ភ្ញៀវ​ប្រចាំ​ថ្ងៃ​របស់​វិទ្យុ​យើង​នៅ​ថ្ងៃ​អង្គារ​ទី១៨ កក្កដា​នេះ​គឺ​កញ្ញាសឹង សុផារី អ្នក​នាំ​ពាក្យ​ក្រសួង​ពាណិជ្ជ​កម្ម ។ ឆ្លើយ​តប​នឹង​សំនួរ​របស់ សឿង ភារៈ កញ្ញា​សឹង សុផារី​លើក​ឡើង​ថា​រដ្ឋាភិបាល​មិន​អាច​អន្តរាគម​ក្នុង​រូប​ភាព​យក​លុយ​ទៅ​ទិញ​កសិផល​ដែល​ធ្លាក់​ថ្លៃ​ទេ​ ព្រោះ​រដ្ឋាភិបាល​មិន​អាច​ដើរ​តួ​ជា​វិស័យ​ឯក​ជន ឬ​ជា​អ្នក​ទិញ​ទេ​។ កញ្ញា​បន្ថែម​ថា​ក្នុង​អំឡុង​ពេល​នេះ​កម្ពុជា​នឹង​ជួប​ប្រទះ​បញ្ហា​ធ្លាក់​ថ្លៃ​កសិផល​ដដែលៗ​ទៀត ប៉ុន្តែ​មិនមែន​មាន​ន័យ​ថា​រដ្ឋាភិបាល​គ្មាន​លទ្ធភាព​ទប់​ទល់​ទេ​។

ភ្ញៀវ​​ប្រចាំ​ថ្ងៃ​​របស់​​វិទ្យុ​​បារាំង​​អន្តរជាតិ ​RFI​ នៅ​​រាត្រី​​នេះ ​គឺ​​លោកស្រី ​មួរ ​សុខ​ហួរ ​អនុ​ប្រធាន​​គណបក្ស​​ស​ង្គ្រោះ​​ជាតិ​។ ​លោក​ស្រី​ មួរ ​សុខ​ហួរ ...

ភ្ញៀវ​ប្រចាំ​ថ្ងៃ​របស់​វិទ្យុ​បារាំង​យប់​នេះ​គឺ លោក ប្រាក់ សុណ្ណរ៉ា អគ្គ​នាយក​អាជ្ញាធរ​បេតិ​កភណ្ឌ​នៃ​ក្រសួង​វប្បធម៌ និង​ជា​សមាជិក​នៃ​គណៈ​កម្ម​ការ​អន្តរ​ក្រសួង ដើម្បី​រៀបចំ​ពិធី​អប​អរ​សាទរ ...

រដ្ឋាភិបាល​គ្រោង​បង្កើន​ថវិកា​សម្រាប់​វិស័យ​អប់​រំ​ក្នុង​ឆ្នាំ​២០១៨ ឲ្យ​ដល់​៧៣០​លាន ដុល្លារ។ ការ​បង្កើន​ថវិកា​នេះ​ផ្ដោត​សំខាន់​ទៅ​លើ​គ្រូ​បង្រៀន និង​សាលា​រៀន។ សម្រាប់រដ្ឋាភិបាល​ថវិកា​ប៉ុណ្ណេះ​គឺ​រដ្ឋ​បាន​ចំណាយ​ប្រហាក់​ប្រហែល នឹង​ប្រទេស​មួយ​ចំនួន​នៅក្នុង​តំបន់​ហើយ។ ទន្ទឹម​នឹង​នេះ អង្គការ​សង្គម​ស៊ីវិល​ធ្វើ​ការ​ពាក់​ព័ន្ធ​លើ​វិស័យ​អប់​រំ​បានសាទរ​ចំពោះ​ការ​បង្កើន​នេះ តែ​ពួក​គេ​នៅ​បារម្ភ​ពី​ប្រសិទ្ធ​ភាព​នៃ​ការ​ចំណាយ​របស់ក្រសួង​អប់រំ។

ភ្ញៀវ​ប្រចាំថ្ងៃ​របស់​វិទ្យុ​បារាំង​អន្តរជាតិ RFI នៅ​រាត្រី​នេះ គឺ​លោក​ព្រឹទ្ធាចារ្យ លឺ ឡាយស្រេង អតីតមន្ត្រី​ជាន់ខ្ពស់​គ​ណ​បក្ស​ហ្វ៊ុនស៊ិនប៉ិច។

លោក លឺ ឡាយស្រេង នៅ​ថ្ងៃទី ១៥ កក្កដា ...

