"यीशु: शिक्षक और डॉक्टर"-कोकबोरोक: देबबर्मा.3gp //1 KORINTH 13Hamjakmani kók1. Ang podrepot kók bai kók saui man phano, suarirokni kók bai suda kók saui man phano, ang buino hamjak ya hwn khe ang kók samani abo keche-keche pungnai bel eba khe uang uang pungnai cheuang hai se klai-o. 2. Ang kók diyari sanani suar tong phano, ang bebak’-no si phano, ang bisingni bebak kók saui man phano, hatháirokno nornani abo tẃi poito ani tong phano, ang buino hamjak ya hwn khe ang kusu buya.Mat 17.20; 21.21; Mar 11.23. 3. Ani tong kwrwi kwrwirokno rw bai phano, sók di hwnwi ani bwsakno rw phano, ang buino hamjak ya hwn khe abo ani mungsa-o chúk ya.4. Hamjaknai borok bo khábo logo, khábo khairogo; hamjaknai borok bo mubo músú ya, kók kotorbo sa ya, kubo kung chuk ya; 5. hamjaknai borok lachimasingcha khlai ya, sakni kaham simi nai ya, kisa bai joli ya; hamjaknai borok hamya khlaijakmarokno bwkha tẃi ya; 6. bo samung hamyani bagwi tongthokjak ya, kubui bai se tongthokjago. 7. Hamjaknai borok bwkha bái phlai ya; bo poito khlai máng tongo, khatung máng tongo, khá lok máng tongo.8. Hamjakmani abo thak ya; kók diyari samani abo srapsani bagwi se, hámung sini ya kók samani abo tong glak, kók elemni tongmani abobo kwmanai. 9. Tamni hwn ba chwng kisicha se si-o, chwng kók diyari samabo kisicha se; 10. hakhe a sói-sói phaiwi sók phai khe a kisicha tongmarok kwmaui thángnai.11. Ang chwrai phuru chwrai hai’-no kókbo sa-o, chwrai hai’-no uabo uansugo, chwrai hai’-no sibo si-o; tabuk torwi ang tei chwraini tongmung tong li ya. 12. Tabuk chwng nukmani abo aina hamya naima hai; aphuru chwng dadak-didik khe nuknai. Ang tabuk simani abo kisicha se, aphuru Kaitor tabuk ano saui manma tẃi’-no angbo bebak’-no saui man anw.13. Poito khlaimani, khatungmani, hamjakmani, o mungtham tong phlainai, tamo khe abórokni bere hamjakma’-no tor kugo.
