ភ្ញៀវ​​ប្រចាំ​ថ្ងៃ​​របស់​​វិទ្យុ​​បារាំង​​អន្តរជាតិ ​RFI​នៅ​ថ្ងៃ​នេះ ​គឺ​​លោក ​នេត្រ ភ​ត្រា ​អ្នក​នាំ​ពាក្យ​​សា​លា​ក្តី​​ខ្មែរ​ក្រហម​។ ​ឆ្លើយតប​​នឹង​​សំណួរ​​របស់​​វិទ្យុ​​បារាំង​​អន្តរជាតិ ​លោក ​នេត្រ​ ភ​ត្រា​ បាន​ចាត់​ទុក​​ការ​ប្រកាស​​សាល​ដីកា​ស្ថាពរ​​លើ​​សំណុំ​រឿង​002/01 ​ប្រឆាំង​នឹង​​ជន​ជាប់​ចោទ​ នួន ជា ​និង​ ខៀវ សំផន​ នៅ​​ថ្ងៃទី​២៣​វិច្ឆិកា​​សប្តាហ៍​​នេះ ​ថា​​ជា​​ថ្ងៃ​​ប្រវត្តិសាស្ត្រ​​ថ្មី​​មួយ​ទៀត​​របស់​​សា​លា​ក្តី​​ខ្មែរ​ក្រហម​។ ​លោក​​បាន​​ចាត់​ទុក​ថា ​វា​​ជា​​ផ្លែផ្កា ​ជា​​សមិទ្ធផល​​ប្រវត្តិសាស្ត្រ​​មួយ​ទៀត​ របស់​​មនុស្ស​ជា​តិ​​ទាំង​មូល ​នៅ​ក្នុង​​ដំណើរ​ការ​​ស្វែង​រក​​ការ​ពិត ​និង​​យុត្តិធម៌​​នៅ​​កម្ពុជា​​ក្រោយ​​ការ​​ដួល​​រលំ​​ទៅ​​នៃ​​របប​​ប្រល័យ​ពូជ​សាសន៍​​នៅ​​កម្ពុជា​។

ភ្ញៀវ​ប្រចាំ​ថ្ងៃ​របស់​យើង​នៅ​យប់​នេះ គឺ​លោក​គីម ហ៊ាង​ ​ប្រធាន​ក្រុម​ហ៊ុន​ខ្មែរ​រៀល​អ៊ីស្ទែត ​និង​ជា​ប្រធាន​សមាគម​អ្នក​វាយ​តម្លៃ​ និង​ភ្នាក់​ងារ​អចលន​វត្ថុ​កម្ពុជា​។ កាល​ពី​ដើម្បី​ខែ​វិច្ឆកា លោក​គីម ហ៊ាង បាន​ចូល​រួម​ក្នុងកិច្ច​ប្រជុំ​ប្រចាំ​ឆ្នាំ​របស់ National Association of Realtors (NAR) ដែល​មាន​អ្នក​ចូល​រួម​ជាង​២​ម៉ឺន​នាក់ មក​ពីប្រមាណ​១០០​ប្រទេស ធ្វើ​ឡើង​នៅ​សហ​រដ្ឋ​អាមេរិក។  លោក​បញ្ជាក់​ថា​ក្រោយ​ពី​ចូល​រួម​កិច្ច​ប្រជុំ​នេះ សមាគម​អ្នក​វាយ​តម្លៃ និង​ភ្នាក់​ងារ​អចលនវត្ថុ​កម្ពុជា​នឹង​ជួយ​ដល់​សង្គម​កម្ពុជា​តាម​ផ្នែក​ជា​ច្រើន​ទាក់​ទង​នឹង​វិស័យ​អចលនវត្ថុ​។ លោក​បន្ថែម​ថា​សមាគម​លោក​នឹង​ចែក​រំលែក​នូវ​ចំណេះ​ដឹង ដើម្បី​បង្កើត​ច្បាប់​ដីធ្លី ក្រមសីល​ធម៌​វិជ្ជាជីវៈ និង​សាលា​បង្រៀន​លើ​ផ្នែក​ដីធ្លី​នៅ​កម្ពុជា​៕

