នៅ​ព្រឹក​មិញ​នេះ ក្រុមប្រឹក្សា​ជំនុំជម្រះ​ដែលជា​សមាជិក​គណៈកម្មាធិកា​រ​ជាតិ​រៀបចំ​ការបោះឆ្នោត(គ.ជ.ប)ទាំង៩រូប បាន​បើកសវនាការ​ជា​លើកដំបូង​លើ​បណ្តឹងសុំ​ឲ្យ​មានការ​លុបឈ្មោះ​ជនបរទេស​ចេញពី​បញ្ជី​ឈ្មោះ​បោះ​របស់​គណបក្ស​សង្គ្រោះ​ជាតិ​ដែល​សង្ស័យថា​ជនបរទេស​ទាំងនោះ​មិនមាន​សញ្ជាតិ​ត្រឹមត្រូវ។ លោក​សំ សុ​គង់​ដែល​ជា​មេធាវី​​តំណាង​​ឲ្យ​​គណបក្ស​សង្គ្រោះ​ជាតិ​​ដែល​ជា​​ភ្ញៀវ​របស់​យើង​នៅ​រាត្រី​នេះ បាន​បញ្ជាក់ថា ដំណើរការ​សវនាការ​ដំបូង​របស់​គ.ជ.ប​នៅ​ព្រឹក​មិញ​នេះ អាច​ទទួលយកបាន​ព្រោះថា មាន​ភាគី​ក៏ដូចជា​ចុង​ចម្លើយ​បានមក​ចូលរួម និង​បាន​សួរដេញដោល​ពី​សំណាក់​ក្រុមប្រឹក្សា​ជំនុំជម្រះ។

ភ្ញៀវ​ប្រចាំថ្ងៃ​របស់​យើង​នៅ​រាត្រីនេះ គឺ​កញ្ញា ស្រី សុធាវី ដែល​ជា​នាយិកា​របស់អង្គការ​ក្រុម​ការងារ​ដើម្បី​ដោះស្រាយ​ទំនាស់ ហៅកាត់​ថា ACT។ នៅថ្ងៃនេះ អង្គការ​ACT បាន​ចេញ​របាយការណ៍​សិក្សា​ថ្មីមួយ ស្តីពី​ ស្ថានភាព​មុន​ការ​បោះឆ្នោះ​ក្រុម​ប្រឹក្សា​ឃុំ​សង្កាត់ ឆ្នាំ២០១៧ នៅ​កម្ពុជា​។ បន្ទាប់ពី​បាន​វិភាគ​ទៅលើការ​សម្ភាស​ន៍​របស់​មនុស្ស​ជាង​៧០០នាក់ នៅទូទាំង​២៣ខេត្ត​ក្រុង, កញ្ញា ស្រី សុធាវី ប្រាប់​វិទ្យុ​បារាំងថា មា​នការ​ទិញ​ទឹក​ចិត្ត​ពលរដ្ឋ ឬ​ការ​ទិញ​សន្លឹក​ឆ្នោត ជា​ថ្នូរ​ទៅនឹង​ប្រាក់កាស់ និង​ការ​សន្យាផ្សេងៗ។ ប៉ុន្តែ​សន្យា​ខ្លះ ជា​សន្យា​ខ្យល់ ដែល​ពលរដ្ឋ​អស់​ជំនឿខ្លះៗ​​ហើយ។

