نزیکەی 4 مانگە ژمارەیەک کۆچبەری کورد دوای ئەوەی لە تورکیا دەستگیرکران دیپۆرتی سووریا کران و تاوەکو ئێستا چارەنووسیان نادیارە، کەسوکاریان ئەمڕۆ لە بەردەم باڵیۆزخانەی تورکیا لە تاران کۆبوونەوە و داوای ئازادکردنیان کرد.

ئەمساڵ چەند کەس لە هەرێمی کوردستانەوە کۆچیان کردووە؟ جێگرەوەکانی کۆچی نایاسایی چین؟

#رێیاسۆر لەگەڵ کاوار ساڵح

Evsale çend kes ji Herêma Kurdistanê koç kirine?

به‌ڕێوه‌به‌ری گشتیی كار و ده‌سته‌به‌ری کۆمەڵایەتى له‌ وه‌زاره‌تی كار و كاروباری كۆمه‌ڵایه‌تی رایگەیاند، هەرکەسێک لە کەرتى تایبەت کار بکات مافى خانەنشینبوونى هەیە. هه‌ر كرێكارێک ده‌سته‌به‌ریی بۆ نه‌كرابێت، ده‌توانێت په‌یوه‌ندییان پێوە بكات و شوێنی كاركردنه‌كه‌ی ده‌ستنیشان بكات و لیژنه‌كانی ئەوان له‌ هه‌رسێ پارێزگاكه‌ سه‌ردانی ده‌كه‌ن.  

عارف حیتۆ، بەڕێوەبەری گشتیی کار و دەستەبەریی کۆمەڵایەتی بە رادیۆی رووداوی راگەیاند: "بەپێی یاسای ژمارە 39ی ساڵی 1971 کە بە یاسای ژمارە 4ی ساڵی 2012 هەموار کراوە، هەموو ئەو کرێکارانەی کە لە کەرتی تایبەت کار دەکەن پێویستە دەستەبەرییان بۆ بکرێت. ئەو خاوەنکارەی خۆی لە دەستەبەری دەدزێتەوە بۆی دەبێتە سەرپێچیی یاسایی."

لە پارێزگای هەڵەبجە نرخی خانووبەرە دابەزیوە و خاوەنی نووسینگەیەکیش دەڵێت لە چاو حەوت ساڵی پێشوودا چوار هێندە دابەزیوە. بەڕێوەبەری وەبەرهێنانی ئەو پارێزگایەیش دەڵێت، کەمیی خزمەتگوزاری و نەبوونی هەلی کار هۆکارە.

بیلال عەباس، خاوەنی نووسینگەی ئاوێسەر بۆ کڕین و فرۆشتنی خانوو و زەوی لە پارێزگای هەڵەبجە بە رادیۆی رووداوی راگەیاند: "قەیرانی دارایی، شەڕی داعش، کۆرۆنا، زیادبوونی نرخی دۆلار بەرامبەر بە دینار و نەبوونی خزمەتگوزاری هۆکارن بۆ دابەزینی نرخی خانووبەرە لە هەڵەبجە. لە دوای ساڵی 2014وە ساڵ بە ساڵ نرخی خانووبەرە دابەزیوە و کڕین و فرۆشتنیش کەمبووەتەوە. ئێستا نرخ گەیشتووەتە کەمترین ئاست، ئەگەر ساڵی 2014 خانوویەک بە 40 هەزار دۆلار بووبێت ئێستا 10 هەزار دۆلار ناکات."

عەدنان مەنسوور، سەرۆکی نووسینگەی ماددەی 140 لە خانەقین بە رادیۆی راگەیاند: "ئەمساڵ زیاتر لە دوو هەزار خێزانی عەرەب رەگەزنامەکانیانمان لە خانەقینەوە بۆ شوێنی خۆیان گواستەوە و ئێستا لەناو فایلەکانی فەرمانگەی رەگەزنامەی خانەقیندا یەک ماڵی عەرەبی سەردەمی بەعەرەبکردن نەماوە و ئێمە توانیمان بیانگەڕێنینەوە بۆ شوێنی خۆیان. ئەوانە ئەو عەرەبانەن کە لە دوای ساڵی 1975ـەوە هاتبوونە خانەقین."

ئەحمەد حەسەن، سەرپەرشتیاری گرووپی ڤی ئای پی وەنتد بە رادیۆی روودوای گوت: "ئێمە هەریەکەمان لە چەند گرووپێکی جیاوازدا بووین. دوایی ویستمان ئاستمان باشتر بکەین، بۆیە لە گرووپێکدا یەکمان گرت کە ئێستا نزیکەی دوو مانگ دەبێت دروست بووە و رۆژانە راهێنان دەکەین. خەڵکی یەک شار نیین و لە شاری جیاوازین: هەولێر، سلێمانی، رانیە و گەرمیان. لە رێگەی ئینتەرنێتەوە یەکدیمان ناسی. تەمەنمان لەنێوان 20 بۆ 24 ساڵدایە کە من بچووکترینیانم."

لوقمان عەبدولقادر، سەرۆکی کۆمەڵەی کیمیابارانی هەڵەبجە بە رادیۆی رووداوی راگەیاند: "ئەو بریندارانەی چەکی کیمیایی کە پێویستیان بە چارەسەری بەردەوام هەیە ژمارەیان زۆر لەوە کەمترە کە هەیە. لە رێکخراو و شوێنەکانی دیکە ژمارەیەک دەگوترێت کە حکومەت ناتوانێت پێیان رابگات. ئێمە پێشتر بە هاوئاهەنگی لەگەڵ تەندروستیی سلێمانی تیمێکی تەندروستیمان لە ئێرانەوە هێنا و، ئەو تیمە لەسەر ئاستی هەرێمی کوردستان 750 کەسی بینی. لەو ژمارەیە تەنیا 254 کەسیان وەک بەرکەوتەی چەکی کیمیایی دیاری کران."