Labhraíonn Neil Ó Briain le Seán faoina halbam nua Achar. Chum Neil tromlach na n-amhrán go húr agus insíonn sé dúinn faoi na rudaí a bhí ina thionchar ar na hamhráin. Faighimid amach faoina haistear ceoil, ó thosaigh sé ag ceol os comhair an phobail agus é ina chónaí sa tSeapáin go dtí an lá inniu. Déanann Neil cur síos ar a shraith raidió Ar Thóir an Giotár Gaelaigh agus buaicphointí móra ceoil.

Labhraíonn Máire Bhreathnach le Seán faoin tsraith is déanaí de I Lár An Aonaigh, a théann amach gach oíche Luan ar BBC 2 NI. Insíonn sí dúinn faoin saothar iontach atá déanta aici (An Focal Scoir ar BBC NI, Blas ar BBC Raidió Uladh agus an scannán Rocky Ros Muc), a cuid oibre i gceannas ar Rannóg na Gaeilge le Below The Radar, a gradam do Phearsa Theilifíse na Bliana ag Gradaim Chumarsáide an Oireachtais agus go leor eile.

Labhraíonn Tadhg Óg Mac Dhonnagáin le Seán faoina shraith úr 'Istigh Liom Féin'. Seo an chéad sraith atá stiúrtha ag Tadhg agus insíonn sé dúinn faoi theáma na sraithe - meabharshláinte na bhfear - an phróiséas a bhí i gceist agus an tábhacht a bhaineann le labhairt faoin ábhar seo. Sraith le ceithre eagrán atá ann, atá a chraoladh ar BLOC TG4 agus déanann Tadhg cur síos ar na heagráin ar fad, agus cloisimid faoina thaithí iontach sa scannánaíocht go dti seo.

Labhraíonn Richie Conroy le Seán faoina úrscéal úr 'Dialann Emily Porter: Thíos Seal, Thuas Seal' atá díreach foilsithe ag LeabharCOMHAR. An dara leabhar sa tsraith, insíonn Richie dúinn faoi na carachtair, difríochtaí ón chéad leabhar agus duais mór a bhain an leabhar ag Comórtas Liteartha an Oireachtais 2020. 

Labhraíonn Ciarán Dunbar le Seán faoin iriseoireacht agus faoina leabhar nua 'Síolta', a thugann léargas cuimsitheach ar na pobail Ghaeilge atá ag déanamh an teanga agus an chultúr a chur chun cinn ar fud na tíre agus i gcéin.

Labhraíonn Diarmuid Lyng, iar-chaptaen iománaíochta Loch Garmán agus fear atá an-bhaint aige leis an teanga, faoi Wild Irish Retreats. Bhí Diamuid mar dhuine de na bunaitheoirí agus cuireann siad dísirt ar fáil ar fud na tíre, amuigh san fhiantás, le deis a thabhairt do dhaoine nasc a chruthú leo féin, leis an timpeallacht, lenar gcultúr agus ár n-oidhreacht. 

Labhraíonn Jack O'Rourke, amhránaí, ceoltóir agus cumadóir tréitheach le Seán faoina halbam nua 'Wild Place'. Insíonn sé dúinn faoi na rudaí a spreag na hamhráin agus faoin bpróiséas taifeadta. Tugann sé súil siar ar bhuaicphointí móra atá bainte amach aige agus labhraíonn sé faoi na ceolchoirmeacha atá ag teacht aníos aige. 

Labhraíonn Marina Ní Dhubháin, aisteoir agus scríbhneoir, le Seán faoin obair atá ar siúl ag an gcompántas drámaíochta Giorria agus an seó - Faoi Scáth, Le Chéile - a bheidh ar siúl i Seanscoil Sailearna in Indreabhán ar an 13-14 Samhain.

Labhraíonn Mary Kennedy le Seán faoi na cláir teilifíse iontacha atá a chruthú aici le bliain anuas - Moving West & Guaranteed Irish ar TG4, agus An tSlí ar RTÉ. Insíonn sí dúinn faoin leabhar nua - Journey To The Well: Connecting to Celtic Ways and Wisdom - a scríobh sí lena deirfiúr Deirdre, agus a saothar iriseoireacht, chomh maith le hobair feachtasaíochta atá ar siúl aici do World Osteoporosis Day. 

Labhraíonn Séaghan Ó Súilleabháin agus Eimear Fitzpatrick le Seán faoi Gaeilge 24. Insíonn siad dúinn faoin obair atá a dhéanamh acu mar ghníomhairí do Gaeilge 24 agus tugann siad moltaí den scoth leis an teanga a chothú agus a chleachtadh go laethúil.