ក្រសួង​ព័ត៌មាន​នៅ​ព្រឹក​ថ្ងៃ​ទី​១៦​ខែ​សីហា​នេះ ​បាន​បើក​កិច្ច​ពិគ្រោះ​យោបល់​ជាមួយ​នឹង តំណាង​សមាគម​អ្នក​សារព័ត៌មាន​នានា ​ដើម្បី​រិះរក​លទ្ធភាព​ធ្វើ​វិសោធនកម្ម​ច្បាប់​ស្តី​ពី​របប​សារព័ត៌មាន ​ដែល​មាន​អាយុ​ជាង​២០​ឆ្នាំ​កន្លង​មក​។ ​លោក​ អ៊ុក គឹម​សេង ​អ្នក​នាំពាក្យ​ក្រសួង​ព័ត៌មាន ​បាន​ថ្លែង​ថា ​ការ​សើរើ​ច្បាប់​ស្តី​ពី​របប​សារព័ត៌មាន​យក​មក​កែប្រែ​នា​ពេលនេះ ​បាន​ធ្វើ​ឡើង​ស្រប​ទៅតាម​ការវិវត្ត​រ​បស់​បច្ចេកវិទ្យា ​និង​សង្គម ​ក៏​ប៉ុន្តែ​គម្រោង​នេះ​នឹង​មិន​ធ្វើ​ឲ្យ​ប៉ះពាល់​ដល់​សេរីភាព​សារព័ត៌មាន ​និង​ស្រប​ទៅតាម​រដ្ឋធម្មនុញ្ញ​ ដែលជា​ច្បាប់​កំពូល​របស់​ជាតិ​។

ស្រប​ពេល​ដែល​លោក​សួន សេរីរដ្ឋា ត្រូវ​បាន​តុលាការ​ចោទ​ប្រកាន់ និង​ឃុំ​ខ្លួន​នៅ​ក្នុង​ពន្ធនាគារ​នោះ គណបក្ស​អំណាច​ខ្មែរ​របស់​លោក​ក៏​មិន​អាច​ដើរ​ទៅ​មុខ​បាន​ជា​ធម្មតា​ដែរ បើ​ទោះ​បី​ក្បាល​ម៉ាស៊ីន​ដឹក​នាំ​បក្ស​ត្រូវ​ផ្លាស់​ប្តូរ​ភ្លាមៗ​ដើម្បី​កាច់​ចង្កូត​គេច​ពី​ច្បាប់​ថ្មី​ក៏​ដោយ។ តាំង​ពី​អាជ្ញាធរ​ចាប់​ខ្លួន​លោក​សួន សេរីរដ្ឋា​មក ទីស្នាក់​គណបក្ស​អំណាច​ខ្មែរ​ត្រូវ​បាន​អាជ្ញាធរ​គ្រប់​គ្រង ហើយ​នៅ​ព្រឹក​មិញ​នេះ​ទៀត​សោត អាជ្ញាធរ​ក៏​បាន​ចុះ​ទៅ​ឆែក​ឆេរ​ថែម​ទៀត។ ជុំវិញ​រឿង​រ៉ាវ​នេះ វណ្ណ​ សុគន្ធា បាន​ជួប​សម្ភាសន៍​ដោយ​ផ្ទាល់​ជាមួយ​លោក​ទេព វិរៈ ដែល​ជា​អ្នក​នាំ​ពាក្យ​គណបក្ស​អំណាច​ខ្មែរ។

