Johan van Lill maak 'n draai by Kunstekaap waar die immergewilde musiekspel ANNIE op die planke is. Hy gesels met die jong talent en vind uit of dit regtig so moeilik is om saam met diere te werk in 'n produksie.

Este Gross maak 'n draai by die Joburg Theatre waar sy meer uitvind oor die pantomieme Robin Hood and the Babes in the Wood.

Bondina Osterhoff van die Oude Libertasteater in Stellenbosch vertel vir Johan van Lill van hulle somerseisoen.

Johan van Lill gesels met Rocco de Villiers oor sy produksie, Amazing Grace, by Theatre on the Bay in Kaapstad.

Martin Headger vind meer uit oor Joburg Ballet se laaste vertonings vir 2016.

Martin Headger maak 'n draai in Newtown, Johannesburg, om te gaan kyk wie en wat The Bag Factory is.

Die Stellenbosch Universiteitskoor is vanjaar 80 jaar oud. Johan van Lill gesels met verskeie rolspelers, en vind meer uit oor die koor se nederige begin.

Christelle Webb-Joubert saai weer 'n onderhoud uit wat sy 'n paar jaar gelede met die rolprentmaker Jans Rautenbach gevoer het. Daarin vertel hy van sy ontmoeting met Nelson Mandela in 2001 tydens die opening van die KKNK. Jans Rautenbach is 2 November 2016 oorlede in die ouderdom van 80.

Die Teksmark is 'n splinternuwe inisiatief vir dramaturge. Johan van Lill het gaan uitvind waaroor dit gaan.

Marius Weyers vertel vir Lizelle de Bruin van die toneelstuk, The Father, wat te sien is by die Fugardteater in die Kaap.