ភ្ញៀវ​ប្រចាំ​ថ្ងៃ​របស់វិទ្យុបារាំងអន្តរជាតិ នៅរាត្រីនេះ គឺលោកឆាយ ធី មន្ត្រី​​អង្គការ​​សិទ្ធិ​មនុស្ស​អាដ​ហុក​​​ដ៏លេច​ធ្លោ​​ក្នុង​​ខេត្ត​រតនគិរី។ លោក​ឆាយ ​ធី​ គ្រោង​នឹង​បញ្ចប់​ការ​ងារ​ពី​​អាដ​ហុក​​ក្នុង​ដំណាច់​ខែម​ករា​​នេះ ​ហើយ​លោក​នឹង​ឈរ​ឈ្មោះជា​មេឃុំ​ក្នុង​គណបក្ស​ប្រជា​ជន​កម្ពុជា​នៅតំបន់ដែ​ល​លោក​រស់​នៅ ​សម្រាប់​ការ​បោះ​ឆ្នោត​ឃុំ​សង្កាត់​នា​ពេល​ខាង​មុខ​។ លោក​ឆាយ ធី បញ្ជាក់​ថា​លោក​នឹង​យក​ទស្សនៈ​វិស័យ​របស់​សមា​គម​អាដហុក ​ដែល​កន្លង​មក​លោក​បាន​ដឹងពី​សុខ​ទុក្ខ​របស់​ប្រជា​ពលរដ្ឋ ​ដឹង​ពី​ផ្លូវ​ច្បាប់​ ហើយ​លោក​នឹង​មិន​ឲ្យ​ប្រជា​ពល​រដ្ឋ​ក្នុង​មូល​ដ្ឋានរបស់​លោក​ខក​បំណង​ទេ។

នៅថ្ងៃនេះ អ្នកនាំពាក្យ​ក្រសួងការបរទេស​កម្ពុ​ជា​តាមរយៈ​សេចក្តីប្រកាស​ព័ត៌មាន​មួយ​បាន​បញ្ជាក់ថា​ស្ថានទូត​កម្ពុជា​នៅ​កូរ៉េខាងត្បូង​កំពុង​ទាមទារ​ប្រាក់​ធានារ៉ាប់រង​ជូន​ដល់​ពលករ​ខ្មែរ២នាក់​ដែល​បាត់បង់​ជីវិត​នៅក្នុង​ប្រទេស​នេះ។ ពលករ​ខ្មែរ​ទាំងពីរ​នាក់​នោះ ម្នាក់​ស្លាប់​កាលពី​ចុងខែ​ធ្នូ និង​ម្នាក់ទៀត​បាន​ស្លាប់​នៅ​ដើមខែ​មករា​ឆ្នាំ២០១៧នេះ។ លោក​ឡុង ឌី​ម៉​ង់ ឯកអគ្គរាជទូត​កម្ពុ​ជាប្រចាំ​កូរ៉េខាងត្បូង​បានបញ្ជាក់​ប្រាប់​ពី​ប្រទេស​កូរ៉េខាងត្បូង​ថា ពួកគេ​ទាំង​ពីរបាន​ស្លាប់​ដោយសារតែ​ជំងឺ​គាំងបេះដូង។ ជាមួយគ្នានេះ លោក​ឡុង ឌី​ម៉​ង់ ក៏បាន​កត់សម្គាល់​ផងដែរ​ថា ពលករ​ខ្មែរ​ដែល​ស្លាប់​នៅ​កូរ៉េខាងត្បូង គឺ​ភាគច្រើន​ដោយសារ​ជំងឺ​នេះ​តែម្តង។

