន់ថា សហរដ្ឋអាមេរិក​ត្រូវតែ​ប៉ះប៉ូវ​ដល់​កម្ពុជា​វិញតាមរយៈ​ការលុបចោល​បំណុល​ដែល​កម្ពុជា​បាន​ជំពាក់​ជាង៣០០លាន​ដុល្លារ​អាមេរិក។ លោក​បណ្ឌិត​សុខ ទូច អ្នកជំនាញ​ផ្នែក​វិទ្យាសាស្ត្រ​នយោបាយ ដែលជា​ភ្ញៀវ​របស់​យើង​នៅ​រាត្រី​នេះ បាន​អះអាងថា អាមេរិក​នឹងមិន​លុបចោល​បំណុល​នេះ​នោះទេ ព្រោះ​ថាបើ​លុបចោល ឫ​បង្វែរ​ជា​ជំនួយ​ក្នុង​វិស័យ​អប់រំ និង​កសិកម្ម​ដល់​កម្ពុ​ជា​នោះ ស្មើនឹង​អាមេរិក​ទទួលស្គាល់ថា​ខ្លួន​បានមក​បំផ្លាញ​កម្ពុជា​ក្នុង​ទសវត្សរ៍៧០។

ភ្ញៀវ​ប្រចាំ​ថ្ងៃ​របស់​វិទ្យុ​បារាំង​អន្តរជាតិ RFI នៅ​រាត្រី​នេះ គឺ កញ្ញា សឹង សុផារី អ្នក​នាំ​ពាក្យ​ក្រសួង​ពាណិជ្ជកម្ម​។ បន្ទាប់​ពីមា​នការ​ឆបោក ផលិតផល លោហ ធាតុ ត្បូងថ្ម មាន​តម្លៃ​ជា​គ្រឿង​អលង្ការ ...

ភ្ញៀវ​ប្រចាំ​ថ្ងៃ​របស់​វិទ្យុ​បារាំង​អន្តរជាតិ នៅ​រាត្រី​នេះគឺលោក សៅ សុភាព អ្នក​នាំ​ពាក្យ​ក្រសួង​បរិស្ថាន​។ នៅថ្ងៃ​នេះ​ក្រសួង​បរិស្ថាន​បាន​បិទ​សិន្និបាត​បូក​សរុប​លទ្ធផល​ការងារ​បរិស្ថាន​ឆ្នាំ​២០១៦ ...

ប្រទេស​កម្ពុជា​នឹង​ចាប់​ផ្តើម​ទំព័រ​ថ្មី​ក្នុង​ការ​ប្រយុទ្ធ​ប្រឆាំង​គ្រឿង​ញៀន នៅ​ឆ្នាំ​២០១៧​ខាង​មុខ​នេះ ដោយ​មាន​ការ​ប្រកាស​ពី​ផែនការ​យុទ្ធនាការ​ជាក់​លាក់។ នាយឧត្តម​សេនីយ៍ មាស វីរិទ្ធ អគ្គលេខាធិការ​នៃ​អាជ្ញាធរ​ជាតិ​ប្រយុទ្ធ​ប្រឆាំង​គ្រឿង​ញៀន បាន​ថ្លែង​ប្រាប់​វិទ្យុ​បារាំង RFI ថា ថ្វី​បើ​ផែនការ​ការងារ​មិន​មាន​អ្វី​ខុស​ពី​ប្រក្រតី​មែន​ពិត ក៏​ប៉ុន្តែ​ការ​អនុវត្ត​ផែនការ​សម្រាប់​យុទ្ធនាការ​បង្កា្រប​គ្រឿង​ញៀន​ឆ្នាំ​ថ្មី នឹង​មិន​ត្រូវ​ធ្វើ​បែប​លំ​ៗ​នោះ​ទេ។ មិន​លំ​ៗ ដោយសារ​មាន​កិច្ច​ប្រជុំ​រៀង​រាល់​១​សប្តាហ៍​ម្តង ២​សប្តាហ៍​ម្តង និង​១​ខែ​ម្តង ដើម្បី​រិះរក​ភាព​រីក​ចម្រើន និង​ចំណុច​ខ្វះ​ខាត។

