Martin van Staden, regsgenoot by Sakeliga, gesels met James Kemp (Pretoria FM) op die Sakekern Beleidsradar-insetsel. Van Staden beskou Sakeliga se kommentaar op onlangse voorstelle om die wet op elektrisiteitsvoorsiening te wysig. Daar is belowende elemente in die wetsvoorstel, maar in geheel gesien, moet nog meer gebeur om SA se penarie van kragtekorte op te los. Van Staden meen baie groter vryemarkhervorming nodig.

Gerhard van Onselen (Sakeliga strateeg) gesels met James Kemp (Pretoria FM) op die Beleidsradar-insetsel oor die onlangse gebeure in Kanada.

Die Trudeau-regering se stappe om bankrekeninge te laat vries van persone wat na bewering aan die Freedom Convoy-protesaksies gekoppel was. Dit volg op die afkondiging van ‘n noodtoestand in Kanada weens die proteste. Die toestand is sedertdien opgehef.

Tot watter mate skep hierdie nuwe gevare vir die kommersiële sektor? Wanneer oortree regerings hul magte met ramptoestande en inbreuke op burgerlike vryhede. Die Beleidsradar bespreek.

Tian Alberts [reg- en skakelbeampte, Sakeliga] sluit aan by James Kemp op Sakekern, Pretoria FM. Alberts gesels oor BEE in die lig van die onlangse uitspraak deur die Grondwethof.

Die uitspraak het vir Sakeliga bevind dat die Minister van Finansies, destyds Pravin Gordhan, buite sy bevoegdhede opgetree het, deur te reguleer asof hy wetgewende bevoegdheid gehad het om die 2017-regulasies op grond van die wet op voorkeurverkryging in te stel.

Hierdie regulasies het voorafdiskwalifikasie op grond van BEE-tellings by tenders moontlik gemaak. Die oorwinning volg op Sakeliga se vroeëre sukses in die aangeleentheid voor die Hoogste Hof van Appèl.

Alberts bespreek die uitspraak se impak, asook die pad vorentoe om BEE verder terug te skaal.

Gerhard van Onselen (Sakeliga Strateeg) en Anton Meijer (Pretoria FM) gesels op die Beleidsradar oor die huidige hofaskie teen mediese koepons vir doktersbesoeke.

Die Raad vir Mediese Skemas (RMS) het vantevore na die howe gewend om sulke mediese voorafbetaalkoepons stop te sit.

Die RMS meen hierdie koepons kom neer op die werksaamhede van mediese fondse, maar druis dit in teen markte?

Wat is die voordele van sulke koepons? Watter rol kan dit speel? Waarom will die RMS dit verbied? Die Beleidsradar bespreek.

James Kemp (Pretoria FM, Sakekern) gesels met Gerhard van Onselen (Sakeliga) oor mededingingswetgewing en die onlangse verwysing van Wesbank en Toyota Financial Services na die Mededingingstribunaal oor beweerde verdeling van markte. 'n Aanklag van markverdeling is gewoonlik ernstig in hedendaagse kompetisieregulering. Watter vrae is belangrik vanuit 'n vryemarkbeskouing? Die gesprek kyk ondermeer na dieper vrae oor skade vir verbruikers, reguleerders se beperkinge, en moontlike onvoorsiene gevolge.

Gerhard van Onselen (Sakeliga) gesels met James Kemp op Pretoria FM (Sakekern) oor die nasionale minimum loon. Die gesprek kyk na verskillende probleme met betrekking tot minimum lone en moontlike oorwegings wat nie genoegsaam in ag geneem word nie. Sakeliga het onlangs kommentaar op die voorgestelde NML-verhogings ingedien.

Piet le Roux [Sakeliga HUB] gesels met James Kemp op Sakekern Beleidsradar [Pretoria FM] oor manier wat die Covid-19 ramtoestand hanteer is. Piet le Roux gee ook gedagtes oor wat volgende moet gebeur asook Sakeliga se moontlike litigasie oor die ramptoestand.

Waat bedoel Sakeliga met die term Staatsbestandheid? Gerhard van Onselen (Sakeliga Strategiese Ontleder) gesels op Sakekern Beleidsradar met James Kemp oor Sakeliga se siening oor "staatsbestandheid".

In hierdie week se episode van Beleidsradar kyk Gerhard van Onselen (Sakeliga) en James Kemp (Pretoria FM) oor moeiliker vrae oor die vryemark, werkskepping en die impak van arbeidsbeleid.

In hierdie week se Beleidsradar gesels Gerhard van Onselen met James Kemp [Sakekern, Pretoria FM] oor die vraagstuk van wins en verlies in die konteks van staatsbeheerde instellings. Moneyweb berig dat verskeie belangrike SBOs tans verliese maak en sommige op die rand van finansiële ineenstorting staan. In die vrye markopset is wins gewoonlik 'n aanduiding dat verbruikersvoorkeure gedien word. Kan dieselfde gesê word ten opsigte van SBOs?