ភ្ញៀវ​ប្រចាំថ្ងៃ​របស់​យើង​នៅ​រាត្រី​នេះ គឺ​លោក​យាង វណ្ឌី ដែលជា​ប្រធាន​ក្រុមព្រះ​សុរិយា។ ចាប់ពី​ថ្ងៃទី២២ដល់​ថ្ងៃទី២៤ ខែតុលា ខាងមុខនេះ ក្រុមព្រះ​សុរិយា​នឹង​រៀបចំ​កម្មវិធី​មួយ​ម៉ឺន​អាល័យ​លើក​ទី។ លោក​យាង វណ្ឌី បាន​លើកឡើងថា នៅ​ឆ្នាំនេះ កម្មវិធី​មួយ​ម៉ឺន​អាល័យ នឹងមាន​ការចាក់​បញ្ចាំ​ង​រឿង​ពី​សម័យ​ដើម​ចំនួន៣រឿង​ដែល​ទើប​រកឃើញ​នៅក្នុង​ប្រទេស​ថៃ។ លើសពីនេះទៅទៀត នៅ​ឆ្នាំនេះ ក្រុមព្រះ​សុរិយា​នឹង​អនុញ្ញាតឱ្យ​ប្រជាពលរដ្ឋ​ចូល​ទស្សនា​ខ្សែភាពយន្ត​ទាំងអស់នេះ​ដោយ​សេរី​រយៈពេល​បី​ថ្ងៃ​ជាប់​គ្នា​តែម្តង​នៅ​មជ្ឈមណ្ឌល​សហប្រតិបត្តិ​ការ​កម្ពុជា-កូរ៉េ CKCCក្នុង​បរិវេណ​សាកលវិទ្យាល័យ​ភូមិន្ទ​ភ្នំពេញ។

ភ្ញៀវ​ប្រចាំ​ថ្ងៃ​របស់​វិទ្យុ​បារាំង​អន្តរជាតិ ​RFI​ នៅ​រាត្រី​នេះ ​គឺ​លោក ​ឡឹក ​សុធារ ​បេក្ខជន​តំណាង​រាស្ត្រ​និង​ជា​អ្នក​នាំ​ពាក្យ​គណបក្ស​ប្រជាធិបតេយ្យ​មូល​ដ្ឋាន​ (​GDP​)​។ ​បើ​តាម​លោក​ ឡឹក ​សុធារ ​គណបក្ស​ប្រជាធិបតេយ្យ​មូលដ្ឋាន​ (​GDP​) ​នៅ​មិន​ទាន់​ស្ងប់​ចិត្ត​ឡើយ​ បើ​ទោះ​បី​ជា​មាន​ការ​​បំភ្លឺ​​ពី​​ ប្រធាន​គណៈកម្មការ​ព្រំដែន​កម្ពុជា ​ជុំវិញ​ការ​ចុះ​ហត្ថលេខា​លើ​កិច្ច​ព្រម​ព្រៀង​ព្រំដែន​កម្ពុជា​-​វៀតណាម ​កាល​ពី​ថ្ងៃទី ​០៥​ តុលា ​ក្តី ​និង​បាន​ស្នើ​សុំ​ឲ្យ​រដ្ឋាភិបាល​បង្ហាញ​ជា​សាធារណៈ​នូវ​ឯកសារ​​ចំនួន​​ពីរ​​នៃ​កិច្ច​ព្រម​ព្រៀង​នេះ​។​ បន្ថែម​លើ​នេះ ​គណបក្ស​ប្រជាធិបតេយ្យ​មូល​ដ្ឋាន ក៏​ទទូច​សុំ​​ឲ្យ​​រដ្ឋសភា​​កម្ពុជា​ពន្យា​ពេល​ផ្តល់​សច្ចាប័ន​លើ​សន្ធិសញ្ញា​ព្រំដែន​កម្ពុជា​-​វៀតណាម​នេះ​សិន ​ខណៈ​ដែល​កម្ពុជា​មិន​ទាន់​មាន​ឯកភាព​ជាតិ​នៅ​ឡើយ​នោះ។

