In hierdie insetsel van Beleidsradar op Sakekern, Pretoria FM, gesels Gerhard van Onselen en James Kemp oor die onlangse besluit deur die Departement van Omgewingsake, Vissery en Bosbou om Karpowerships se aansoek om omgewingsgoedkeuring te weier. Die saak is kompleks, maar daar word gewonder of goedkeuring onderhewig aan vereistes nie 'n beter opsie sou wees nie. Die span kyk ook na die besluit deur die departement van vervoer waar die Amerikaanse lugredery Delta Air se aansoek om in Kaapstad te mag stilhou van die hand gewys is.

Gerhard van Onselen (Sakeliga) gesels met James Kemp op Sakekern [Pretoria FM] oor die regering se wetsvoorstel vir sektorteikens vir regstellende aksie. Sulke teikens, word gemeen, sal maak dat rompslomp toeneem en markprosesse ontwrig word.

Martin van Staden (Sakeliga) gesels met James Kemp (Sakekern - Pretoria FM) oor die onlangse voorstelle van die ANC, EFF vir staatsvoogdyskap (custodianship) van grond. Hierdie is 'n belangrike wending in die debat oor onteiening. Van Staden verduidelik wat grondnasionalisering kan beteken vir private besitregte en die ekonomie.

Gerhard van Onselen (Sakeliga) gesels met James Kemp op Sakekern (Pretoria FM) oor onlangse uitlatings deur die departement van arbeid en indiensneming oor die strenger beoogde teikens vir regstellende aksie. Die departement meen dat sodanige teikens nie op kwotas neerkom nie. Tog is daar rede om daardie aanname en die impak van hierdie planne op ondernemings te bevraagteken.

Gerhard van Onselen (Sakeliga) gesels met James Kemp op Sakekern, Pretoria FM oor die huidige lokaliseringplanne van die departement van handel, nywerheid en mededinging (DTIC). Hoewel die aansporing van plaaslike vervaardiging wenslik is, maak die manier waarop dit plaasvind saak. Die probleme met invoerbeperkinge en implisiete owerheidsdwang om te lokaliseer word bekyk.

Gerhard van Onselen (ontleder by Sakeliga) gesels met James Kemp op Sakekern, Pretoria FM oor die vereistes van goeie sosio-ekonomiese impakstudies. Sulke studies word onderneem by die maak van nuwe wette en is belangrik om van kennis te neem tydens die prosesse vir deelname op die gebied van openbare beleid.

Daniel du Plessis aan die woord op Pretoria FM se Sakekern. Daniel gee verdere mediakommentaar op die regering se planne vir die beheer van Data en 'Cloud'-dienste in Suid-Afrika.

Die Beleidsradar gesels met Daniel du Plessis (Sakeliga regsontleder en IT-ontwikkelaar) oor Sakeliga se kommentaar op die regering se onlangse plan vir die regulering van data- en ‘cloud’- internetdienste.

Hierdie beleid van die departement van kommunikasie en digitale tegnologie stel ernstige regulatoriese inmenging in die vooruitsig, wat groot gevolge vir ondernemings en IT-ontwikkelaars in Suid-Afrika kan inhou.

Gerhard van Onselen lei die gesprek.

Sakeliga se kommentaar kan hier gelees word: https://sakeliga.co.za/wp-content/uploads/2021/05/2021-04-30-Sakeliga-submission-on-draft-National-Policy-on-Data-and-Cloud-2021.pdf

Gerhard van Onselen gesels met James Kemp op Sakekern - Pretoria FM oor die jongste planne van die Poskantoor om 'n regulatoriese monopolie oor sekere koerierdienste af te dwing. So voorstel kan groot probleme in die mark veroorsaak.

Martin van Staden gesels met James Kemp op Sakekern - Pretoria FM oor die nuwe wetswysigingsvoorstel om die wet op die bevordering van gelykheid en voorkoming van onbillike diskriminasie te wysig. Martin wys op gevare wat nuwe opvattings oor gelykheid in die voorstel inhou. Hierdie opvattings verskil van klassieke gedagtes oor gelykheid. Drakoniese magte word egter daardeur aan owerhede toegeken eerstens om te besluit wat teen gelykheid indruis en tweedens wat op diskriminasie neerkom. Diskriminasie en ongelykheid word dus ‘n sterker politieke karakter gegee en die gevare van arbitrêre vervolging word verhoog.