បន្ថែម​ពី​លើ​សេចក្ដី​បំភ្លឺ​របស់​ក្រសួង​បរិស្ថាន​ច្រាន​ចោល​ការ​លើក​ឡើង​របស់​អង្គការ​ណាសា​ថា ព្រៃ​ឈើក​ម្ពុជា​កំពុង​បាត់បង់​នោះ​លោក សៅ សុភាព អ្នក​នាំ​ពាក្យ​ក្រសួង​បរិស្ថានដែល​ជា​ភ្ញៀវ​ប្រចាំ​ថ្ងៃ​របស់​វិទ្យុ​យើងនៅយប់​នេះ​បាន​ពន្យល់​ពី​ការ​រក​ឃើញ​ខុស​គ្នារ​វាង​ក្រសួង​បរិស្ថាន​​និង​អង្គការ​អន្តរជាតិ​ណាសា។ ដ្បិត​តែ​ក្រសួង​មិន​ទាន់​អាច​បង្ហាញ​របាយ​ការណ៍បាត់​បង់​ព្រៃ​នៅ​ពេល​នេះ​ក៏​ដោយ​ប៉ុន្តែ​លោក សៅ សុភាព អះអាង​ថា​ការ​បាត់​ព្រៃ​ឈើកម្ពុជា​មិន​ធ្ងន់​ធ្ងរ​ដូច​ការ​ចុះ​ផ្សាយ​របស់​ណាសា​នោះ​ទេ៕

ភ្ញៀវប្រចាំថ្ងៃរបស់យើងរាត្រីនេះ គឺលោក William Mclntyre ដែល​​ជា​អ្នក​​តំណាង​ឲ្យអ្នកនិពន្ធ បណ្ឌិត Stephen R. Covey ​ម្ចាស់សៀវភៅ The 7 Habits។ ​សៀវភៅ​ដែល​លក់ដាច់​ជាង​​៤០​​លាន​​ច្បាប់ ​ហើយដែល​ត្រូវ​បក​ប្រែ​ជាង​៤០​ភាសា​នេះ ​នឹងត្រូវ​​​បក​ប្រែជា​ភាសាខ្មែរ​ជា​ផ្លូវ​ការ​ នៅ​ឆ្នាំ​ក្រោយ​។

ថ្ងៃ​ស្អែកនេះ​ លោក William Mclntyre ​នឹង​ចែក​​​រំលែក​​ពី​គន្លឹះ​សំខាន់ៗ​របស់​សៀវភៅ​នេះ ​នៅ​សាលា​តិចណូ ​​ក្រុងភ្នំពេញ ​គឺនៅក្នុងឱកាស​ជួបជុំជជែកគ្នា​ពីប្រធាន​បទ​ តើហេតុ​អ្វីបាន​ជា​វិស័យ​​អប់រំ​មាន​សារៈសំខាន់។

មក​ទល់​ខែ​មករា​នេះ ​តាម​ធម្មតា​កសិករ​ប្រមូល​ផល​អំបិល​ជា​បណ្តើរៗ​ហើយ។​ ជា​​អកុសល​​ភ្លៀង​​នៅ​​តែ​​បន្តធ្លាក់​​នៅ​​ឡើយ​​មក​​ទល់​​ពេលនេះ​​ ជា​​ហេតុ​ធ្វើ​​ឲ្យ​​ការ​​ផលិត​​អំបិល​​ត្រូវ​​អាក់ខាន​។​​

លោក​​ ...

ភ្ញៀវ​ប្រចាំ​ថ្ងៃ​របស់​វិទ្យុ​បារាំង​នា​រាត្រីនេះ​គឺ លោក មួង សូនី ប្រធាន​សមាគម​សម្ព័ន្ធ​និស្សិត​បញ្ញវន្ត​ខ្មែរ​។ កាល​ពី​ថ្ងៃ​អាទិត្យ ទី​៨​មករា ​កន្លង​ទៅ​នេះ លោក មួង សូនី បាន​ដឹក​នាំ​យុវជន​ប្រមាណ​៣០​នាក់ ទៅ​ធ្វើ​ទស្សនកិច្ច​នៅ​តំបន់​ព្រំដែន​កម្ពុជា-វៀតណាម ត្រង់​ចំណុច​បង្គោល​ព្រំដែន​លេខ ១៤៧-១៤៨ ​ស្ថិត​ក្នុង​ស្រុក​រំដួល ខេត្ត​ស្វាយ​រៀង​។ ជា​លទ្ធផល លោក មួង សូនី រក​ឃើញ​ថា វៀតណាម​បោះ​បង្គោល​ព្រំដែន​ចូល​ក្នុង​ទឹក​ដី​ខ្មែរ ហើយ​លោក​ចង់​ឃើញ​​រដ្ឋាភិបាល​ក្រុង​ភ្នំពេញបង្ហាញ​តម្លា​ភាព​ជូន​ពលរដ្ឋ​នៅ​ក្នុង​សំណុំ​រឿង​នេះ​។