នៅ​ថ្ងៃ​សុក្រ​នេះ គណៈ​រដ្ឋ​មន្ត្រី​កម្ពុជា បាន​អនុម័ត​ទាំង​ស្រុង លើ​សេចក្តី​ព្រាង​ច្បាប់​ស្តី​ពី​វិសោធន​កម្ម លើ​មាត្រា​ចំនួន​១០ នៅ​ក្នុង​ច្បាប់​ស្តី​ពី​សហ​ជីព​។ មាត្រា​ទាំង​១០ ដែល​គណៈ​រដ្ឋ​មន្ត្រី​អនុម័ត​នោះ​មាន មាត្រា​៣ មាត្រា​១៧ មាត្រា​២០ មាត្រា​២១ មាត្រា​២៧ មាត្រា​២៨ មាត្រា​២៩ មាត្រា​៥៤ មាត្រា​៥៥ និង​មាត្រា​៥៩។ លោក អាត់ ធន់ ប្រធាន​សហ​ភាព​ការងារ​កម្ពុជា​ថ្លែង​ថា​សេច​ក្តី​ព្រាង​ស្តី​ពី​វិសោធន​កម្ម​ច្បាប់​ស្តី​ពី​សហ​ជីព នឹង​មាន​វាសនា​មិន​ខុស​គ្នា​ពី​ច្បាប់​ស្តី​ពី​របប​សន្តិ​សុខ​សង្គម ដែល​រដ្ឋ​សភា​ទើប​អនុម័ត​ថ្មី ហើយ​ដែល​រង​ការ​រិះគន់​ពី​សំណាក់​សហ​ជីព និង​សង្គម​ស៊ីវិល​។

នៅ​ថ្ងៃ​ព្រហស្បតិ៍​នេះ មនុស្ស​បីនាក់​ថែម​ទៀតហើយ​ត្រូវបាន​អាជ្ញាធរ​កម្ពុជា​ចាប់ខ្លួន​តាម​ដីកា​របស់​តុលាការ​ក្រោម​បទ​ចោទ រួមគំនិត​ក្បត់។ ចំនួន​នេះ ធ្វើឱ្យ​អ្នក​ដែល​ត្រូវបាន​ចាប់ខ្លួន​ព្រោះ​គាំទ្រ​ផែនការ​ចូល​ស្រុក​របស់លោក​សម រង្ស៊ី​វិញ បាន​កើនឡើង​ជិត៤០នាក់​ហើយ។ ការចាប់ខ្លួន​នេះ ធ្វើឡើង​បន្ទាប់ពី​អតីត​ចៅសង្កាត់​បក្សប្រឆាំង​មួយរូប​បាន​ចូល​សារភាព​នៅមុខ​អាជ្ញាធរ​កាលពី​ម្សិលមិញ​ក្រោយ​រង​ការចោទប្រកាន់​ពី​តុលាការ​ក្រុងភ្នំពេញ។ លោក​ជិន ម៉ា​លីន អ្នកនាំពាក្យ​ក្រសួងយុត្តិធម៌​បាន​អះអាង​នៅក្នុង​បទសម្ភាសន៍​ជាមួយ​វណ្ណ សុគន្ធា នៅ​រាត្រី​នេះ​ថា អ្នក​ដែល​ចូល​សារភាព​អាច​នឹងត្រូវ​តុលាការ​សម្រាលទោស​ឱ្យ។ ប៉ុន្តែ​អ្នក​ដែល​ត្រូវបាន​តុលាការ​ចោទប្រកាន់​រួចហើយ គឺ អាជ្ញា​ធរមាន​សមត្ថកិច្ច​នឹង​បន្ត​តាម​ចាប់ខ្លួន ទោះ​ក្នុង​ចំនួន​ច្រើនយ៉ាង​ណាក៏ដោយ។

លោក​ឧប​នាយក​រដ្ឋ​មន្ត្រី ទៀ បាញ់ រដ្ឋ​មន្ត្រី​ក្រសួង​ការពារ​ជាតិ បាន​ថ្លែង​ថា​លោក​មិន​ចាប់​អារម្មណ៍​ពី​ការ​លើក​ឡើង​របស់​លោក សម រង្ស៊ី ប្រធាន​ស្តី​ទី​អតីត​គណ​បក្ស​សង្គ្រោះ​ជាតិ ជុំវិញ​ការ​អំពាវ​នាវ​ឲ្យ​កង​ទ័ព បែរ​ចុង​កាណុង​ប្រឆាំង​នឹង​ថ្នាក់​ដឹក​នាំ​រដ្ឋា​ភិបាល​ក្រុង​ភ្នំពេញ​បច្ចុប្បន្ន​ទេ​។ ក៏​ប៉ុន្តែ​លោក ចាត់​ទុក​ថា សកម្មភាព​របស់​លោក សម រង្ស៊ី គឺ​ជា​រដ្ឋ​ប្រហារ​។ ជាមួយ​គ្នា​នេះ លោក ទៀ បាញ់ ក៏​បាន​បញ្ជាក់​ដែរ​ថា កង​ទ័ព​បាន​ត្រៀម នឹង​ដាក់​ពង្រាយ​តាម​ព្រំដែន​កម្ពុជា​ជា​យូរ​មក​ហើយ ពោល​គឺ​តាំង​ពី​ពេល ដែល​មាន​ដីកា​តុលាការ​បញ្ជា​ឲ្យ​ចាប់​ខ្លួន​លោក សម រង្ស៊ី និង​មេដឹក​នាំ​អតីត​គណ​បក្ស​សង្គ្រោះ​ជាតិ​ម្ល៉េះ​។