ក្រសួង​ពាណិជ្ជកម្ម​កាល​ពី​ថ្ងៃពុធ បាន​ប្រកាស​ដាក់​ឲ្យ​ដំណើរ​ការ​នូវ​រថយន្ត​ទំនើប​ FORTD Transit ឆ្នាំ២០១៦ មួយ​គ្រឿង ដែល​បំពាក់​ទៅ​ដោយ​សម្ភារៈ ពិសោធន៍​រក​សារធាតុ​គីមី​ នៅ​ក្នុងចំណី​អាហារ បន្លែ ផ្លែឈើ និង​ផលិត​ផល​គ្រឿង​បរិភោគ​ដទៃ​ទៀត។ លោក​ស្រី សឹង សុផារី អ្នក​នាំ​ពាក្យ​ក្រសួង​ពាណិជ្ជកម្ម​ បាន​ថ្លែង​ប្រាប់​វិទ្យុ​បារាំង​ RFI ថា មន្ទីរ​ពិសោធន៍​ចល័ត​ ឬ Mobile Lab នេះ នឹង​ត្រូវ​ធ្វើការ​ឆ្លើយ​តប​តាម​តម្រូវ​ការ​របស់​សាធារណៈជន​ ឬ​តាម​កន្លែង​នានា ​ដែល​បាន​កើត​មាន​នូវ​បញ្ហា​ចំណី​អាហារ ឬ​ការ​ពុល​ផ្សេងៗ។

តាំង​ពី​ថ្ងៃ​ទី​ ១៣ វិច្ឆិកា​មក សមាជិក​គណៈកម្មាធិការ​ជាតិ​រៀបចំ​ការ​បោះឆ្នោត​ គ.ជ.ប បាន​ចំណាយ​ពេល​ ៤ថ្ងៃ​ចុះ​ទៅ​ពិនិត្យ​ដំណើរ​ការ​នៃ​ការ​ចុះ​ឈ្មោះ​បោះឆ្នោត​នៅ​បណ្តា​ខេត្ត​ទាំង​ ២៥ ទូទាំង​ប្រទេស។ បញ្ហា​ធំ​ដែល​គ.ជ.ប បាន​រក​ឃើញ​នោះ គឺ​ពលករ​ចំណាក​ស្រុក​មិន​បាន​មក​ចុះ​ឈ្មោះ​បោះឆ្នោត ខណៈ​ដំណើរ​ការ​ចុះ​ឈ្មោះ​នឹង​បិទ​បញ្ចប់​នៅ​ប៉ុន្មាន​ថ្ងៃ​ខាង​មុខ​នេះ។ នេះធ្វើ​ឲ្យ​លោក​ហង្ស ពុទ្ធា អ្នក​នាំ​ពាក្យ​ គ.ជ.ប ដែល​ជា​ភ្ញៀវ​របស់​យើង​នៅ​រាត្រី​នេះ បាន​ប៉ាន់​ប្រមាណ​ថា ពលករ​នៅ​ក្រៅ​ស្រុក​ជាង​ ១​លាន​នាក់​អាច​មិន​បាន​មក​ចុះ​ឈ្មោះ​បោះឆ្នោត​។ ទោះ​បីជា​បែប​នេះ​ក្តី អ្នក​នាំ​ពាក្យ​រូប​នេះ អះអាង​ថា មិន​មាន​វិធី​ណា​អាច​ដោះស្រាយ​បាន​ទេ​នៅ​ពេល​នេះ។

ភ្ញៀវ​ប្រចាំ​ថ្ងៃ​របស់​យើង​នៅ​រាត្រី​នេះ លោក​ គឹម សន្តិភាព ដែល​​ជា​​អនុ​រដ្ឋ​លេខា​​ធិការ និង​អ្នក​​នាំ​ពាក្យ​​របស់​ក្រសួង​​យុត្តិធម៌ ហើយ​លោក​គឺជា​​​សមាជិក​អ្នក​ច្បាប់​មួយ​រូប​ដែល​បាន​ចូល​រួម​​​​តាក់​តែង​ក្រម​​ព្រហ្ម​​ទណ្ឌ​​កម្ពុជា។ ជុំវិញ​​ករណី​អំពើ​ហិង្សា​លើ​តារា​​សម្តែង​ ពេជ្រ អាវីហ្សា ពី​​​​សំណាក់​អតី​ត​សង្សារ និង​ត្រូវ​​ប្អូន​ថ្លៃ​របស់​ឧកញ៉ា​ម្នាក់ ត្រូវបាន លោក​ គឹម សន្តិភាព បញ្ជាក់​​ថា បើទោះបី​ជា​មានការ​សម្រប​សម្រួល​ក្តី គឺ​មិនអាច​រំលត់​បណ្តឹង​អាជ្ញា បាន​​នោះ​ទេ​។ ទោះយ៉ាងនេះក្តី អ្នក​នាំពាក្យ​ក្រសួង​យុត្តិធម៌ រូប​នេះ បាន​​លើកទឹកចិត្ត​ឲ្យ​ជន​រងគ្រោះ​ គឺ​កញ្ញា ​ពេជ្រ អាវីហ្សា សហការ​ជាមួយ​សមត្ថកិច្ច​ដើម្បី​ប្រមូល​ភស្តុតាង​ឲ្យ​រឹង​មាំ​។

