Labhraíonn Ciarán Ó Maonaigh le Seán faoi chúrsaí ceoil, scannánaíochta agus a shraith raidió nua - Ceol an Ghleanna - a bheidh a chraoladh gach oíche Déardaoin ag a 7 ar RTÉ Raidió na Gaeltachta. Faighimid amach faoi na rudaí a spreag Ciarán mar cheoltóir, a thaithí ag stiúradh Sé Mo Laoch agus go leor eile. 

Labhraíonn Aoife Granville le Seán faoina cuid ceoil agus an t-aistear iontach atá déanta aici sa cheol traidisiúnta. Faighimid amach faoi na ceoltóirí eile a bhí ina thionchar uirthi agus an cultúr ceoil sa Daingean. Insíonn Aoife dúinn faoin mbéaloideas agus cé chomh tábhachtach is atá a cuid oibre san ábhar sin di. Labhraíonn Aoife chomh maith faoina ról nua ar an gComhar Ealaíon agus feachtas atá tosaithe le pictiúrlann An Phoenix sa Daingean a shábháil.

Labhraíonn Medb Ní Dhúláin le Seán faoina chuid oibre mar léiritheoir agus físiriseoir, agus í ag obair le Meon Eile agus Below The Radar. Insíonn sí dúinn faoin dóigh a thosaigh sí ag obair sa teilifís, na rudaí a spreag í dul sa treo sin agus an tábhacht a bhaineann le scéalta agus an teicneolaíocht nua ina cuid oibre. Labhraíonn sí chomh maith faoin gCLG agus a club áitiúil, agus an tábhacht atá ag sin di.

Labhraíonn Éanna Ó Conchúir le Seán faoi Fhéile Ceoil Bhaile na nGall atá ar siúl thar an deireadh seachtaine (15-17 Aibreán), le scoth an cheoil, filíocht agus go leor eile.

Labhraíonn Siún Ní Dhuinn le Seán faoina ról mar Chomhordaitheoir Digiteach Gaeilge le RTÉ, an tábhacht a bhaineann leis an idirlíon agus na meáin shóisialta sa Ghaeilge agus an tsraith iontach Beo Ar Éigean. Tugann sí súil siar ar na cuimhní is fearr atá aici ó Bheo Ar Éigean agus a cairdeas le hÁine agus Sinéad, agus labhraíonn sí faoina priontaí ‘As An Nua’ agus iarchéim atá idir lámha aici faoi láthair.

Labhraíonn Michelle Nic Grianna faoin méid iontach atá ar siúl aici agus bainte amach aici sa chraoltóireacht. Insíonn sí dúinn faoi Barrscéalta agus an tábhacht a bhaineann leis an tsraith go háitiúil agus go náisiúnta. Faighimid amach faoi bhuaicphointí móra craoltóireachta Mhichelle (gradam do Phearsa Raidió na Bliana ag Féile na Meáin Cheiltigh san áireamh), na rudaí is taitneamhaí faoi bheith ag obair ar Barrscéalta agus na scéalta is mó a chuaigh i bhfeidhm uirthi. Insíonn Michelle dúinn chomh maith faoin gceiliúradh ar 50 bliain de Raidió na Gaeltachta agus ceolchoirm mhór a bhí ar siúl an Satharn seo caite.

Labhraíonn Róisín Adams le Seán faoin méid atá a dhéanamh i mbliana le comóradh a dhéanamh ar shaol agus ar shaothar Chathail Uí Shandair, duine de na scríbhneoirí is rathúla agus is aitheanta riamh in Éirinn, a scríobh 120 leabhar do pháistí, foilsithe ag An Gúm. Faighimid amach faoi thaispeántas atá ag taisteal ar fud na tíre, sraith raidió agus leathanaigh ar líne ina bhfuil eolas fíorshuimiúil a chur in airde gach lá. Tugann Róisín léargas iontach dúinn ar an údar, an cineál duine a bhí ann agus an tionchar a bhí aige ar litríocht agus léitheoireacht sa tír seo.

Labhraíonn Caitlín Ní Chualáin le Seán faoin amhránaíocht ar an sean nós, Corn na mBan agus Corn Uí Riada a bhaint ag Oireachtas na Samhna, na daoine a bhí ina thionchar mhór ar a cuid amhránaíochta, agus na bealaí a dhéanann sí an sean nós a chur chun cinn ina cuid amhránaíochta agus ar an stáitse. Insíonn Caitlín dúinn faoi Raidió na Gaeltachta, atá ag ceiliúradh 50 bliain ar an bhfód, agus an tábhacht a bhaineann leis an stáisiún. 

Labhraíonn Manchán Magan le Seán faoin tsraith nua – An Fód Deireanach – a théann amach gach tráthnóna Déardaoin ar TG4 agus a shraith raidió / podchraoladh nua Home Stories, a thosóidh ar an 16 Aibreán. Faighimid amach faoina chamchuairt Arán agus Im agus na leabhair atá scríofa aige - Dána Gránna – Nasty Words for People, Thirty-Two Words for Field agus Tree Dogs, Banshee Fingers and Other Irish Words for Nature agus Sea Tamagotchi.

Labhraíonn Dónal O’Connor le Seán faoina shaothar leathan ceoil agus scannánaíochta. Insíonn sé dúinn faoina chúlra saibhir ceoil, saothar le bannaí ar nós Ulaid agus At First Light agus na rudaí a spreag é mar léiritheoir ceoil, agus a stiúideo féin RedBox Recording aige. Faighimid amach faoi Táin Media, na cláracha teilifíse atá léirithe aige (Seán Ó Riada: Mo Sheanathair agus Sruth, ina measc) agus albam nua de chuid Muireann Nic Amhlaoibh, Róisín Reimagined atá léirithe aige. Insíonn sé dúinn faoi ceolchoirm mhór atá a léiriú le ceiliúradh a dhéanamh ar 50 bliain de RTÉ Raidió na Gaeltachta.