កិច្ច​ប្រជុំ​រដ្ឋ​មន្ត្រី​បរិស្ថាន​អាស៊ាន​លើក​ទី១៥ ដែល​កម្ពុជា​ធ្វើ​ជា​ម្ចាស់​ផ្ទះ នៅ​ថ្ងៃ​អង្គារ​នេះ បាន​សម្រេច​របៀប​វារៈ​សំខាន់ៗ​មួយ​ចំនួន ដូច​ជា​សេចក្តី​ថ្លែង​ការណ៍​រួម​របស់​អាស៊ាន​ស្តី​ពី​ការ​ប្រែ​ប្រួល​អាកាស​ធាតុ សេចក្តី​ព្រាង​យុទ្ធ​សាស្ត្រ​បរិស្ថាន​អាស៊ាន ការ​ពង្រឹង​កិច្ច​សហ​ប្រតិ​បត្តិ​ការ​វិស័យ​បរិស្ថាន​អាស៊ាន​ផង​ដែរ​។ នេះ​បើ​តាម លោក នេត្រ ភក្ត្រា អ្នក​នាំ​ពាក្យ​ក្រសួង​បរិស្ថាន​កម្ពុជា។ ក្រៅ​ពី​នេះ កិច្ច​ប្រជុំ​ក៏​បាន​លើក​ឡើង​ពី​ការ​ទប់​ស្កាត់​លំហូរ​កាក​សំណល់​ប្លាស្ទិក​ពី​បរទេស និង​បញ្ហា​ផ្សែង​អ័ព្ទ​ឆ្លង​ដែន​ផង​ដែរ​។

អង្គការ សមាគម និង​សហជីព​ចំនួន ៥៤ស្ថាប័ន នៅថ្ងៃចន្ទ​នេះ​បាន​ចេញ​សេចក្តី​ថ្លែង​ការណ៍រួមមួយ​ដោយ​សំដែង​ការ​ខក​ចិត្ត​យ៉ាង​ខ្លាំង ចំពោះ​សេចក្តី​ប្រកាស​ស្ដី​អំពី "ការ​អនុញ្ញាត​ឡើង​វិញ​នៃ​សកម្មភាព​ស្វ័យ​និយោជន៍​ដោយ​ជន​បរទេស​"។ លោក វន់ ពៅ ប្រធាន​សមាគម​ប្រជា​ធិបតេយ្យ​ឯករាជ្យ​នៃ​សេដ្ឋ​កិច្ច​ក្រៅ​ប្រព័ន្ធ ជា​ស្ថាប័ន​មួយ​ក្នុង​ចំណោម​នោះ បាន​អះអាង ការ​ធ្វើ​បែប​នេះ​មិន​មែន​ជា​ការ​ទាក់​ទាញ​ការ​វិនិយោគ​បរទេស​ទេ តែ​បាន​បង្ក​ផល​ប៉ះពាល់​យ៉ាង​ធ្ងន់​ធ្ងរ​ដល់​កម្មករ និង​ប្រជា​ពលរដ្ឋ​កម្ពុជា​ដែល​កំពុង​ប្រកប​មុខ​របរ​វិស័យ​សេដ្ឋកិច្ច​ក្រៅ​ប្រព័ន្ធ​។ ប្រតិកម្ម​នេះ​គឺបន្ទាប់ពី​ក្រសួងការងារ​កាលពី​ម្សិលមិញ​បានចេញ​ប្រកាស​ឲ្យ​ជនបរទេស​អាចប្រកប​របរ​ស្វ័យ​និយោជន៍​ឡើង​វិញ​ក្រោយ​ពី​ក្រ​សួងការងារ​បាន​ហាម​ឃាត់​កាល​ពី​ជាង​មួយ​ខែ​មុន​។

