Ыбырайым пайғамбар қиссасы

Ыбырайым есімі «Рахымның атасы» дегенді білдіреді. Ал «Рахым» кім дегенге келсек, ол – Мұхамбет пайғамбар. Хазіреті Ыбырайым – Мұхамбет пайғамбардың жиырма бесінші атасы.

Бір күні ұлық Алла Жебірейіл періштеге:

– Досым Мұхамбеттің дүниеге келетін уақыты жақындап келеді. Бүгін таңсәріде ұйықтамай отырған момын пендемнің үстіне Мұхамбеттің нұрын шаш, – деді. Жебірейіл ұйықтамай отырған тақуаны таба алмады.

– Тек бір дінсіз адам пұт жонып отыр екен, – деді. Қайта жіберді. Бұл жолы да таба алмай оралды.

Жалғасын аудиодан тыңдай аласыз.👇

Сүлейменнің сайтандарды матауы

Бірде Сүлеймен пайғамбар Аллаға арыз қылып:

– Уа, Тәңірім, он сегіз мың ғаламның билігін бердің. Енді сайтандардың билігін бер! Барлығын бұғаулап, қамап тастаймын, – деді. Алла:

– Сүлеймен, болмайды. Тіршіліктен мән кетеді, – деп жауап берді. Сүлеймен түсінбей дал болды. Аллаға:

– Билігін берші. Қамап көрейін, – деп, сұрап қоймады. Алла тілегін берді. Сүлеймен сайтандарды байлап, қамап тастады. Өз ісіне риза болып, көңілі марқаяды.

Жалғасын аудиодан тыңдай аласыз.👇

Сүлейменнің жүзік жоғалтуы

Сүлеймен патша болып отырғанда күніне бір рет алдына күллі мақұлық қол қусырып келіп, тағзым етіп кетеді екен. Олардың мақтау-марапаты, сый-сияпаты патшаның көңілін өсіріпті. Патша мақтау сөздерді естігенде «менен асқан құдіретті бар ма екен» деп ойлайды екен.

Бір күні Сүлеймен өзеннің жағасында қолын жуып жатқанда жүзігін түсіріп алады. Бір балықты шақырып:

– Әй, балық, жүзігімді алып бер! – депті.

Жалғасын аудиодан тыңдай аласыз.👇

Кірпі мен қарғаның хикаясы

Сүлеймен патша кірпі мен қарғаға былай деп бұйрық қылды:

– Сен, қарға, бар! Бір түнде жер-дүниені аралап, бір жақсы сайрайтын, түрі аппақ құс тап. Бұл құсты үйдің бас жағындағы терезеге отырғыз. Таң атқанда бұл құс мені сайраған дауысымен оятсын! Сен, кірпі, жердің жүзін тінтіп, маған бір жұмсақ нәрсе тап, бұл нәрсені әкеліп, дәл менің жастығымның үстіне, бетіме таяу қой! Құс сайрағанда оянып, қапасқа қарай бергенде, бетім бұл нәрсеге тисін, – депті.

Жалғасын аудиодан тыңдай аласыз.👇

Ит пен мысықтың хикаясы

Ертеде бір бай кісі Сүлеймен пайғамбарға келіп:

– Маған жан-жануардың тілін үйретіңізші, – деп өтініпті. Пайғамбар:

– Саған ондай кереметтің қажеті жоқ. Өзіңе зиян болады, – дейді. Бірақ бай кетпей, қиылып отырып алады. Байдың көңілін жыққысы келмеген пайғамбар жан-жануардың тілін үйретті.

Ертесіне бай таңертең тұрып, итіне бір кесек ет лақтырады. Етті мысық қақшып алып, талға шығып кетеді. Ит әупілдеп үреді. Бай оларды түсініп тұрыпты.

Жалғасын аудиодан тыңдай аласыз.👇

Сүлеймен мен тоты құс

Бір күні Сүлеймен ұшып-қонып жүрген тотықұсты көрді. Ауылдың бар баласы қолына тор алып, оны қуалап жүр екен. Сүлеймен тотыға:

– Әй, тоты, алысқа ұшып кет. Торға түсіп қаласың, – деді. Тоты:

– Қанаты барды қанаты жоқ қалай ұстайды? Балаларды мазақтап көңіл көтеріп жүрмін, – деді.

Ертесіне тоты торға түсіп қалыпты. Балалар оны ермек етіп ойнап жүр екен. Сүлеймен:

– Тұтылып қалыпсың ғой, – деді мысқылдап.

Жалғасын аудиодан тыңдай аласыз.👇

Сүлеймен мен байғыз

Бірде Сүлеймен патша байғыздан:

– Сен неге түнде зарланасың? – деп сұрады. Байғыз:

– Адам баласының өмірі қиын, аманаты ауыр. Мен оларға өлетініңді ойлап, ақиретке қамданыңдар, – деймін.

– Не үшін адамнан жырақ жүресің?

– Адамдардың іштарлығы мен көрсеқызарлығынан зардап шеккім келмейді, – деді байғыз.

Жалғасын аудиодан тыңдай аласыз.👇

Сүлейменнің сөзден тосылуы

Бірде Сүлеймен:

– Ей, құмырсқа, осы сендердің түрлерің, түстерің бірдей. Бір-біріңді қалай айырасыңдар? – деп сұрады. Құмырсқа:

– Алла алты мың түрлі хайуан жаратты. Оның екі мыңы қырда жүрсе, төрт мыңы суды мекендейді. Құдіретті Құдай адам ұрпағының келбетін сан алуан етіп жаратқанда, біздерге жеке-дара өң таппады дейсің бе? Менің де құлағы шұнақ, мұрны қоңқақ, көзі қыли күзетшім бар, – депті.

Жалғасын аудиодан тыңдай аласыз.👇

Сүлейменнің құмырсқаны сынауы

Сүлеймен Мәзере құмырсқадан:

– Әй, құмырсқа, басың неге дәу? – деп сұрады.

– Көп ойланамын, – деп жауап берді құмырсқа.

– Құйрығың неге үлкен?

– Өзімнен жеті есе ауыр затты көтеремін. Қайратым мол.

– Белің неге жіңішке?

– Қанағатшылмын, – деді құмырсқа.

Жалғасын аудиодан тыңдай аласыз.👇

Құмырсқаның Сүлейменді қонақ етуі

Құмырсқа Сүлейменге:

– Әскеріңе айт. Бізге қонақ болсын. Осында түнеңдер, – деді. Сүлеймен:

– Әй, құмырсқа, бізді қалай күтесің? Тойдыруға азығың жетпес, – деді. Құмырсқа ініне кіріп, шегірткенің артқы аяғын алып шықты. Сүлеймен:

– Мынау не? – деді.

– Саған және әскеріңе тамақ, – деді құмырсқа.

Жалғасын аудиодан тыңдай аласыз.👇