Mathys Roets kom deel 'n paar hoofstukke uit sy lewensverhaal en vertel van 'n opwindende vertoning by die Atterbury Teater.

Soné Joubert "the comeback kid" van The Voice SA 2019, stel die nuwe liedjie 'Meisie van Follow The Sun' uit haar eie pen bekend.

Een van SterStatus se hoofdoelle is om vrouebemagtiging te bevorder, maar ook om jong vroue 'n voet in die deur in die vermaaklikheidsbedryf te gee. Hierdie jaar se algehele wenner, Larissa Bester en liefdadigheidswenner, Lané Bronkhorst gesels met Francois oor hulle ondervinding as deelnemers wat as wenners uit die styd getree het. Asook hulle toekomsplanne vir die pad vorentoe.

Bekende televisie- en radiopersoonlikheid Rian van Heerden gesels met Francois oor die 'Wie Word 'n Miljoenêr' reeks op kykNET.

Die Atterbury Kollig val op die jaar se 10de Atterbury Klavierkompetisie en algehele wenner, Gerhard Joubert. Met spesiale insette deur die organiseerder Danita Meiring en beoordelaar, doktor Charl du Plessis.

Kort op die hakke van “Arm” se sukses volg die splinternuwe enkelsnit vir Julanie J, getiteld “Bitter.” Die liedjie is geskryf na `n spesifieke ervaring, vetel sy: Toe ek en my vriendinne een aand `n baie duur bottel sjampanje drink, was ons verbaas dat dit glad nie juis lekker was nie. Ons het almal gespot en gesê dat ons eerder die goedkoper opsie moes kies, vandaar die lirieke: “Die duur bottels proe bitter vir my.”

Die Charl du Plessis Trio bestaan uit Charl op klavier, Werner Spies op baskitaar en Peter Auret op dromme. Hulle stel hulle nuutste album 'It Takes Three' vry en vertel ook van 'n opwindende vertoning wat deel vorm van die albumbekendstelling.

Elma Potgieter gesels oor hierdie jaar se speelvak van My Oom Se Vrou Se Plekkie by die Atterbury Teater in Pretoria, vanaf 27 tot 30 Oktober 2021.

Die sanger, liedjieskrywer, vokale afrigter en akteur, Kyle Grant, ook bekend as lid van die mans-trio, Adam, gesels oor sy heel eerste hoofrol in 'n pantomime. Hy is vanjaar te sien as Prince Charming in Janice Honeyman se Cinderella, wat vanaf 05 November 2021 by die Joburg Theatre op die planke is.

Intiem Huwelik met Liezel van der Merwe - Hoe Gemaak As Die Liefde Opdroog & Die Gouelokkies Huwelik.