ភ្ញៀវ​ប្រចាំថ្ងៃ​របស់​វិទ្យុ​បារាំង​នៅ​ថ្ងៃ​នេះ គឺ​លោក​ យ៉ែម បុញ្ញឫទ្ធិ ដែល​ជា​អ្នក​តំណាង​រាស្ត្រ​គណបក្ស​សង្គ្រោះ​ជាតិ និង​ជា​ប្រធាន​គណៈ​កម្មាធិការទី​៧ របស់​សភា គឺ​គណៈ​កម្មការ​អប់រំ យុវជន ​កីឡា ធម្មការ​ កិច្ច​ការ​សាសនា វប្បធម៌ និង​ទេសចរណ៍​។ នៅ​ថ្ងៃ​រសៀល​នេះ រដ្ឋ​មន្ត្រី​ក្រសួង​ធម្មការ​ និង​អ្នក​ជំនាញ​ជាង​ ២០​នាក់ បាន​ទៅ​ពន្យល់​បំភ្លឺ​រដ្ឋ​សភា ពី​បញ្ហា​ទីតាំង​របស​វិទ្យាស្ថាន​ពុទ្ធសាសន​បណ្ឌិត្យ​ បញ្ហា​ពុទ្ធិក​សាកលវិទ្យាល័យ ព្រ​មទាំង​ រឿង​ប្រាក់ខែ និង​ប្រាក់​ម៉ោង របស់​មន្ត្រី​សង្ឃ​នៅ​ពុទ្ធិកសិក្សា។ បន្ទាប់​ពី​បាន​ស្តាប់​ការ​ឆ្លើយ​បំភ្លឺ​របស់​លោក ហ៊ឹម ឆែម រដ្ឋ​មន្ត្រី​ក្រសួង​ធម្មការ​ និង​សាសនា រួច​មក​ លោក​ យ៉ែម បុញ្ញឫទ្ធិ ថា​អាច​យក​ជា​ការ ​បាន​ច្រើន ព្រោះ​សុទ្ធ​តែ​ជា​រឿង​ជាក់​ស្តែង។

នៅថ្ងៃនេះ ក្រុម​អ្នកមាន​ជម្លោះដីធ្លី​នៅ​បឹងកក់​បានចាប់ផ្តើម​ធ្វើ​យុទ្ធនាការ​ថ្ងៃ​ចន្ទ​ពណ៌​ខ្មៅ​ឡើងវិញ ដើម្បី​ទាមទារ​ឲ្យ​មានការ​ដោះលែង​មន្ត្រី​សិទ្ធិមនុស្ស​អាដហុក គ.ជ.ប​និង​សកម្មជន​ដីធ្លី​អ្នកស្រី​ទេព វ​ន្នី។ កញ្ញា​សុង ស្រី​លាភ តំណាង​អ្នកភូមិ​បឹងកក់​ដែលជា​ភ្ញៀវ​របស់​យើង​នៅ​រាត្រី​នេះ បាន​និយាយថា ការរៀបចំ​យុទ្ធនាការ​នេះ​ឡើងវិញ គឺ​ដោយសារតែ​មន្ត្រី​សិទ្ធិមនុស្ស​អាដហុក និង​គ.ជ.ប​មិន​ត្រូវបាន​ដោះលែង​នៅ​ចុងឆ្នាំ២០១៦ដូច​ការលើកឡើង​រប​ស់លោ​កស ខេង​រដ្ឋមន្ត្រី​ក្រសួងមហាផ្ទៃ។ ជាមួយគ្នានេះ កញ្ញា​ក៏បាន​គូស​បញ្ជាក់ដែរថា ទោះ​រង​ការគំរាមកំហែង ឫ​ចាប់ខ្លួន​ពី​សំណាក់​អាជ្ញាធរ​យ៉ាងណាក៏ដោយ ក៏​នេះ​មិនមែនជា​ឧបសគ្គ​ដល់​ការធ្វើ​យុទ្ធនាការ​ថ្ងៃ​ចន្ទ​ពណ៌​ខ្មៅ​ឡើយ។

