Нұхтың кеме жасауы

Нұхтың заманында бір алып адам болыпты. Оны Құж деп атайтын. Құж кесір мінезді, ешкімнің ақылын алмайтын, оң істі терісінен істейтін қыңыр болыпты. Ұзын бойы таудан асып, бұлттар алқа сияқты мойнына киіліп тұратын. Ол жалғыз өзі таудың үңгірінде жататын. Құждың бір ғана қайғысы – қарнын тойғызу. Ішегі тәулік бойы шұрқырап тұратын. Ертелі-кеш орманнан отын шауып, нәпақасын айырып жүрді. Бірде Нұх Құжды шақырып, ағаштарды тасып беруін өтінді.

Жалғасын аудиодан тыңдай аласыз.👇

Нұх пайғамбар қиссасы

Нұх пайғамбардың әуелгі аты Жәскер еді. Көп жылағандықтан, «Нұх» атанып кетіпті. Оның қауымы жаманға дос, жақсыға қас боп шыға келетін кілең кертартпа болды. Шалдарының аузының дуасы жоқ, малта езер мылжың. Ересектері ерегіс десе, етігімен жата кететін. Қатындары өсек айтудан аузы босамайтын. Кісіге жала жабу үйреншікті іс болды. Жастары шетінен қыңыр, қырсық. Надандықтан құтылуға тырыспайтын. Бас қосса, «Жақсының жағасынан алдым» деп мақтанатын. Жыл он екі ай өнбейтін дау қуатын.

Жалғасын аудиодан тыңдай аласыз.👇

Ыдырыс пайғамбар қиссасы

Ыдырыс «дәрісті көп оқыған» дегенді білдірді. Құдай оған он қасиетті нәсіп етті. 1. Пайғамбарлық. 2. Ғалымдық. 3. Жазу ғылымын жасады. 4. Зергерлік. 5. Қару-жарақ жасады. 6. Соғыс өнерін жетілдірді. 7. Соғыс тұтқындарын өлтірмеу, қорламау тәртібін ендірді. Содан бастап тұтқынның құлақ-мұрнын кесу, мәйіттерді кескілеу, оларды жерлетпеу қылмыс болып саналды. 8. Киім тігуді үйретті. 9. Кәлима айтып, көпшілікті иман нұрымен баураған. 10. Пейішті аралап, сонда қалып қойған. Қиямет-қайымға дейін ол – сол жерде тірі болатын төрт пайғамбардың бірі.

Жалғасын аудиодан тыңдай аласыз.👇

Шиш пайғамбар қиссасы

Әбіл өліп, Қабыл қашып кеткен соң, Адам ата мен Хауа ананы қайғы басты. Күндіз-түні екі көзінен жас парлап, жылаумен өтті. Алла оларды жұбату үшін бір ұл сыйлады. Есімін Шиш деп қойды. Шиш пайғамбар өте келбетті, ғұлама ғалым еді. Есімінің өзі «ғылым үйретуші» дегенді білдіретін. Шиш пайғамбар алғаш шариғат үкімдерін реттеп, дін ғылымын жайғандықтан, Алла алдында үлкен құрметке ие болды.

Жалғасын аудиодан тыңдай аласыз.👇

Әбіл мен Қабыл оқиғасы

Бір күні Хауа ана бір ұл, бір қыз босанды. Ол кезде Адам ата аңшылықта жүрген еді. Алла Адам атаға аян беріп:

– Ұлыңа менің бір есімімді қосып азан шақырып, ат қой, – деді. Адам ата қуанышты хабарды естіп, үйіне жеткенше, Ібіліс оның алдын орап кетті.

Ібіліс періште кейпінде Хауа анаға келіп:

– Ұлыңа Қабылхарис деп ат қой, – деді. Харис Ібілістің бір есімі еді. Хауа ана байқамай баласына сол атты қойды. Адам ата бұл жайтты естіген соң, бір сұмдықтың болатынын сезіп қатты алаңдады.