ភ្ញៀវ​ប្រចាំថ្ងៃ​របស់​វិទ្យុ​បារាំង​នៅ​យប់​នេះ គឺ​លោក វន់ ពៅ ដែល​​ជា​ប្រធាន​សមាគម​ប្រជា​ធិប​​តេយ្យ​​​នៃ​​សេដ្ឋកិច្ច​ក្រៅ​ប្រព័ន្ធ ​ហៅកាត់ថា (IDEA)​។ នៅ​ថ្ងៃនេះ ​គឺ​ជា​ខួប​៣ឆ្នាំ​ ដែល​អាជ្ញាធរ បាញ់​​បង្ក្រាប​មហា​បាតុកម្ម។​  ​លោក វន់​ ពៅ បាន​បែកក្បាល និងមាន​របួសធ្ងន់​​។ នៅថ្ងៃនេះ លោក​និង​ក្រុមអ្នកធ្វើ​ការ​សង្គម​ស៊ីវិលមួយ​ចំនួន ​បាន​ធ្វើពិធី​រម្លឹក​ខួប ប៉ុន្តែ​គ្មាន​​ការ​​ចូល​រួម​​ពី​សំណាក់​​តំណាង​​រាស្ត្រ​បក្ស​​ប្រឆាំង និង​មេៗ​សហជីព​​ធំៗ​នោះ​ទេ​។ ​លោក វន់ ពៅ យល់​ឃើញ​​ថា ​ក្នុង​នាម​​មនុស្ស, ​ចំពោះ​ករណី​​វាយ​​បង្ក្រាប​​មហា​​បាតុកម្ម ​បើ​បំភ្លេច​​អ្វី​ដែល​គេ​​ធ្វើ​បាប​​ និង​​ធ្វើ​ទុក្ខ​បុក​ម្និញ​​លើខ្លួន​ គឺមានន័យថា ​ក្បត់​ឆន្ទៈ និង​ក្បត់​ឧត្តមគតិ​ខ្លួន​ឯង​ហើយ!

របាយការណ៍​របស់​ប៉ូលិស​ចរាចរណ៍​ផ្លូវ​គោក​បាន​បង្ហាញ​ថា​ពេញ​មួយ​ឆ្នាំ​ ២០១៦​កន្លង​ទៅ​នេះ គ្រោះ​ថ្នាក់​ចរាចរណ៍​នៅ​ទូទាំង​ប្រទេស​កម្ពុជា​បាន​កើត​ឡើង​ចំនួន ៣៧០០​លើក​បណ្តាល​ឲ្យ​ស្លាប់​ចំនួន ១៧១៧ នាក់ ...

ភ្ញៀវ​ប្រចំាថ្ងៃ​របស់​វិទ្យុ​បារំាងអន្តរជាតិ​នៅ​ថ្ងៃ​អាទិត្យ ទី០១ មករា​នេះ គឺ​លោក​សម រង្ស៊ី ប្រធាន​គណបក្ស​សង្រ្គោះជាតិ។ ឆ្លើយ​នឹង​សំណួរ​របស់​គួច គន្ធារ៉ា លោក​សម រង្ស៊ី​ដែល​កំពុង​បន្ត​និរទេស​ខ្លួន​នៅ​ក្នុង​ប្រទេស​បារាំង​បាន​បញ្ជាក់​ថា ទំនាក់ទំនង​រវាង​លោក​ហ៊ុន សែន និង​លោក​កឹម សុខា ជា​យុទ្ធសាស្រ្ត​របស់​លោក​ហ៊ុន សែន​ដើម្បី​បំបែក​កឹម សុខា សមរ ង្ស៊ី​ដូច​ដែល​លោក​ហ៊ុន សែន​បាន​ធ្វើ​ចំពោះ​លោក​ពី​មុន​ដែរ។

គម្រោង​ធ្វើ​ផ្លូវ​កាត់​វិហារ​ចាម​នៅ​តំបន់​បឹងកក់​រហូត​មក​ដល់​ពេល​នេះ​នៅ​តែ​ស្ថិត​នៅ​ក្នុងភាព​ចម្រូង​ចម្រាស​នៅ​ឡើយ​ទេ​រវាង​ក្រុម​សាសនិក​ឥស្លាម​ដែល​ម្ខាង​គាំទ្រ​និង​ម្ខាងប្រឆាំង​។ លោក សិប ឡាវី សាសនិក​ឥស្លាម​ប្រឆាំង​គម្រោង​ធ្វើ​ផ្លូវ​កាត់​វិហារ​ចាម​ដែលជា​ភ្ញៀវ​ប្រចាំ​ថ្ងៃ​របស់​វិទ្យុ​យើង​នៅ​យប់​នេះ​បាន​អះអាង​ថា កាល​ដែល​សាសនិក​ឥស្លាមភាគ​ច្រើន​ជំទាស់​គម្រោង​នេះ​ព្រោះ​វា​បាន​ប៉ះពាល់​ដល់​ភាព​ស្ងប់ស្ងាត់​នៃ​សាសនាឥស្លាម​ប្រសិន​បើ​ការ​ធ្វើ​ផ្លូវ​ត្រូវ​បាន​ពុះ​ចំ​កណ្ដាល​វិហារ​ឥស្លាម​មែន​នោះ។ ប៉ុន្តែ​លោក​ស្នើឲ្យ​មាន​ការ​កែប្រែ​គម្រោង​បន្តិច​ទៅ​ជា​ការ​ពង្វាង​ធ្វើ​ផ្លូវ​កាត់​វិហារចាម​វិញ។ លោក សិប ឡាវីថា អាជ្ញាធរ​នឹង​បាត់​ទំនុក​ចិត្ត​ពី​សាសនិក​ឥស្លាម​ប្រសិន​មានះ​ធ្វើ​ផ្លូវ​កាត់​វិហារ​ចាម៕