នៅ​បាំង​តែ​មួយ​សប្ដាហ៍​ទេ ការ​ប្រឡង​សញ្ញា​បត្រ​មធ្យម​សិក្សា​ទុតិយ​ភូមិ ឬ​បាក់​ឌុប​នឹងចាប់​ផ្ដើម​នៅ​ថ្ងៃ​ទី​២១​សីហា។ ក្នុង​នោះ​សិស្ស​ប្រមាណ​ជា​១០​ម៉ឺន​នាក់​បាន​ចូល​រួម​ប្រឡ​ង នៅ​ក្នុង​មណ្ឌល​ប្រឡង​១៧៣​កន្លែង​នៅ​ទូទាំ​ប្រទេស។ លោក ហង្ស ជួនណារ៉ុន ដែល​ជា​ភ្ញៀវ​ប្រចាំ​ថ្ងៃ​របស់​វិទ្យុ​យើង​នៅ​យប់​នេះ បាន​គូស​បញ្ជាក់​ថា ក្រសួង​បាន​ត្រៀម​ខ្លួន​រួច​រាល់​អស់​ហើយ សម្រាប់​ការ​ប្រឡង​នា​សម័យ​កំណែ​ទម្រង់​ឆ្នាំ​ទី​៤​នេះ។ លោក​រដ្ឋមន្ត្រី​​ក្រសួង​អប់​រំ​រូប​នេះ​បាន​ផ្ដាំ​ទៅ​សិស្ស​ត្រៀម​ប្រឡង​គឺ កុំខ្លាច តែត្រូវខំ។

លោក ផៃ ស៊ីផាន អ្នក​នាំ​ពាក្យ​ទីស្តី​ការ​គណៈ​រដ្ឋ​មន្រ្តី ដែល​កំពុង​ឈរ​ជើង​នៅ​តំបន់​ប្រឈម​មុខ​ដាក់​គ្នា រវាង​កង​ទ័ព​កម្ពុជា-ឡាវ បាន​បញ្ជាក់​ប្រាប់​វិទ្យុ​បារាំង​អន្តរជាតិ RFI ថា រហូត​មក​ទល់​ពេល​នេះ ...

ភ្ញៀវ​ប្រចាំ​ថ្ងៃ​របស់​វិទ្យុ​បារាំង​អន្តរជាតិ​នៅ​ថ្ងៃ​ទី​១១ ខែ​សីហា​នេះ​ គឺ​លោក​បណ្ឌិត​សុខ ទូច ជា​សាកល​វិទ្យាធិការ​នៃ​សាកល​វិទ្យាល័យ​ខេមរៈ ដែល​ត្រូវ​បាន​តែង​តាំង​ជា ប្រធាន​រាជ​បណ្ឌិត្យ​សភា​កម្ពុជា ជំនួស​លោក​ស្រី​បណ្ឌិត​សភាចារ្យ​ខ្លូត ធីតា។ ប្រធាន​ថ្មី​នៃ​រាជ​បណ្ឌិត្យ​សភា​កម្ពុជា នឹង​លើក​យក​ការងារ​៣​សំខាន់ៗ មក​សិក្សា​ស្រាវជ្រាវ​ក្នុង​ការ​កែ​ទម្រង់ គឺ​បញ្ហា​កសិកម្ម បញ្ហា​មីក្រូ​ហិរញ្ញវត្ថុ និង​បញ្ហា​ព្រំដែន។ លោក​បន្ថែម​ថា​លោក​សុំ​តែ​រយៈ​ពេល​២​ឆ្នាំ​ប៉ុណ្ណោះ ដើម្បី​ធ្វើ​ការងារ​មួយ​ចំនួន ដែល​លោក​បាន​ដាក់​ជា​អាទិភាព​នៅ​ក្នុង​រាជ​បណ្ឌិត្យ​សភា​កម្ពុជា។ លោក​បញ្ជាក់​ថា​បើ​ធ្វើ​មិន​បាន​ក្នុង​រយៈ​ពេល​២​ឆ្នាំ នោះ​លោក​នឹង​ដាក់​ពាក្យ​ឈប់។

ភ្ញៀវ​ប្រចាំ​ថ្ងៃ​របស់​វិទ្យុ​បារាំង​អន្តរជាតិ RFI នៅ​រាត្រី​នេះ គឺ​លោក អេង ម៉េងអ៊ី ប្រធាន​ផ្នែក​ព័ត៌មាន​នៃ​អង្គការ​សមាគម​អភិរក្ស​សត្វ​ព្រៃ ហៅ​កាត់​ថា (WCS) ។ កាល​ពី​ថ្ងៃ​ទី ២ សីហា កន្លង​ទៅ​នេះ សមាគម​អភិរក្ស​សត្វ​ព្រៃ (WCS) បាន​ប្រកាស​ពី​ការ​រក​ឃើញ​នូវ​សំបុក​សត្វ​ត្រយ៉ង​យក្ស​ចំនួន​១៩​សំបុក​នៅ​ឯ​តំបន់​ខ្ពង់​រាប​ភាគ​ខាង​ជើង​ប្រទេស​កម្ពុជា។ ការ​រក​ឃើញ​នេះ បង្ហាញ​ថា គឺ​ជា​ជោគ​ជ័យ​នៃ​បេសកកម្ម​ការងារ​អភិរក្ស​លើ​សត្វ​ព្រៃ ដែល​ជា​ប្រភេទ​សត្វ​កម្រ និង​ជិត​ផុត​ពូជ​បំផុត​នៅ​ក្នុង​ប្រទេស​កម្ពុជា។