ការបិទផ្សាយ​បញ្ជី​ឈ្មោះ​បោះឆ្នោត​ដំបូង នឹង​ធ្វើ​ឡើង​នៅ​ថ្ងៃ​ទី ៣ ខែ​មករា ឆ្នាំ ២០១៧ខាង​មុខ​នេះ។ លោក​បណ្ឌិត ហង្ស ពុទ្ធា អ្នកនំាពាក្យ​គណកម្មាធិការ​ជាតិ​រៀបចំ​ការ​បោះឆ្នោត ហៅ​កាត់​ថា គជប ដែល​ជា​ភ្ញៀវ​ប្រចាំ​ថ្ងៃ​របស់​វិទ្យុ​បារាំង​អន្តរជាតិ RFI នៅ​រាត្រី​នេះ បាន​បញ្ជាក់​ថា ការ​បិទ​ផ្សាយ​បញ្ជី​ឈ្មោះ​ដំបូង​នេះ នឹង​ផ្តល់​សារៈ​សំខាន់​ដល់​ប្រជាពលរដ្ឋ​ក្នុង​ការ​ពិនិត្យ​ឈ្មោះ​ដើម្បី​ធានា​ថា ឈ្មោះ​របស់​ពួកគេ​មាន​នៅ​ក្នុង​បញ្ជី​ឈ្មោះ​បោះឆ្នោត​ថ្មី។ បើ​តាម​លោក ហង្ស ពុទ្ធា នឹង​មាន​ឈ្មោះ​ស្ទួន​រាប់​ពាន់​នាក់​នឹង​ត្រូវ​លុប​ចេញ​ពី​បញ្ជី​ឈ្មោះ​បោះឆ្នោត​ថ្មី​នេះ។ ទាក់ទង​នឹង​បញ្ហា​ជំនួយ​របស់​រដ្ឋាភិបាល​ចិន​ជាង​១០​លាន​ដុល្លារ​អា​មេរិក​ដល់ គជប វិញ លោក ហង្ស ពុទ្ធា បាន​បញ្ជាក់​ថា នឹង​មិន​ប៉ះពាល់​ដល់​ឯករាជ្យ​ភាព​របស់ គជប នោះ​ទេ។

ភ្ញៀវ​ប្រចាំថ្ងៃ​របស់​យើង​នៅ​យប់​នេះ គឺលោក ប្រាជ្ញ ប៊ុនធឿន ជាអ្នក​តំណាង​របស់​​បណ្តាញ​ពហុវិស័យ​ ដែល​ធ្វើ​ការ​ជាមួយ​កសិករ ​ប្រមាណ​១៥ខេត្តក្រុង​។  ថ្ងៃច័ន្ទ​នេះ ក្រុម​អង្គការ​សង្គមស៊ីវិល និង​បណ្តាញ​កសិករ​ជាង​១៧០ អង្គការ បានជជែកគ្នា​ពីសេចក្តីព្រាង​​ច្បាប់​ ស្តីពី ​ដីកសិកម្ម ដោយ​មាន​រដ្ឋមន្ត្រី​ក្រសួង​កសិកម្មចូលរួម​ផង​។ ចំពោះ​សេចក្តីព្រាង​ច្បាប់​នេះ, លោក ប្រាជ្ញ ប៊ុនធឿន យល់ឃើញថា វា​​រឹតត្បិត​សិទ្ធិប្រជាកសិករជាទូទៅ និង​សិទ្ធិ​របស់​ជនជាតិ​ដើម​ភាគតិច ហើយ​បម្រើ​ប្រយោជន៍​ដល់​ឈ្មួញ​ធំៗ និង​បំផ្លាញផលប្រយោជន៍​កសិករ​តូច​តាច​។  ដូច្នេះ​ហើយ​ទើប​បណ្តាញ​ពហុវិស័យ ស្នើ​សុំ​ឲ្យ​ទម្លាក់​ចោល​សេចក្តី​ព្រាងច្បាប់​​នេះ ក៏ប៉ុន្តែ​លោក​រដ្ឋមន្ត្រីកសិកម្ម​វិញ គឺ​ចង់​ឲ្យ​ច្បាប់​​នេះចេញ​ឆាប់ៗ​ទៅវិញ។

