Haut geet et an eisem Magazin „Spin“ ëm den Dëschtennis-Veräin vu Recken bei Miersch. Den DT Recken huet an de leschte Jore reegelméisseg an der ieweschter Divisioun vum Lëtzebuerger Dëschtennis-Championnat gespillt. Dobäi ware si am Joer 2012 ganz no um Championstitel drun. Mëttlerweil leet de Veräin awer méi Wäert op d’Jugendaarbecht. De Yannick Zuidberg huet an deem Kontext mam President Mike Kraus geschwat.

D'Championnat am Dëschtennis ass dës Saison richteg spannend. Spannend dierft och nees d'Wiel fir de Sportler vum Joer ginn. Interessant ass och ëmmer de Ladies and Girls Day deen dëst Joer säin 10. Gebuertsdag feiert. Dat sinn d'Themen am "SPIN", dem Dëschtennis-Magazin vun der Federatioun, deen iech haut vum Rich Simon presentéiert gëtt...

Am Dëschtennis-Magazin vun der Federatioun steet d'Championnat am Mëttelpunkt. No 3 Spilldeeg muss een zeréckbehalen, dass et bis elo spannend ass. Am "Spin", deen iech vum Rich Simon presentéiert gëtt, geet et donieft awer och ëm een bësse méi ale Spiller....