Safe Space

دايما حاسس إن الدنيا بتمشي وانت واقف مكانك؟ Falling behind in life؟

هنتلكم بالتفاصيل عن الشعور ده، ونشرح ليه وازاي بيحصل...

وهقول لك تتعامل ازاي مع الفترة اللي قبل العشرينات، عشريناتك، ثلاثيناتك، وأربعيناتك... 

هنتكلم عن أثر الشعور ده وبيعمل فيك ايه Physically و Mentally... 

وفي الآخر هقول لك ازاي تتخلص منه في 4 مراحل.

رسالتي ليك...

سامح نفسك ... قبل ما تسامح اي حد...

سامح نفسك على اي حاجة حصلت.. وعلى كل حاجة محصلتش...

سامح نفسك على اي حاجة عملتها في نفسك، وعلى كل قرار غلط...

عشان انت عشان تقدر تسامح غيرك... لازم تسامح نفسك الأول. عشان يبقى عندك القدرة والمقدرة انك تقدر تسامح غيرك.

تعالى نتكلم عن التسامح ونشوف فوايده وهيحصل ايه لو مسامحتش...

• ايه هو ال burnout؟
• ايه هي أعراض ال burnout (emotional, physical, mental)؟
• مراحل ال burnout
• ازاي ممكن يأثر على حياتي
• احصائيات عن الburnout 
• أنواع ال burnout
• مسبباته
• ازاي أتعامل معاه coping mechanisms

الحلقة دي أكتر حلقة خدت مني جهد في ال Research والتحضير والتسجيل...
هقول لك 9 طرق فعّالة عشان تبقى نفسيتك أهدى وأحسن...
وهنقول 23 فايدة لل gratitude ممكن  مكنتش تتخيل ان بعضها ممكن يكون موجود أو بجد بيحصل بسبب حاجة زي ال gratitude practicing او انك تمرن نفسك على ال gratitude (وكلها مثبت علمياً وهحط لك المصادر)


المصادر:

https://positivepsychology.com/neuroscience-of-gratitude/

https://www.youtube.com/watch?v=KVjfFN89qvQ

https://greatergood.berkeley.edu/article/item/how_gratitude_changes_you_and_your_brain

https://www.youtube.com/watch?v=JMd1CcGZYwU

https://research.com/education/scientific-benefits-of-gratitude#3

- ايه الفرق بين ال Empathy, Sympathy, & Compassion
- ليه التعاطف حاجة مهمة؟
- علاقة التعاطف بال mental health
- Neurobiology of Empathy
- أعمل إيه لو معنديش القدرة على التعاطف
- Self-Empathy

الكلمة تقيلة!

ليها ثقل. وزنها تقيل أوي الكلمة. عشان كدة في الحساب.. الكلمة بتوزن في ميزانك كتير. هتوزن في ميزان حسناتك يا هتطيرك وتدخلك الجنة... أو هتوزن في ميزان سيئاتك بتقلها وتدخلك النار!

الكلمة تقيلة!! واللي هقوله ده هيتحسب عليا. ويا هينزلني تحت اوي حتى في مكانتي في الدنيا كمان. هيخسرني ناس هيخسرني شغل هيسخرني فرص هيخسرني صفقة 

فدايما تعظيم الناس للسكوت وللصمت ده لأهمية وثقل الكلام.

الكلمة مش سهلة ومش قليلة... ولو مكانتش بالأهمية دي كلها... مكانتش الناس هتقعد تعظم في الصمت بالشكل ده. ده مش من أهمية الصمت... ده من أهمية الكلمة.

رسالتي ليك

دكتورتي في الجامعة دكتور ايناس عز كانت دايما بتقول لي be the change you want to see in the world

فالحلقة دي اعتبرها reminder بتاعك  ان انت اكتر حد محتاج يسمع كلام حلو 

ف انا عايزك تبقى انت اكتر حد بيقول كلام حلو. وبتدي الناس كلام حلو..

مرة و2 و3  و 10 كتير اوي وعلى طول... عشان تبقى انت الحاجة اللي انت اصلا محتاجها.

فاقد الشيء... يعطيه. 

ايه هو ال overthinking بالبلدي كدة..

تخيل معايا كدة ان انت دماغك..وانت في الشارع وعايز توصل من نقطة لنقطة... والطريق ده في تقاطعات واشارات...

فانت ماشي عادي بالعربية... ال  overthinking بقى بيبقى الدوشة... تخيل نفسك في traffic jam في زحمة بعد العصر والمدارس رجعت وال national عال international على اللي مروح من شعله، عالرايح عاللي جاي... والدنيا راكبة فوق بعضها.. مفيش حاجة بتتحرك! عربيات داخلة يمين في عربيات داخلة شمال في ميكروباص قرر ينزل حد على تكتك على بتاع طلبات وانت في النص عايز تكمل على طول... فانت مبتتحركش المسافة اللي ممكن تاخد منك 10 دقايق في العادي واقف فيها نص ساعة مبتتحركش.