ភ្ញៀវ​ប្រចាំ​ថ្ងៃ​របស់​វិទ្យុ​បារាំ​ងអន្តរ​ជាតិ ​នៅ​រាត្រីនេះ​គឺ​លោកជិន​ ម៉ាលីន​ អ្នក​នាំ​ពាក្យ​ក្រសួង​យុត្តិ​ធម៌​។ លោកជិន​ ម៉ាលីន​ ក្រោយ​ពី​បញ្ចប់​កិច្ច​ប្រជុំ​រវាង​ប្រធាន​តុលាការ​ទូទាំង​ប្រទេស​នៅ​ថ្ងៃ​នេះ ​បាន​ថ្លែង​ថា​លោក​បានស្នើ​សុំ​ឲ្យ​តុលា​ការ​អនុវត្ត​ច្បាប់​ឲ្យ​បាន​ត្រឹម​ត្រូវ​ ហើយ​ម៉ឹង​ម៉ាត់បំ​ផុត​ ជៀស​វាងការ​ចោទ​ប្រកាន់​ និង​ការ​រិះគន់ពី​សាធារណៈ​ជន​ និង​ជៀស​វាងការ​ចោទ​ប្រកាន់​រវាង​សមត្ថ​កិច្ច ​និង​តុលាការ​។ ការ​លើក​ឡើង​របស់​លោកបែប​នេះ​ ក្រោយ​ពី​មាន​ការ​ចោទ​ប្រកាន់​ពី​សមត្ថ​កិច្ច ​ទៅ​តុលាការ​ថា​តុលាការ​ដាក់​ទោស​មិន​សម​នឹង​ការប្រ​ព្រឹត្តិ​របស់​ជន​ល្មើស​ទាក់​ទង​នឹង​ការ​ជួញ​ដូរ​គ្រឿង​ញៀន។

ភ្ញៀវ​ប្រចាំ​ថ្ងៃ រ​បស់​វិទ្យុ​បារាំង​អន្តរ​ជាតិ​នៅ​យប់​នេះ​ គឺ​ លោក អេង ឆៃអ៊ាង តំណាង​រាស្រ្ត​គណបក្ស​សង្រ្គោះ​ជាតិ និង​ជា​ប្រធាន​គណៈកម្មការ​សិទ្ធិ​មនុស្ស ទទួល​ពាក្យ​បណ្ដឹង អង្កេត​និង​ទំនាក់​ទំនង​រដ្ឋសភា ព្រឹទ្ធសភា នៃ​រដ្ឋសភា។ ​នៅ​ថ្ងៃ​ព្រហស្បតិ៍​នេះ រដ្ឋ​មន្រ្តី​ក្រសួង​សុខាភិបាល បាន​ចូល​ខ្លួន​ទៅ​បំភ្លឺ​នៅ​កិច្ច​ប្រជុំ​ពេញ​អង្គ​រដ្ឋសភា អំពី​ភាព​មិន​ប្រក្រតី​មួយ​ចំនួន ក្នុង​វិស័យ​សុខាភិបាល តប​តាម​ការ​ស្នើ​របស់​បក្ស​សង្រ្គោះ​ជាតិ។ លោក អេង ឆៃអ៊ាង បាន​បញ្ជាក់​ថា ចម្លើយ​របស់​រដ្ឋ​មន្រ្តី​ក្រសួង​សុខាភិបាល គឺ​គ្មាន​ការ​ទទួល​ខុស​ត្រូវ។ តែ​យ៉ាង​ណា​ក៏​ដោយ សម្រាប់​បក្ស​ប្រឆាំង ចម្លើយ​នេះ​នឹង​ក្លាយ​ជា​មូលដ្ឋាន​មួយ​សម្រាប់​មហាជន​វាយ​តម្លៃ​ និង​លោក​នាយក​រដ្ឋ​មន្រ្តី​ខ្មែរ​ពិចារណា​អំពី សមត្ថភាព​ដឹកនាំ របស់​រដ្ឋ​មន្រ្តី​ក្រសួង​សុខាភិបាល​បច្ចុប្បន្ន ថា​តើ​គួរ​តែ​រក្សា​ទុក​បន្ត​ទៀត​ឬ​ផ្លាស់​ប្តូរ​ចេញ​ពី​តំណែង។