ក្រុមហ៊ុន​ប្រមូល​សំរាម​ ស៊ីន​ទ្រី បាន​ដាក់​កម្លាំង​កម្មករ​សរុប​ប្រមាណ​ជា​១៨០០ នាក់ នៅ​ក្នុងព្រះ​រាជ​ពិធី​បុណ្យ​អុំទូក បណ្តែត​ប្រទីប និង​សំពះ​ព្រះខែ​ អក​អំបុក ព្រម​ទាំង​ពង្រាយ​ធុង​សំរាម ចំនួន​ជាង​១០០០ ធុង និង រថយន្ត​ដឹក​សំរាម​ចំនួន​៥៦​គ្រឿង​។ លោក អ៊ិត ចាន់ដា ប្រធាន​ការិយាល័យ​អតិថិជន​ និង សំអាត នៃ​ក្រុមហ៊ុន​ស៊ីន​ទ្រី បាន​វាយ​តម្លៃ​ថា ការ​ប្រមូល​សំរាម​ពី​បរិវេណ​ប្រារព្ធ​ពិធី ក្រុម​ហ៊ុន​អាច​គ្រប់​គ្រង​បាន​ក្នុង​ការ​ប្រមូល​សំរាម​ដែល​ភាគ​ច្រើន​សំបក​ដបនិង​ថង់​ប្លា​ស្ទិក ដោយ​ចែក​ជា​២​ក្រុម​និង​ប្រើ​ពេល​អស់​ប្រមាណ​២០​ម៉ោង​ក្នុង​មួយ​ថ្ងៃ។

ចំនួន​​ប្រជាពលរដ្ឋ​​កម្ពុជា​​ដែល​អញ្ជើញ​​មក​​ទស្សនា​​ព្រះរាជ​​ពិធី​បុណ្យ​​អុំទូក​​នៅ​​ថ្ងៃ​​ទី​មួយ​​មាន​ការ​​ថយចុះ ​បើ​​ធៀប​​នឹង​​បណ្តា​ឆ្នាំ​មុនៗ​។ ​ឆ្លើយតប​​នឹង​សំណួរ​នៃ​ការ​ថយចុះ​​នេះ ​លោក​នាយ​ឧ​ត្ត​ម​​សេនីយ៍ ​គៀត ច័ន្ទ​ថា​រិ​ទ្ធ ​អគ្គស្នងការ​​រង​​និង​​​ជា​​​អ្នក​​នាំ​​ពាក្យ​​​អគ្គស្នង​ការ​​ដ្ឋាន​​​នគរ​​បាល​​​ជាតិ ​​បាន​​លើក​​ឡើង​​​ផ្ទុយ​​​ពី​​​ការ​​វិភាគ​​​របស់​​​អ្នក​​សង្កេត​ការណ៍​​​មួយ​​ចំនួន​​​ថា​ ​ការ​ថយ​ចុះ​​នេះ ​មិន​​មែន​​​មាន​​ន័យ​ថា​ ប្រជាពលរដ្ឋ​​ភ័យ​ខ្លាច​​ពី​​សុវត្ថិភាព​​នោះ​ទេ ​តែ​​គឺ​​ដោយ​​សារភាព​​រីក​ចំរើន​​នៃ​​សេដ្ឋកិច្ច​ជាតិ ​និង​​ប្រព័ន្ធ​ផ្សព្វផ្សាយ​ បាន​​ជម្រុញ​​ឲ្យ​​ប្រជាពលរដ្ឋ​​ភាគ​ច្រើន ​ជ្រើស​​រើស​យក​​ការ​ជួប​​ជុំ​គ្នា​​នៅ​តាម​​គេហដ្ឋាន ​ឬ​​ចេញ​ទៅ​​កំសាន្ត​​នៅ​​តំបន់​​នានា​វិញ​។ ​ប៉ុន្តែ​​ទន្ទឹម​គ្នា​នេះ ​លោក​​​នាយ​​ឧ​ត្ត​ម​​សេនីយ៍​​បាន​​អំពាវ​នាវ​​ឲ្យ​​ប្រជាពលរដ្ឋ​​ជឿ​ទុក​ចិត្ត​​មក​លើ​​អាជ្ញាធរ​​រាជ​រដ្ឋា​ភិ​បាល​​​ក្នុង​ការ​​ការ​ពារ​​សុវត្ថិភាព​​ក្នុង​​ព្រះរាជ​​ពិធី​បុណ្យ​​អុំ​ទូក​៣​ថ្ងៃ​នេះ ​និង​​ថា ​មិន​មាន​​មូលហេតុ​​អ្វី ​ដែល​​ប្រជាពលរដ្ឋ​​មិន​​ជឿ​ទុក​ចិត្ត​​លើ​​អាជ្ញាធរ​​នោះ​ទេ​។