ភ្ញៀវ​ប្រចាំថ្ងៃ​របស់​វិទ្យុ​បារាំង​អន្តរជាតិ ​RFI ​នៅ​រាត្រី​នេះ ​គឺ​លោក​ ហេង ​សួរ​ រដ្ឋ​លេខាធិការ​និង​ជា​អ្ន​ក​នាំ​ពាក្យ​ក្រសួង​ការងារ ​និង​បណ្តុះ​បណ្តាល​វិជ្ជាជីវៈ​។ ​លោក​ ហេង​ សួរ​ នឹ​ង​ចូល​ខ្លួន​មក​ពន្យល់​បន្ថែម​ពី​មូលហេតុ​ដែល​នាំ​ទៅ​ដល់​ការ​សម្រេច​ចិត្ត​របស់​ក្រសួង​ការងារ ​ដែល​បាន​អនុញ្ញាត​ឲ្យ​ជន​បរទេស​នៅ​កម្ពុជា​ អាច​ប្រកប​មុខ​របរ ​ឬ​ធ្វើ​ការ​ធម្មតា​នៅ​កម្ពុជា​ឡើង​វិញ​។ ​បើ​តាម​លោក​ ហេង​ សួរ ​សេចក្តី​សម្រេច​នេះ ​គឺ​ធ្វើ​ឡើង​តប​តាម​ការ​សំណូម​ពរ​ពី​ខាង​វិស័យ​ឯកជន​ ដែល​កំពុង​ខ្វះខា​ត​កម្លាំង​ពលកម្ម​ជំនាញ​នៃ​ជន​បរ​ទេស​ និង​ម្យ៉ាង​ទៀត​ គឺ​ដើម្បី​រក្សា​ការ​ទាក់​ទាញ​វិនិយោគិន​បរទេសនៅ​កម្ពុជា​ផង​ដែរ​។

ភ្ញៀវ​ប្រចាំ​ថ្ងៃ​របស់​វិទ្យុ​បារាំង​អន្តរជាតិ ​RFI​ នៅ​រាត្រី​នេះ ​គឺ​លោកស្រី ​សូ ​ភីណា ​អ្នក​និពន្ធ​និង​ជា​អ្នក​រៀបចំ​ «​មហោ​ស្រព​អក្សរ​សិល្ប៍​ខ្មែរ​លើក​ទី​០៣​» ​ចាប់​ពី​ថ្ងៃទី ​១១​ ដល់​ថ្ងៃទី ​១៣ ​ខែ​តុលាខា​ងមុខ​នេះ។​ មហោស្រព​នេះ ​នឹង​រៀប​ចំ​ធ្វើ​ឡើង​ នៅ​មជ្ឈ​មណ្ឌល​សោទស្សន៍​បុប្ឆា​ណា ​និ​ង​បណ្តា​ល័យ​ជាតិ​។ ​អ្នក​និពន្ធ​និង​ជា​អ្នក​រៀប​ចំ ​«​មហោ​ស្រព​អក្សរ​សិល្ប៍​ខ្មែរ​លើក​ទី​០៣​» ​នេះ ​លោក​ស្រី ​សូ ភីណា ​បាន​ថ្លែង​ថា ​«​មហោ​ស្រព​អក្សរ​សិល្ប៍​ខ្មែរ​លើក​ទី​០៣​» ​នេះ ​គឺ​ជា​ឱកាស​ថ្មី​នៃកា​រ​ជួបជុំ​របស់​អ្នក​និពន្ធ ​និង​អ្នក​អាន​នៅ​កម្ពុជា​ ដើម្បី​បង្ហា​ញ​ពី​ស្នា​ដៃ​ថ្មីៗ​របស់​ខ្លួន​។

ភ្ញៀវ​ប្រចាំ​ថ្ងៃ​របស់​វិទ្យុ​បារាំង​អន្ដរជាតិ​នា​ពេល​នេះ គឺ​លោក គឹម ហ៊ាង ប្រធាន​ក្រុមហ៊ុន​ខ្មែរ​រៀល​អ៊ីស្ទែត និង​ជា​ប្រធាន​សមាគម​អ្នក​វាយ​តម្លៃ​និង​ភ្នាក់ងារ​អចលនវត្ថុ​កម្ពុជា។ ក្រុម​ហ៊ុន​អចលនៈទ្រព្យ​ដែលបានរៀបចំពិព័រណ៍​អចលន​ទ្រព្យ​កម្ពុជាលើកទី៤ ​ នៅ​ថ្ងៃទី៤​ខែតុលានេះ ដោយបាន​ដាក់​បង្ហាញ​គម្រោងជាច្រើន ដូចជា ​ខុនដូ បុរី និង​ការ​អភិវឌ្ឍ​វិស័យសំណង់ចម្រុះ​នៅ​កម្ពុជាដែលភាគច្រើនជាគម្រោង​ធំៗរបស់ថៅកែចិន។ បើតាម​លោក គឹម ហ៊ាង ការចាកចេញ​របស់ជនជាតិចិន​ជាច្រើន​នាក់ ក្រោយ​រដ្ឋាភិបាល​កម្ពុជា​បិទ​ល្បែង​អនឡាញ គឺ​ប៉ះពាល់​ខ្លះ​ដល់​ការ​លូតលាស់​នៃ​វិស័យ​អចលនៈទ្រព្យ​នៅកម្ពុជា។