Am Kader vun der Design Bienale weise mir Iech e Projet deen den Design asetzt fir den Alldag vun demente Leit ze verbesseren. Mir gesinn wéi d'Digitaliséierung d'Akafen emmer méi attraktiv mescht. Mir huelen Iech mat an en OpenStage Bistro, dee sech ganz der Musek verschriwwen huet a mir sinn op der Becker's Küchenparty.
Mir presentéieren iech di nei Disco um Lampertsbierg, wou virdrun de Magnum wor. Donieft kritt der den éischten Defilé vun der Luxusmarque Vol-t-age ze gesinn, mir huelen Iech mat an e Fitnesszenter fir Kanner an an eng Juice Bar um Kierchbierg.
D'Bannendecoratrice Nathalie Medernach weist wéi d'Fréijoer an di eege véiere Wänn anzéit. Da weise mer wéi Seefen 100% natierlech hiergestallt ginn an mir sinn op engem kulinareschen Event beim Lea Linster dobai.
De Kenschtler Eric Mangen a seng Frendin Tamara hu sech mat engem trendy Vintage Bistro am Minett lancéiert. Mir huelen iech mat an de Vagabond. Donieft weise mer iech wat et mat dem neien Trend Escape Room op sech huet. Mir testen den Enigmo Room vum Aventure Park zu Diddeleng. An mir weisen iech wat Cantienica ass. Heimat soll een net nemme méi fit mä och nach méi schéi ginn.
Mir presentéieren iech de Romantik Hotel Bel-Air zu Iechternach, wou ewell Balneotherapie ugebuede gett, weisen iech wéi ee Vältesdag verbrénge kann an huelen iech mat an di nei Boutique vun der letzebuerger Luxus Marque Vol-t-age.