ភ្ញៀវ​ប្រចាំ​ថ្ងៃ​របស់​វិទ្យុ​យើង​នៅ​ថ្ងៃ​សុក្រទី​១៤ កក្កដានេះគឺ​លោក ​ច័ន្ទ​ សុផល​ អ្នក​សេដ្ឋកិច្ច​ឯក​រាជ្យ និង​ជានាយក​មជ្ឈមណ្ឌល​សិក្សា​គោល​នយោបាយ។ ឆ្លើយ​តប​នឹង​សំនួរ​របស់ សឿង ភារៈ លោក​ ច័ន្ទ សុផល បាន​កត់​សម្គាល់​​ថា កសិផល​របស់​ប្រជាកសិករ​មួយ​ចំនួន​ធំ​អាច​នឹង​ជួប​បញ្ហា​ពិបាក ប៉ុន្តែ​តម្លៃ​ស្រូវ​អាច​ងើប​ឡើង​វិញ។ លោក​បន្ត​ថា​ប្រសិន​បើ​តម្លៃ​កសិផល​នៅ​តែ​បន្ត​ធ្លាក់​ថ្លៃ នោះ​នឹង​ធ្វើ​ឲ្យ​ប៉ះ​ពាល់​ធ្ងន់​ធ្ងរ ដល់​សេដ្ឋកិច្ច​កម្ពុជា ព្រោះ​ប្រជាពលរដ្ឋ​កម្ពុជា​ភាគ​ច្រើន​ប្រកប​របរ​កសិកម្ម ហើយ​ខ្ចី​លុយ​ពី​ធនាគារ​ធ្វើ​ដើម។

សហគមន៍​ជនជាតិ​ដើម​ភាគ​តិច​ចំនួន​២​ភូមិ ​គឺ​ភូមិ​ស្រែ​គរ ​និង​ភូមិ​ក្បាល​រមាស ​នៃ​ខេត្ត​ស្ទឹងត្រែង ​សរុប​១៤០​ខ្នង​ផ្ទះ ​និង​មាន​មនុស្ស​ចំនួន​៧០០​នាក់​រស់នៅ ​បាន​សម្តែង​ការ​ព្រួយ​បារម្ភ ...

ភ្ញៀវ​ប្រចាំ​ថ្ងៃ​របស់​វិទ្យុ​បារាំង​អន្តរជាតិ RFI នៅ​រាត្រី​នេះ គឺ​លោក ឡុង កុសល អ្នក​នាំ​ពាក្យ​អាជ្ញាធរ​ជាតិ​អប្សរា។ អាជ្ញាធរ​ជាតិ​អប្សរា បាន​ព្រមាន​ពី​ការ​ប្រើ យុទ្ធនាការ​ក្តៅ រុះរើ​សំណង់​ខុស​ច្បាប់​ក្នុង​តំបន់​រមណីយដ្ឋាន​អង្គរ ដែល​គ្រោង​នឹង​ធ្វើ​ចាប់​ពី​សប្តាហ៍​ទី​៣​នៃ​ខែ​កក្កដា​ខាង​មុខ​នេះ។ បើ​តាម​លោក ឡុង កុសល ដែល​ជា​ភ្ញៀវ​របស់​វិទ្យុ​បារាំង​នៅ​រាត្រី​នេះ ថា បើ​អាជ្ញាធរ​មិន​ចាត់​វិធាន​ការ​រុះ​រើ​សំណង់​ដែល​អាជ្ញាធរ​ចាត់​ទុក​ថា ខុស​ច្បាប់ ដែល​សាង​សង់​ឡើង​ក្នុង​ពេល​ឃោសនា​បោះ​ឆ្នោត​ឃុំ​សង្កាត់​កន្លង​ទៅ​ជាង​៥០០​នោះ នោះ​ប្រាសាទ​អង្គរ​វត្ត នឹង​ប្រឈម​នឹង​ការ​ដក​ចេញ​ពី​បញ្ជី​បេតិកភណ្ឌ​ពិភព​លោក​របស់​អង្គការ​យូណេស្កូ នា​ថ្ងៃ​អនាគត។