រឿង​ខ្លី“ទឹក​ក្រហម”ត្រូវបាន​ជ្រើសរើស​ជាប់​ចំណាត់ថ្នាក់​លេខ១ក្នុងចំណោម​រឿង​ខ្លី​ដទៃទៀត​ចំនួន១៨នៅក្នុង​កម្មវិធី​ប្រកួតប្រជែង​រឿង​ខ្នាត​ខ្លី​ថ្នាក់ជាតិ​ជា​លើកដំបូង​របស់​ក្រសួង​វប្បធម៌​នៅ​យប់មិញ​នេះ។ ឆ្លៀតឱកាស​នេះ វណ្ណ សុគន្ធា បាន​អ​ញ្ចើ​ញ​លោក​លី ប៉ូ​ឡែ​ន ដែលជា​អ្នកដឹកនាំ​រឿង“ទឹក​ក្រហម”មកកាន់​បន្ទប់​ផ្សាយ​វិទ្យុ​បារាំង​អន្តរជាតិ​ដោយផ្ទាល់ ដើម្បី​សម្ភាសន៍​ជុំវិញ​ការផលិត​រឿង​ខ្លី​នេះ។ លោក​លី ប៉ូ​ឡែ​ន បានចាត់ទុក​ការទទួល​ពានរង្វាន់​ថ្នាក់ជាតិ​នេះ​ថា ជា​កិត្តិយស​ដ៏​ធំ​មួយ ហើយ​លោក​ក៏បាន​ប្រាប់​ដែរ​ថា លោក​បាន​ចំណាយ​ថវិកា​ប្រមាណ២៥០០ដុ​លា្ល​រ​ក្នុង​ការថត​រឿងនេះ។

មួយ​សប្ដាហ៍​នៃ​យុទ្ធនាការ​បង្ក្រាប​គ្រឿង​ក្រោម​ទិស​ដៅ​របស់​រដ្ឋាភិបាល​កាល​ពី​ចុង​ឆ្នាំ២០១៦ ធ្វើ​យ៉ាង​ណា​ដើម្បី​ឲ្យ​កម្ពុជា​ក្លាយ​ជា​ប្រទេស គ្មាន​គ្រឿង​ញៀន​គឺ​រក​ឃើញ​បទល្មើស​២២៦​ករណី​និង​ឃាត់​ជន​សង្ស័យ​៥៧០​នាក់។ ភាព​ជោគជ័យ​នេះ​ត្រូវ​បាន​លោក មាស វិរិទ្ធ ដែល​ជា​ភ្ញៀវ​ប្រចាំ​ថ្ងៃ​របស់​វិទ្យុ​យើង​នៅ​យប់​នេះ​អះអាង​ថា ដោយ​សារ​តែពលរដ្ឋ​និង​អាជ្ញាធរ​កៀក​ស្មា​គ្នា​បង្ក្រាប​បទ​ល្មើស​គ្រឿង​ញៀន​ហើយ​ម្យ៉ាង​ទៀត​មានបញ្ជា​ដាច់​ណាត់​ពី​ថ្នាក់​លើ។ បន្ថែម​ពី​លើ​នេះ​ទៀត ពលរដ្ឋ​មាន​ភាព​ក្លាហាន​ជាង​មុន​នៅក្នុង​ការ​រាយការណ៍​ពី​បទ​ល្មើស​គ្រឿង​ញៀន។ សូមលោកអ្នកស្ដាប់កិច្ចសម្ភាសរវាង អេង គីមហុង និងលោក មាស វិរិទ្ធ អគ្គ​លេខាធិការ​នៃ​អាជ្ញាធរជាតិ​ប្រយុទ្ធ​ប្រឆាំង​គ្រឿង​ញៀន​ដូច​តទៅ!