'n Suid-Afrikaanse rolprentmaker se werk is benoem in die kategorie " Beste dokumentêr" by die Berlynse Internasionale rolprentfees. Vanaand word Teboho Edkins, se dokumentêr "Days of Cannibalism" vir die eerste keer ooit, juis by die filmfees vertoon. Die fliek handel oor die Sjinese invloed op Lesotho se ekonomie. Dit is vanjaar die sewentigste keer dat die Berlynse Filmfees plaasvind. Edkins het vanuit Duitsland met Anna-Marie Jansen van Vuuren gepraat.