ភ្ញៀវ​ប្រចាំ​ថ្ងៃ​របស់​វិទ្យុ​យើង​នៅ​យប់​នេះ គឺ​លោក តែង គន្ធី អគ្គ​លេខា​ធិការ​អាជ្ញាធរជាតិ​ប្រយុទ្ធ​ប្រឆំាង​នឹង​ជំងឺ​អេដស៍។ រយៈ​ពេល​បី​ថ្ងៃ​នៃ​ពិធី​បុណ្យ​អុំ​ទូក​នេះ អាជ្ញាធរ​ជាតិ​ប្រយុទ្ធ​ប្រឆំាង​នឹង​ជំងឺ​អេដស៍​សហការ​ជាមួយ​អង្គការ​សង្គម​ស៊ីវិល​ផ្សេង​ទៀត​បាន​រៀប​ចំ​យុទ្ធនា​ការ​​​ផ្ដល់​ជូន​ស្រោម​អនាម័យ​ដោយ​ឥត​គិត​ថ្លៃ។ ត្បិត​តែ​មិន​ទាន់​មាន​តួលេខ​នៅក្នុង​ដៃ​ពី​ចំនួន​អ្នក​មក​ទទួល​ស្រោម​អនាម័យ លោក តែង គន្ធី ទទួល​បាន​ព័ត៌មាន​ថា ទាំងយុវវ័យ​និង​មនុស្ស​ចាស់​មាន​ចំនួន​ប្រហាក់​ប្រហែល​ដែល​មក​ទទួល​ស្រោម​អនាម័យនិងបាន​ពិគ្រោះ​​យោ​បល់​​ផ្សេងៗ។ ប៉ុន្តែ​ភាគ​ច្រើន​យុវវ័យ​នៅ​មាន​ភាព​ខ្មាស​អៀន​ក្នុង​ការ​មកទទួល​ស្រោម​អនាម័យ៕

បញ្ហា​សន្តិសុខ សណ្តាប់​ធ្នាប់ នៅ​ក្នុង​ឱកាស​បុណ្យ​អុំទូក បណ្តែត​ប្រទីប និង​សំពះ​ព្រះ​ខែ អក​អំបុក ដែល​នឹង​ឈាន​ចូល​មក​ដល់​រយៈ​ពេល​ ៣​ថ្ងៃ ចាប់​ពី​ថ្ងៃ​អាទិត្យ​ទី​ ១៣​វិច្ឆិកា ខាង​មុខ គឺ​ជា​បញ្ហា​ចំបង ដែល​ទាក់​ទង​ទៅ​នឹង​សុវត្ថិភាព​អ្នក​ចូលរួម។ នាយ​ឧត្តមសេនីយ៍ គៀត ច័ន្ទថារិទ្ធ អគ្គស្នងការ​រង និង​ជា​អ្នក​នាំពាក្យ​អគ្គស្នងការ​នគរបាល​ជាតិ បាន​បញ្ជាក់​ថា​គណៈ​កម្មការ​រៀបចំ​បុណ្យ បាន​ជជែក​គ្នា​រួច​រាល់​ហើយ​ពី​វិធានការ​នានា ជា​ពិសេស​ការ​បញ្ចៀស​ហេតុ​ការណ៍​នានា ដែល​អាច​កើត​ឡើង​ជាយថាហេតុ ដែល​ប្រទេស​កម្ពុជា​ធ្លាប់​បាន​ជួប​ប្រទះ​កាល​ពី​ឆ្នាំ​២០១០ កន្លង​ទៅ។

ភ្ញៀវ​ប្រចាំថ្ងៃ​របស់​វិទ្យុ​បារាំង​អន្តរជាតិ​នៅថ្ងៃនេះ គឺ​លោក​ហេង សួរ អ្នកនាំពាក្យ​ក្រសួង​ការងារ។អ្នកនាំពាក្យ​រូបនេះ បាន​បដិសេធ​ចំពោះ​ការ​លើកឡើងថា ការអនុវត្ត​ច្បាប់​សហជីព​ក្នុង​រយៈ៦ខែ ...