Жалғасын аудиодан тыңдай аласыз.👇

Адам ата мен Хауа ананың жұмақтан қуылуы

Алланың дәргейінен қуылған Ібіліс Адам атадан кек алуды ойлады. Жұмаққа жасырын келіп қараса, Хауа анамыз жыланмен сөйлесіп отыр екен. Ол кезде Адамның адал досы ит емес, жылан болыпты. Ол адамның жанынан бір елі де қалмай, оны қорғап жүреді екен. Ібіліс жұмақтың есігінен кіре алмайды. Ол заманда жұмақты тауыс күзетіп тұрыпты. Тауыс көрсеқызар еді. Ібіліс алдымен тауысты арбауды ойлайды.

Жалғасын аудиодан тыңдай аласыз.👇

Үйлену тойы

Адам ата мен Хауа ананың некесі қиылған соң, жұмақта үлкен той болыпты. Ұлық Алла:

– Менің орынбасарым Адам үйленеді. Олардың сән-салтанатын арттырып, жаннатты әшекейлеп безендіріңдер. Құлымның көңілін шаттық пен қуанышқа бөлеңдер. Оған тарту-таралғы сыйлаңдар, – деп періштелер мен хор-ғылмандарға әмір етіпті.

Періштелер жұмақты дүр жауһарлармен безендіреді. Той-думан Туба ағашының түбінде басталыпты.

Жалғасын аудиодан тыңдай аласыз.👇

Адам ата мен Хауа ана қиссасы

Адам жаннатта жалғыз жүрмесін деп, Алла тағала оған жұп жаратуды ойлады. Ұлық Алла Хауа ананың тәнін жасау үшін Адам ата ұйқыда жатқанда оның сол жақ бұғана қабырғасын таңдайды. Себебі Тәңірі тағала Адамның бұғана сүйегін жердің қиыршық тасы жоқ, ұлпа құмынан жаратыпты. Адам атаның ең нәзік, ең жұмсақ етінен жаралғандықтан, әйел адамның денесі мамықтай жұмсақ, мақтадай нәзік болыпты. Адамның сол жақ қабырға асты босап қалғасын, көкіректің ортасында тұрған ет жүрек босап қалған тарапқа қарай ойысады.

Жалғасын аудиодан тыңдай аласыз.👇

Мұхамбеттің (с.а.у.) нұры

Адам атаны жаратқан соң, Ұлық Алла оны пейішке кіргізді. Ақ жақұттан Хаджар әл-асуад деген тақ жасап, оған Адам атаны салтанатпен отырғызды. Қазіргі Бәйтул Мұқадастағы қара тас Адам атаның алғашқы тағы болған екен. Барлық періштелер:

– Адам менің орынбасарым болады. Он сегіз мың ғаламдағы барлық жаратылыс адамның игілігі үшін қызмет етеді. Оған құрмет көрсетіңдер, – дейді. Самсаған періштелер салтанатпен сап түзеп, Адам атаны көру үшін сан мыңдаған ғаламдардан тоқтаусыз ағылып келіп жатты.

Жалғасын аудиодан тыңдай аласыз.👇

Әлімсақ уәдесі

Хазіретті Адам бірде Ұлық Аллаға:

– Ұрпағымды көрсем бола ма? – деп қолқа салды. Алла тағала Адам атаның белінен оның қияметке дейін таралатын барлық ұрпағының тұқымын құдіретімен суырып алды да, шашып жіберді. Самсаған сансыз рухтар аспан әлеміне сыймай кетті. Кейбір рухтар құйрықты жұлдыздай жарқырай ағып, арасында заулап ұшып жүр. Ерекше үлкен һәм айбарлы көрінді. Адам ата:

– Не себепті мына рухтар ерекше үлкен, айрықша нұрлы? – деп сұрады.

Жалғасын аудиодан тыңдай аласыз.👇