Safe Space

من وإحنا صغيرين... أكتر لونين بنشوفهم في حياتنا... الأبيض، والأسود.. ابيض... اسود... كل حاجة، اسود معناه غلط أو وحش وأبيض بنربطه بالحاجة الصح أو كدة... فوصلنا لمرحلة إننا بنشوف الحياة كلها... أبيض، وأسود. 

بقينا بنشوف حياتنا كلها يا أبيض يا أسود، يا صح يا غلط، يا يمين يا شمال... يا أهلي يا زمالك، يا بحبك، يا بكرهك. والحياة مش كدة... الحياة عمرها ما بتبقى يا أبيض يا أسود.... في درجات كتير أوي من اللون الرمادي المفروض نعيش فيها. 

الدنيا مبتمشيش يا أبيض يا أسود في حياتك في شغلك في مواقفك في تعاملك مع النّاس، بالذات بالذات في تعاملك مع النّاس... عمرها ما بتمشي يا أبيض يا أسود

في حاجات في الشغل بالذات آه لازم تمشي أبيض أو اسود... بس ده لو إنت شغال قاضي... ده حتى القاضي عنده حاجة اسمها "روح القانون" في حاجة كدة لازم يكون فيها درجة كدة..

ازاي تعرف تأقلم دماغك لو إنت شخص perfectionist أو رافض تماماً إن يبقى في منطقة grey لازم تعود نفسك إن المنطقة ال grey دي منطقة آمنة... it’s a safe space

مبقولكش تبقى مايع... في النص كدة ملكش رأي أو معاهم معاهم عليهم عليهم وتقول كل حاجة grey لأ! بس بقول لك تبقى عقلاني... تحسب كل حاجة بالعقل وتشوف وتوزن وتسأل نفسك دايماً... هل في حاجة طيب أنا مش شايفها؟ هل في باب تاني أو طريق تاني غير الأبيض والأسود... لو ملقتش يبقى خلاص.

 هنتكلم ازاي ت grief أي حد مبقاش موجود في حياتك،  هتلاقوني في الحلقة بستخدم كلمة Grief لأن ترجمتها بالعربي مش هتوصل المعنى هي مش كلمة هي مصطلح أكتر. ال grief تقدر تقول إن هو المرارة اللي بيسببها فقد حد أو شيء عزيز عليك. ليه استخدمت "مرارة" عشان هي بتكمل معاك شوية... 

هل الميت بيحس بينا؟ بيسمعنا؟ 

إيه الحكمة من وفاة ناس بنحبها؟ أنا كدة بقيت لوحدي!

وبعدين هنتكلم في ال science behind grief وازاي تفهمه أحسن وتتعامل معاه.

وفي الآخر خالص هقول لك حاجة كلنا بناخدها for granted

ده Disclaimer ، الحلقة دي لينا، لكل الرجالة آه، بس برضه الحلقة دي لا تقل أهمية للستات!

لكل الستات اللي في في حياتها راجل مبيعرفش يتعامل مع الموضوع ده كويس، لكل الستات اللي عندها ابن! عشان تعلمه، إن في رجالة بتعيط عادي. الحلقة دي لكل البنات اللي عندها أخ صغير تقدر تأثر فيه وتعلمه إنه عادي.

فالحلقة دي لازم إحنا نسمعها كرجالة ، بس برضه لازم لازم لازم الستات تسمعها.

-        تاني أكبر سبب للوفاة عند الولاد من سن 10 ل 24 هو الإنتحار 
-        واحد من كل 8 رجالة بيعاني من general anxiety أو Stress disorder بس الدراسات بتقول إنهم أكتر من كدة عشان دول بس اللي بيتكلموا ولكن في حالات كتير بتبقى undiagnosed or unreported
-        في 2021، نسبة انتحار الرجال كانت 4 أضعاف الستات
-        132 حالة انتحار يومياً
-        في 2021 69.68% من حالات الإنتحار كانت لرجالة

كام واحد فينا بيعامل نفسه زي ما بيعامل الناس اللي بيحبها، أو بيكلم نفسه، زي ما بيتكلم مع الناس اللي بيحبها، كام مرّة إنت كلمت نفسك بحب، وبرفق، وبلين. كام مرّة كنت kind  على نفسك، وهدّيتها... وقلت لنفسك إن it’s okay... أو على الأقل سمعتها... كام مرّة اتكلمت مع نفسك أصلاً، دايماً هتلاقينا بنبقى سلبيين أوي مع نفسنا، بنبقى في عنف مع نفسنا، فاسأل نفسك دايماً، ازاي كنت هتكلم نفسك لو كنت بتكلم حد بتحبه، أو بتكلم حد قريب منك، أو لو بتكلم صاحبك، أو لو بتكلم خطيبتك، أو مراتك، أو بتكلم حد بتحبه جداً وجاي يكلمك وهو عنده مشكلة أو جايلك وهو زعلان. هتوبخبه على المصيبة اللي هو عملها، أو على المشكلة اللي هو فيها أو الإحساس اللي حاسه، ولا هتتكلم معاه بطريقة مختلفة. 

هنتلكم الحلقة دي عن إيه هو ال Negative Self-Talk أو أسلوب جلد الذات... 

ليه بنكلم نفسنا بطريقة وحشة، وجاية منين أو ايه ال root بتاعها

إيه أثرها علينا؟ يعني هل الموضوع خطر؟ 

إزاي ممكن نصلّح حاجة زي دي في نفسنا... وإيه هو أثر إننا نتكلم مع نفسنا بطريقة كويسة.


The Message From Water:
Full Documentary: https://youtu.be/P78VZzaHDVA?si=9apHD69_UqBJviFc
Short Clip to Experiment: https://youtu.be/1qQUFvufXp4?si=GWzmmXbWsrV_oihU

رسالتي ليك، لو كل المواقف والخبرات اللي مريت بيها... كلها! مخلياك حاسس إنك لوحدك.. لو فقدت حبيب، صديق، ناس بعدت، ناس قربت... أنا هنا عشان أفكرك.

مش المفروض تكون لوحدك... ربنا مخلقناش عشان نكون لوحدنا.

هل عادي نكون لوحدنا؟ أو نشعر بالوحدة؟ وإيه الفرق؟
اسمع الحلقة عشان تعرف الفرق وابعتها لحد محتاج يسمع الكلمتين دول، وقول لنا رأيك.

This is the intro to many to come episodes with you.