លោក អេង ម៉េងអ៊ី បាន​លើក​ឡើង​ថា ក្នុង​រយៈ​ពេល​ជិត​២០​ឆ្នាំ​មក​នេះ អង្គការ​នេះ​បាន​ជួយ​អភិរក្ស​សត្វ​ព្រៃ​ជា​ច្រើន​នៅ​កម្ពុជា ជា​ពិសេស​គឺ​សត្វ​ព្រៃ​ដែល​ប្រឈម​នឹង​ជិត​ផុត​ពូជ។

នៅ​ថ្ងៃ​ទី​៩​ខែ​សីហា​នេះ ​គឺ​ជា​ថ្ងៃ​ឱសានវាទ​ដែល​អាជ្ញាធរ​ជាតិ​អប្សរា​និង​សាលា​ខេត្ត​សៀមរាប​ កំណត់​ឲ្យ​ប្រជាជន​ដែល​បាន​ចូល​ទៅ​សាងសង់​សំណង់​ខុស​ច្បាប់​នៅ​តំបន់​អង្គរ​កន្លង​មក​ត្រូវ​ស្ម័គ្រចិត្ត​រុះរើ​ដោយ​ខ្លួន​ឯង​។​ បើ​មិន​ព្រម​រុះរើ​ទេ ​អាជ្ញាធរ​នឹង​ធ្វើ​ការ​រុះរើ​ដោយ​មិន​យោគយល់​នៅ​ថ្ងៃ​ទី​១០​សីហា​ស្អែក​។ ​ដោយ​មិនមាន​ការ​បញ្ជាក់​អ្វី​ពី​សមត្ថកិច្ច​នៅ​ថ្ងៃ​នេះ ​លោក ​សរ ​វណ្ណា​រ៉ា ​មន្ត្រី​សម្របសម្រួល​អង្គការ​ការពា​រ​សិទ្ធិ​មនុស្ស​លីកាដូ​ប្រចាំ​ខេត្ត​សៀមរាប ​បាន​លើក​ឡើងថា​ប្រជាជន​បាន​បង្ហាញ​ជំហរ​រួច​ហើយ​ថា​ពួក​គាត់​មិន​រុះរើ​ទេ ​ដោយសារ​ប្រជាជន​ទាំងនោះ​មាន​ការ​ខាត​បង់​បន្ទាប់​ពី​ខ្ចី​បុល​គេ​មក​ទិញ​សម្ភារៈ​សំណង់ ​ដើម្បី​សាងសង់ ​ដោយ​មិន​មាន​ការហាម​ឃាត់​ពី​ដំបូង​។

ខណៈ​កំពុង​បំពេញ​ទស្សនកិច្ច​ជា​ផ្លូវការ​នៅក្នុង​ប្រទេស​ជប៉ុន ថ្នាក់ដឹកនាំ​កម្ពុជា និង​ជប៉ុន​បានបង្ហាញ​ភាព​ស្និត​ស្នាល​ផ្អែម​ល្ហែម​នឹង​គ្នា​កម្រ​បាន​ជួប រហូតដល់​នាយករដ្ឋមន្ត្រី​ជប៉ុន​ធ្វើ​ខួបកំណើត​ដល់​នាយករដ្ឋមន្ត្រី​កម្ពុជា​ផង។ លោក​សូ ចន្ថា សាស្ត្រាចារ្យ​ផ្នែក​វិទ្យាសាស្ត្រ​នយោបាយ​ដែលជា​ភ្ញៀវ​របស់​យើង​នៅ​រាត្រី​នេះ បាន​លើកឡើងថា រូបភាព​ផ្អែម​ល្ហែមរ​វាង​មេដឹកនាំ​ទាំងពីរ​នេះ គឺ​បង្ហាញ​ពី​ចំណង​ការទូត​ដ៏​ស្អិតរ​មួ​តនៃ​ប្រទេស​ទាំងពីរ ហើយ​អាច​និយាយ​បន្ថែមទៀត​បាន​ថា ជប៉ុន​កំពុង​ចង់​ពង្រីក​ឥទ្ធិពល​របស់ខ្លួន​នៅ​កម្ពុជា​ដែលជា​ប្រជែង​ជាមួយនឹង​មហា​យក្ស​ចិន។ តទៅ​នេះ សូម​ស្ដាប់​បទសម្ភាសន៍​រវាង​វណ្ណ សុគន្ធា និង​លោក​សូ ចន្ថា៖

