Сүлеймен мен құмырсқа

Бір күні Сүлейменнің әскерін көрген құмырсқалар патшасы әскеріне:

– «Дереу інге тығылыңдар!» – деп бұйрық берді. Сүлеймен күліп:

– Неге қаштыңдар? – деді.

Құмырсқа:

– Әскеріңмен бізді таптап кетпес үшін, – деді.

– Сен неге қашпадың?

– Мен басшымын. Елге қиындық келгенде есі дұрыс патша жан сауғалап қашпас болар. «У ішсең руыңмен» деген, – деді.

Жалғасын аудиодан тыңдай аласыз.👇

Сүлеймен мен жайын

Сүлеймен пайғамбар бірде Құдайға:

– Уа, Тәңірім! Бір тілегім бар. Айтсам, орындайсың ба? – деді. – Айт, құлым, – деді Жаратушы.

– Күллі мақлұқаттың үш күндік ас-ауқатын мен берейін. Рұқсат етші, – деді.

– Рұқсат! – деді Алла. Сүлеймен дию-перілерді жинап алып:

– Таудан үш қазан қазыңдар да, біріншісін жеміс-жидекпен, екіншісін тағамдармен, үшіншісін сусынмен толтырыңдар, – деді. Далаға ұшы-қиырсыз дастарқан жайып, ішіп-жемді үйіп-төгеді. Мың періні сол жағына, мың диюды оң жағына қызметке қойды.

Жалғасын аудиодан тыңдай аласыз.👇

Есек пен өгіздің хикаясы

Бір кісі Сүлейменге келіп:

– Жануардың тілін үйрет, – деп өтінді. Сүлеймен:

– Оны қайтесің? Басыңа бәле шақырады. Одан да үйіңе береке кіргізіп, шаңырағыңа шаттық ұялататын рухани ілім үйрен, – деді. Келген адам өзеуреп отырып алды. Болмағасын Сүлеймен:

– Үйретем, бірақ жан баласына жақ ашпайсың. Ашсаң, ажалың жетеді, – деді.

– Келістім, – деді ол.

Жалғасын аудиодан тыңдай аласыз.👇

Сүлеймен мен Былқыс

Бір күні Сүлеймен аң, құстарды түгел жинайды. Сөйтсе, жиналысқа көкек келмей қалады. Сүлеймен қаһарланып, оны алып келуге бүркітті жұмсайды. Бүркіт көкекті тауып алып келеді. Сүлеймен:

– Қайда жүрсің? – деп сұрайды. Көкек:

– Саба атты қалаға бардым. Нағыз ертегілер елі екен. Онда Былқыс деген ару патшаны көрдім. Ай десе аузы, күн десе көзі бар, балдан тәтті сөзі бар хас сұлудың нағыз өзі екен. Нәзік дауысына мас болып, үш күн естен танып жаттым, – деді.

Жалғасын аудиодан тыңдай аласыз.👇

Сүлеймен пайғамбар қиссасы

Сүлеймен пайғамбарға Алла тағала жер бетіндегі жортқан аң, ұшқан құс, судағы балықтың тілін білетін қасиетті дарытыпты. Ол сыртқа шықса, тау, тас, ағаштар өздерінен хабар беріп, кәдеге жаратуын сұрап тұратын. Біреуі «менде алтын, күміс бар, соны ал» десе, енді біреуі «қойнымда інжу, жақұт жасырылған, игілігіңе жарат» дейтін. Сүлеймен жастайынан шешендігімен, даналығымен көзге түседі.

Жалғасын аудиодан тыңдай аласыз.👇

Дәуіттің отыз ұлы

Дәуіт пайғамбардың отыз ұлы болған екен. Бірде құлшылық уақыты таяғанда, ол ұлдарын ертіп мешітке келеді. Халық жиналып үлгермепті. «Отыз ұлым да бір жамағат қой» деп, жұртты күтпестен, ұлдарымен ғибадатты бастап кетті. Намазда екі жаққа сәлем беріп жатып, «Расында да өзімнің әулетім бір қауым ел екен» деп астамшылық ойлады. Намаз бітіп, бата жасаларда, отыз ұлы сәждеден тұрмай қалды.

Жалғасын аудиодан тыңдай аласыз.👇

Дәуіт пен Әзірейіл періште қиссасы

Бірде Дәуіт пайғамбар мен Әзірейіл періште сұхбаттасып отырғанда, олардың үстіне Дәуіттен қарыз сұрап бір жігіт кіріп келді. Дәуіт оған ақша берді. Ол кеткен соң, жан алушы періште:

– Ей, Дәуіт, сен мына жігітке қарыз беріп жатырсың. Құдайдың әмірімен жігіттің жанын жеті күннен соң аламын. Ол ажалынан бейхабар. Ақиретпен ісі жоқ. Сауда жасаймын деп сенен қарыз алып жатыр, – деді.

Жалғасын аудиодан тыңдай аласыз.👇

Дәуіт пайғамбар қиссасы

Дәуіт әрі пайғамбар, әрі патша болды. Ол әділ патша атанам деп, жұпыны киініп, елді аралап жүретін. Кездескен адамынан:

– Патшаңыз қандай кісі? – деп сұрайды екен. Олар жарыса:

– Патшамыз өте әділ. Біреуге қылдай қиянат қылған емес. Тақта отырса да, елдің жағдайын бес саусағындай біліп отырады. Көреген әрі ақылды, – деп мақтаса, көңілі марқайып қалады екен. Бір күні базардағы етікшіден:

– Патшаңыз қалай, жақсы ма? – деп сұрады.

Жалғасын аудиодан тыңдай аласыз.👇

Нұхтың үш ұлы

Апаттан Нұхтың Сам, Хам, Жаппас деген үш баласы, келіндерімен аман қалды. Бірде пайғамбар шаршап, шынар ағаштың саясында ұйықтап жатты. Желден оның көйлегінің бір шеті түріліп, әуретті жері көрініп қалды. Хам әйелі екеуі бір-біріне ишара қып күліп отырады. Кіші ұлы Жаппас мұны байқап қалып, әкесінің ұятты жерін дереу бүркеп, әлек болады. Сам күлгені үшін Хамға дүрсе қоя береді. Айғай-шудан әкелері оянып кетті. Ол күлкісін тыя алмай отырған келіні мен Хамды көріп, ашуланды.

Жалғасын аудиодан тыңдай аласыз.👇

Нұх пен кемпір

Нұхтың заманында бір кемпір өмір сүріпті. Ол жалғыз сиырын сауып, сүтінен қатық істеп, пайғамбарға әкеп береді екен. Әр келгенде:

– Шырағым-ау, ертең топан су қаптаса, мені де, сиырымды да кемеңе салып алуды ұмытпа, – дейді екен. Сел басталғанда абыр-сабыр болып жүріп, Нұх кемпірді ұмытып кетеді. Қазығұртта наурыз тойлап жатқанда, баяғы кемпір қатығын алып келіп тұр екен.

– Бұл не той? Топан су қашан болады? Апат келсе, бізді ұмытпа, қалқам! – деп өтінді. Нұх ұялып қалды. Кемпірден кешірім сұрап, болған жайды баяндады.

Жалғасын аудиодан тыңдай аласыз.👇