ភ្ញៀវ​ប្រចាំថ្ងៃ​របស់​យើង​នៅ​រាត្រី​នេះ គឺ​លោកស្រី ជូ ប៊ុន​អេង រដ្ឋលេខាធិការ​ក្រសួងមហាផ្ទៃ និង​ជា​អនុប្រធាន​អចិន្ត្រៃយ៍​គណៈកម្មាធិការ​ជាតិ​ប្រយុទ្ធប្រឆាំង​ការជួញដូរ​មនុស្ស។ ឆ្លើយតប​នឹង​សំណួរ​របស់​វណ្ណ សុគន្ធា លោកស្រី​ជូ ប៊ុន​អេង បាន​អះអាងថា ការបង្ក្រាប​ការជួញដូរ​មនុស្ស​នៅក្នុង​ឆមាស​ទីមួយ​ឆ្នាំ២០១៧នេះ មាន​ចំនួន៦៦ករណី គឺ​បាន​កើនឡើង​ជាង​ទ្វេដង​បើ​ប្រៀបធៀប​នឹង​រយៈពេល​ដូចគ្នា​កាលពី​ឆ្នាំ២០១។ ត សូម​ស្ដាប់​សម្ភាសន៍​ទាំងស្រុង​រវាង​វណ្ណ សុគន្ធា និង​លោកស្រី​ជូ ប៊ុន​អេង ដូចតទៅ៖

ភ្ញៀវ​​​ប្រចាំថ្ងៃ​​​របស់​​​វិទ្យុ​​បារាំង​​អន្តរជាតិ ​RFI នៅ​រាត្រី​នេះ គឺ​លោក ថៃ ន​រៈសត្យា អ្នក​នាំ​ពាក្យ​​ក្រសួង​វប្បធម៌ និង​វិចិត្រសិល្បៈ។ បន្ទាប់ពី​ប្រាសាទសំបូរព្រៃគុក ស្ថិតនៅក្នុង​ខេត្ត​កំពង់ធំ ​ត្រូវបាន​ចុះបញ្ជីរ​ជា​សម្បត្តិ​បេតិកភណ្ឌ​ពិភពលោក នៅក្នុង​ប្រជុំ​លើក​ទី៤១ នាទី​ក្រុង​ Krakow ប្រទេស​ប៉ូឡូញ កាលពី​ថ្ងៃទី ៨ ខែ កក្កដា ឆ្នាំ២០១៧នេះ នៅ​ព្រឹក​មិញ​នេះ រដ្ឋាភិបាល​កម្ពុជា​បាន​អំពាវនាវ​ឲ្យ​ប្រជាពលរដ្ឋ និង​ស្ថាប័នរដ្ឋ​ទាំង២៥រាជធានី​ខេត្ត វាយ​គង ទូងស្គ ទះ​ប៉ោត ព្រមៗគ្នា នៅវេលា​ម៉ោង១០ ព្រឹក ថ្ងៃទី១០ កក្កដា​នេះ។ ទន្ទឹមគ្នានេះ អ្នកនាំពាក្យ​ក្រសួង​វប្បធម៌ និង​វិចិត្រសិល្បៈ លោក ថៃ ន​រៈ​សត្យា បាន​បញ្ជាក់ថា រដ្ឋា​ភិ​បាល​​នឹងធ្វើ​ពិធី​កាន់តែ​ធំ​ជាង​នេះ​នៅ​មជ្ឈមណ្ឌល​កោះ​ពេជ្រ ដើម្បី​អបអរសាទរ ថ្ងៃ​ដែល​រដ្ឋាភិបាល​កម្ពុជា​បាន​ចាត់ទុកថា ជា​ទំព័រ​ប្រវត្តិសាស្ត្រ​ថ្មី​នេះ។