ភ្ញៀវ​ប្រចាំ​ថ្ងៃ​របស់​វិទ្យុ​បារាំង​ នៅ​ថ្ងៃ​ចន្ទ​នេះ ​គឺ​លោក សន ជ័យ ​នាយក​អង្គការ​ សម្ព័ន្ធ​គណនេយ្យ​ភាព​សង្គម​កម្ពុជា ហៅ​កាត់​ថា​ អានសា ​(ANSA)​។​ ឆ្លើយ​តប​ទៅ​នឹង​ការ​អំពាវ​នាវ​របស់​ប្រមុខ​រដ្ឋាភិបាល​កម្ពុជា ឲ្យ​ក្រសួង​៣ ពិនិត្យ​លើ​ការ​អនុវត្ត​ច្បាប់​ពន្ធ លើ​ប្រាក់​បៀវត្សរិ៍​ចំពោះ​បុគ្គលិក​អង្គការ​ក្រៅ​រដ្ឋា​ភិបាល កាល​ពី​ថ្ងៃ​សុក្រ​កន្លង​ទៅ​នេះ លោក សន ជ័យ នាយក​អង្គការ​ សម្ព័ន្ធ​គណនេយ្យ​ភាព​សង្គម​កម្ពុជា​បាន​ចាត់​ទុក​ថា ការ​ត្រួត​ពិនិត្យ គួរ​តែ​ធ្វើ​ឡើង​ដោយ​ស្មើ​ភាព​គ្នា និង​គ្រប់​សហគ្រាស​ទាំង​អស់ ពោល​គឺ មិន​គួរ​ដៅ​លើ​តែ​បុគ្គលិក​អង្គការ​ក្រៅ​រដ្ឋាភិបាល​នោះ​ទេ។ យ៉ាង​ណា​ក៏​ដោយ លោក សន ជ័យ បាន​ចាត់​ទុក​ថា ការ​បង់​ពន្ធ គឺ​ជា​កាតព្វកិច្ច​របស់​យើង​ម្នាក់ៗ ដើម្បី​ចូល​រួម​អភិវឌ្ឍន៍​ប្រទេស។

ភ្ញៀវ​ប្រចាំ​ថ្ងៃ​របស់​វិទ្យុ​បារាំង​នៅ​យប់​នេះគឺ លោក ម៉ម សូណង់ដូ ប្រធាន​វិទ្យុ​សំបុក​ឃ្មុំ។ លោក ម៉ម សូណង់ដូ បាន​លា​លែង​ពី​តំណែង​ប្រធាន​គណបក្ស​សំបុក​ឃ្មុំ​កាល​ពី​ថ្ងៃ​ទី​៤​សីហា។ លោក ម៉ម សូណង់ដូ បាន​ពន្យល់​ពី​មូល​ហេតុ​នៃ​ការ​លាលែង​នេះ ដោយសារពលរដ្ឋ​រើស​ទិស​ដៅ​ខុស​សម្រាប់​អនាគត​ខ្លួន​ឯង។ តែ​យ៉ាង​ណា​ក៏​ដោយ​លោក​បាន​សង្កត់​ធ្ងន់​ថា ជីវិត​នយោបាយ​លោក​មិន​បាន​បញ្ចប់​ត្រឹម​នេះ​ឡើយ។