ភ្ញៀវ​ប្រចាំ​ថ្ងៃ​របស់​វិទ្យុ​បារាំង​នា​រាត្រី​នេះ​គឺ លោក ហឿន សុភាព តំណាង​សហគមន៍​ព្រៃឡង់​ខេត្ត​កំពង់ធំ។ កាល​ពី​ថ្ងៃ​ចន្ទ​កន្លង​ទៅ​នេះ ប្រជាសហគមន៍​ព្រៃឡង់​ទាំង​៤​ខេត្ត ទើប​តែ​បាន​បិទ​បញ្ចប់​ការ​ចុះ​ល្បាត​ព្រៃ​ឡង់​រយៈ​ពេល​៦​ថ្ងៃ​របស់​ខ្លួន។ ក្រុម​សហគមន៍​រឹប​អូស​បាន​រណារ​យន្ត និង​ឧបករណ៍​ល្មើស​ជា​ច្រើន​គ្រឿង​។ នៅ​ក្នុង​ការ​ចុះ​ល្បាត​លើក​នេះ លោក ហឿន សុភាព អះអាង​ថា ក្រុម​សហគមន៍​បាន​ទទួល​ការ​រួម​សហការ​យ៉ាង​ជិត​ស្និត​ពី​សំណាក់​​អាជ្ញាធរ​និងមន្ដ្រី​ក្រសួង​បរិស្ថាន​។ ប៉ុន្តែ​បទ​ល្មើស​ព្រៃ​ឈើ​និង​ធនធាន​ធម្មជាតិមិន​បាន​ថយ​ចុះ​ទេ​។ ត​ទៅ​នេះ​ជា​បទ​សម្ភាស​រវាង​អ៊ឹម រចនា និង​លោក ហឿន សុភាព​។ សូម​អញ្ជើញ​ស្ដាប់​៖

ភ្ញៀវប្រចាំ​ថ្ងៃ​របស់​វិទ្យុ​បារាំង​នៅ​យប់​នេះ​គឺ​លោក​ឈាន ចាន់ហ៊ាង អ្នក​សម្រប​សម្រួល​នៃ​អង្គ​ការ​​យុវសន្តិភាពYFP។ នៅ​ថ្ងៃ​នេះ​អង្គការ​យុវ​សន្តិភាព​YFP​ក្នុង​ចំណោម​អង្គការ​បីផ្សេង​ទៀត​បាន​រៀបចំ​វេទិកា​ស្ដីពី«កេរមត៌​ធនធាន​ធម្មជាតិ​កម្ពុជា​សម្រាប់​មនុស្ស​ជំនាន់ក្រោយ»។ មនុស្ស​ជំនាន់​ក្រោយ​ពិសេស​យុវជន​ត្រូវ​បាន លោកឈាន ចាន់ហ៊ាង​មើលឃើញ​ថា ពួក​គេ​កំពុង​ព្រងើយ​កន្តើយ​ក្នុង​ការ​ចូល​រួម​អភិរក្ស​ធនធាន​ធម្មជាតិ។ ហើយធនធាន​ធម្មជាតិ​ត្រូវ​ការ​ជា​ចាំបាច់​កម្លាំង​យុវជន​ចូលរួម​អភិរក្ស។ អ្វីដែល លោក​ឈាន ចាន់​ហ៊ាង កាន់​តែ​ព្រួយ​បារម្ភ​ទៀត​នោះ​នៅ​ពេល​មនុស្ស​ចាស់​នៅ​តាម​សហគមន៍​បានអះ​អាង​ថា អភិរក្ស​ធនធាន​ធម្មជាតិ​ដើម្បី​ក្មេង​ជំនាន់​ក្រោយ តែ​យុវជន​ជំនាន់​ក្រោយ​ឆ្លើយ​ថាមិន​បាន​ចាប់​អារម្មណ៍។