និស្សិតសារព័ត៌មានដេប៉ាតឺម៉ង់​ផ្នែក​ប្រព័ន្ធ​ផ្សព្វផ្សា​យ​និង​សារ​គមនាគមន៍DMC​គ្រោង​សម្ពោធ​​ជាផ្លូវ​ការ​នូវ​ខ្សែភាពយន្ត​ឯកសារ​ចំនួន​៨នៅ​ក្នុង​គម្រោង​Project 3​នៅថ្ងៃទី២០ខែធ្នូ។ ​ខ្សែភាពយន្តទាំង​នេះ​លើក​ឡើង​​ពី​បញ្ហា​សេដ្ឋកិច្ច ​វប្បធម៌ ​នយោបាយ ​ប្រវត្តិ​សាស្ត្រ ​និង​បញ្ហា​ចម្រូង​ចម្រាស់​ក្នុង​សង្គម​កម្ពុជា​។ តំណាង​និស្សិត​និង​ជា​ផលិតករភាព​យន្ត បាន​អះ​អាង​ថា ភាពយន្ត​ខ្លី​ទាំង​៨​រឿង​របស់​ពួក​គេ​ផ្ដល់​តម្លៃ​អប់រំ​និង​បាន​ចូល​រួមចំណែក​កែប្រែ​សង្គម​បាន​យ៉ាង​ច្រើន​តាមរយៈ​ការ​ផ្ដល់​ព័ត៌​មាន​យ៉ាង​គ្រប់​ជ្រុង​ជ្រោយ​ជុំវិញ​ប្រធាន​បទ​នីមួយ​ៗ។​

 

កញ្ញា ​អ៊ុច លីដា  ​និង​លោក ​ប៉ាង ចំណាន ផលិតករ​នៃ​ភាពយន្ត​ចំនួន​២​ក្នុង​ចំណោម​ភាពយន្ត​ទាំង​៨ដែល​ជា​ភ្ញៀវ​ប្រចាំ​ថ្ងៃ​របស់​យើងបានគូស​បញ្ជាក់​ថា ពួក​គេ​ចង់​បាន​ការលើក​ចិត្ត​បន្ថែម​ពី​ក្រសួង​ព័ត៌មាន​និង​ក្រសួង​អប់រំ​ដើម្បី​យក​ខ្សែ​ភាព​យន្ត​របស់​ពួកគេ​ទៅចាក់​បញ្ចាំង​នៅ​តាម​កញ្ចក់​ទូរទស្សន៍។

ភ្ញៀវ​ប្រចាំ​ថ្ងៃ​របស់​វិទ្យុ​បារាំង​អន្តរ​ជាតិ​នៅ​រាត្រី​នេះ ​គឺ​លោក ​ជី ទេ​រិទ្ធិ ​ជា​នាយក​កម្ម​វិធី​របស់​អង្គការ​មូល​និធិ​អាស៊ី​។ នៅ​ថ្ងៃ​នេះ ​អង្គការ​មូល​និធិ​អាស៊ី ...

បន្ទាប់​ពី​មាន​ការ​តវ៉ា​ជា​សាធារណៈ កាល​ពី​ដើម​សប្តាហ៍​នេះ​ទៅ​រដ្ឋាភិបាល ឲ្យ​មាន​ការ​កែ​ប្រែ​ច្បាប់ ស្តី​ពី​ការ​គ្រប់​គ្រង​អ្នក​ប្រកប​វិជ្ជាជីវៈ​សុខាភិបាល ​ដែល​ច្បាប់​នេះ​អនុញ្ញាត​ឲ្យ​ជំនួយ​ការ​ពេទ្យ​ធ្មេញ​បើក​បន្ទប់​ថែ​ទាំ​មាត់​ ធ្មេញ​ បាន​នោះ​ មក​ទល់​ពេល​នេះ​នៅ​មិន​ទាន់​មាន​ដំណោះ​ស្រាយ​ណា​មួយ​នៅ​ឡើយ​។ ទន្តបណ្ឌិត​ យ៉ាំ ​សូលីតា​ ប្រធាន​សមាគម​ទន្តពេទ្យ​កម្ពុជា​ ថ្លែង​ប្រាប់​វិទ្យុ​បារាំង​RFI​ថា​ ទន្ត​គិលានុប​ដ្ឋាក​ដែល​មាន​ការ​សិក្សា​រយៈ​ពេល​៣​ឆ្នាំ​នោះ​ ពុំ​មាន ​សមត្ថភាព​គ្រប់​គ្រាន់​ ដែល​នឹង​អាច​ជួយ​លើក​ស្ទួយ​វិស័យ​ទន្ត​សាស្ត្រ​ឲ្យ​រីក​ចម្រើន​បាន​ទេ​។