وزعيق وناس بتكلكلس وحد يكسر على حد فيقوم تيييييت فإنت تبتدي تتوتر أكتر وتبتدي تتعصب وخلقك يضيق وال anxiety بتاعتك تزيد ومش عارف تتصرف ازاي طيب انزل واسيب العربية! واتعصبت. واللي هيكلمك هتتعصب عليه ولو حد قال لك حاجة ممكن تعديها في العادي مش هتعديها دلوقتي....

ومفيش حاجة بتتحرك. انت عايظ توصل ومش عاارف. فانت واقف في مكانك.

دي دماغك ساعة ال overthinking.

الدنيا واقفة... دماغك واقفة... فيها أفكار كتير أوي ... عربيات نقل على ميكروباصات على عربيات مدارس..

فهي نفس الحاجة.. انت دخلت المشاكل كلها في بعض، ودماغك فيها أصوات كتير.. بتتكلم في نفس الوقت وزحمة ودوشة وبيقاطعوا بعض. وفكرة بتكسر على فكرة من غير اشارة جوا دماعك.

تخيل التعب والإرهاق الذهني اللي دماغك فيه... أنت اصلا وصفي للموقف ده ممكن يكون عصبك

ال overthinking هي دماغك ساعة العصر وقت خروج المدارس national w international والناس راجعة من الشغل.

بقالك قد ايه متمسك جدا وقافش holding on tightly بحاجة مبتقدملكش أي فايدة إن لم يكن بتضرك. 

بقالك قد إيه متمسك بوظيفة بتستنزفك...  وبتخلص عليك. مخلصة طاقتك الجسدية ومستنزفة طاقتك الذهنية والعاطفية ومخلياك إنسان أسوأ مش عارف تدي حاجات تانية في حياتك حقها وإنت مش مبسوط... والوطيفة دي مش مقدمالك حتى حاجة career wise مش رايحة في حتة.

بقالك قد في علاقة سامة بتستنزفك ومش مبسوطة فيها... ومكملة فيها ومتسمكة بيها بشكل أو بآخر...  أو خاييفة إنك تسيبي...

بقالك قد إيه في جوازة إنت عارفة إنها خربانة من كل الإتجاهات وكل حاجة بتقول لك كدة بس هو إنت الوضع صعب والمجتمع صعب وأكيد مش هبقى لوحدي أو مش هبقى امرأة مطلقة حتى لو أنا لسةربنا مكتبلناش خلفة.

بقالك قد إيه... بقالك قد إيه... ماسك في حاجة...

كل واحد فينا بيبقى ماسك في حاجة أو بفكرة بقوة قافش فيها أوي خايف يسيبها أو مش راضي يسيبها ودايما بيبقى في بدل السبب عشرة ومية إن أنا مسيبش الحاجة دي. 

ده اللي هنتكلم عنه النهاردة...

هنتكلم عن letting go 

واحنا ليه بنتمسك بالحاجة أوي كدة..

وازاي أقدر أ let go حاجات أو أفكار...

وهقول لكم في الآخر 5 طرق تعرف ت let go بيها. 

و ازاي تتعامل مع ال stress, anxiety, and panic attacks. 

أهلاً بيك في النفق الضلمة بتاعي المرّة دي...
الحلقة دي تخليد لذكرى وفاة أحسن واحد في الدنيا، صاحبي وحبيبي محمد البنّا. لعلّ حد يسمعها يحبه ويدعي له، لعلّها تفضل بعد ما أموت... 
ده غير إن الحلقة دي تعتبر ال legacy بتاعي... ليه عايشين؟ إيه رسالتك في الحياة؟ إزاي تعيش بعد ما تموت وتفضل مخلّد للأبد.

اسمع الأغنية دي أو اتفرج عليها كمان هتقشعر... 
Beyonce - I Was Here 
https://www.youtube.com/watch?v=VFB2evm8Wdo

ال expectations أو توقعاتنا هي اللي بتحدد حاجات كتير أوي في حياتنا. جزء كبير من الإحباط أو ال Frustration اللي بيحصل لنا أو النتيجة اللي بنحس إنها مختلفة عن اللي إحنا كنا عايزينه أو الحاجات دي كلها... بضايق من حاجات معينة من أصحابي، مشاكل كتير أوي في علاقات، في الشغل، في حياتي كلها.. بتبقة متوقفة بشكل كبير على ال Expectations اللي أنا بحطها لنفسي. 

فلما أبتدي أعرف أتعامل أكتر وأحسن مع ال expectations بتاعتي وأعرف أقلبها في صالحي وأرجع أبص لها... وأحلل الموقف اللي مريت بيه وأشوف التوقعات بتاعتي في الموقف ده كانت إيه، وهل فيها مشكلة ولا لأ... when you manage your expectations لما بتعرف تتحكم أكتر في توقعاتك... جودة كل حاجة في حياتك بتتغير. علاقاتي بتتحسن أكتر مع أصحابي، علاقاتي بتتحسن أكتر مع اللي بتحبه، حتى في الشغل. وهتلاقي نفسك أخف وأريح وأهدى بكتير. 

هل التوقعات بتأثر على سعادتنا؟
هل ينفع أعتمد على ال motivation؟
وازاي اعرف أسيطر على التوقعات؟؟
how to manage expectations؟