Gompieno motlhankela khuduthamaga wa Eskom Brian Molefe o tlile go tlhagisa seemo sa matlotlo sa setlamo seno le pegelo ya ngwaga kwa palamenteng.

The Media Review Network ya re ditheo tsa thuto ga di a tshwanela go nna lefelo la go godisa baithuti ba ba ikaegileng mo ditsong tse di sekametseng mo mekgweng ya segompieno

Bamalapa a bakgaratlhela kgololosego ba le babedi ba re go theiwa gape ga dikago kwa Northern Cape go a namatsa.

Badiri ba moepo wa malatlha ba setlamo sa Thusi kwa Ermelo kwa Mpumalanga, ba tsweletse go iphara ka bodipa ka fa tlase ga lefatshe.

Congress of South African Students (COSAS), e inakantse le barutwana ba Bantsho ba Pretoria High School for Girls, ba ba boloditseng dikgato tsa dingongorego kgatlhanong le magatwe a bosemorafe kwa sekolong seo.

Lliki ya basha ya lekoko la ANC kwa Limpopo, ya re go sa ikemisetsa go dirisana mmogo le lephata la twantsho ya bosinyi jo bo rulagantsweng The Hawks, ga tona ya dichelete Pravin Gordhan, go ka ama ikonomi ya naga go ya pele.

Mokwaledi kakaretso wa ANC Gwede Mantashe, o tlhagisitse kemonokeng ya gagwe go tona ya matlotlo Pravin Gordhan, mme a re o na le tshepo e e feletseng mo go ena.

Mapodisi a North West a tshwere mmelaelwa wa dingwaga tse some-a-mararo le borataro, yoo golagangwang le polao ya mosadi wa dingwaga tse some a marataro, wa kwa motseng wa Sione gaufi le Delaryville mo profenseng ya North West.

The Communications Workers Union e rwesitse Mokwaledi kakaretso wa ANC Gwede Mantashe maikarabelo a seo e reng ke mathata a lebaneng mokgatlo wa bosechaba wa kgololosego.

Moeteledipele wa DA Mmusi Maimane o lopile pegelo ya kgatelo pele e e dirilweng ke mosireletsi wa setshaba Thuli Madonsela, yo o batlisisang magatwe a go laola puso ke balelapa la ga Gupta