Labhraíonn Aedraen Ó Dubhghaill le Seán faoi Choláiste Lurgan agus TG Lurgan, agus an obair iontach atá ar siúl aige ansin. Insíonn sé dúinn faoin bhfeachtas atá a reáchtáil ag Coláiste Lurgan maidir le hathnuachan atá ag teastáil don ionad ina bhfuil siad lonnaithe. Faighimid amach faoi na rudaí a spreag Aedraen sa Ghaeilge, a thaithí ollscoile in Ollscoil Mhá Nuad (ina bhfuair sé céim agus MA), an traenáil múinteoireachta atá a dhéanamh aige agus go leor eile.

Labhraíonn Tadhg Mac Dhonnagáin le Seán faoin úrscéal nua 'Madame Lazare' atá foilsithe aige, leabhar atá ainmnithe do Ghradam Uí Shúilleabháin i mbliana. Insíonn Tadhg dúinn faoin bpróiséas scríbhneoireachta, na rudaí a bhí ina spreagadh aige agus faoi charachtair agus suíomhanna an leabhair. Labhraíonn Tadhg faoina chuid oibre mar fhoilsitheoir le Futa Fata agus Barzaz chomh maith. 

Labhraíonn an damhsóir aitheanta Sibéal Davitt faoin méid iontach atá bainte amach aici sa rince agus faighimid amach faoin seó nua - Minseach - a bheidh ar siúl mar chuid den Dublin Fringe Festival. Insíonn sí dúinn faoi buaicphointí agus deá-chuimhní rince, an bpróiséas a bhí i gceist le Minseach a chruthú agus na téamaí a bheidh le feiceáil sa seó. 

Labhraíonn an ceoltóir agus cumadóir aitheanta Méabh Ní Bheaglaoich le Seán faoina saol sa cheol agus a albam nua 'Mise Le Meas', atá ar fáil ar bandcamp faoi láthair. Scríobh Méabh tromlach na n-amhráin ar 'Mise Le Meas' agus pléann sí na téamaí agus scéalta a thug spreagadh di agus í i mbun cumadóireachta. Insíonn sí dúinn faoin bpróiséas taifeadta agus buaicphointí móra sa cheol. 

Labhraíonn Gearóid Ó Cairealláin le Seán faoina shaothar saoil - Lá, Preas an Phobail, Raidió Fáilte, Cultúrlann MacAdam Ó Fiaich, Aisling Ghéar, a sheó stáitse 'The Wheelchair Monologues' agus an sraith raidió 'Elvis: Beo Go Deo' a bhíonn ar Raidió Fáilte gach Aoine ag a 3. 

Labhraíonn an file agus scríbhneoir aitheanta Áine Ní Ghlinn le Seán faoin gcnuasach filíochta Rúin Oscailte (foilsithe ag Coiscéim agus ainmnithe do Ghradam Uí Shúilleabháin 2021). Insíonn Áine dúinn faoin bpróiseas a bhí I gceist leis na dánta agus an leabhar a scríobh, téamaí na ndánta agus na hathruithe atá tagtha ar shaol na scríbhneoireachta mar bhean agus mar Ghaeilgeoir. Déanann Áine cur síos ar an méid iontach atá ar siúl aici mar Laureate na nÓg, an chéad laureate le formhór dá saothar I nGaeilge, agus togra iontach – An Bosca Leabharlainne- seolta acu an seachtain seo.

Labhraíonn Eoin McEvoy le Seán faoin dráma fuaime Idir Mise agus Craiceann do Chluaise, atá a chur i láthair ag Aerach Aiteach Gaelach don Dublin Fringe Festival. Tá script don dráma scríofa ag Eoin agus ag Ciara Ní É, bunaithe ar scéal Alan Walpole, le ceol ó Aoife Ní Mhórdha agus le healaín ó Tadhg Ó Ciardha. Beidh an seó ar siúl ón 24-26ú Meán Fómhair i gClub an Chonradh, le tacaíocht ó Oireachtas na Gaeilge. Tá ticéid ar fáil ag fringefest.com. Faighimid amach chomh maith faoin méid iontach atá ar siúl ag Aerach Aiteach Gaelach, agus suíomh idirlíne iontach acu ar aerachaiteachgaelach.net

Labhraíonn Tadhg Ó Ciardha le Seán faoina shaol mar ealaíontóir, scríbhneoir agus ceoltóir. Insíonn sé dúinn faoin MA atá déanta aige sa Bhéaloideas agus Drámaíocht agus saothar fíorshuimiúil atá cruthaithe aige mar pháirt de sin. Faighimid amach faoin ealaín a chruthaíonn sé agus atá a dhíol aige, faoi shraith t-léinte atá deartha aige, agus na rudaí is mó a bhíonn ina thionchar ar a shaothar. Insíonn Tadhg dúinn faoin ealaín atá a chruthú aige do sheó Idir Mise agus Chraiceann do Chluaise agus faoina chuid ceoil.

Labhraíonn Aodán Ó Ceallaigh le Seán faoin amhránaíocht ar an sean nós, Corn na bhFear (atá buaite trí uaire aige) agus na lúibíní ag Oireachtas na Samhna. Insíonn sé do Sheáin faoina chéim mháistreachta sa Ghnó agus IT trí Ghaeilge agus an suim atá aige i ngairmeacha éagsúla, a shraith raidió iontach Beatha na Gairme (gur féidir éisteacht siar leis ar SoundCloud anois) agus saothar aisteoireachta le hAisteoirí Bulfin agus Guthanna Binne Síoraí, agus tograí éagsúla le guthú agus ar an raidió.

Labhraíonn Pax Ó Faoláin le Seán faoina thaithí agus saothar leathan sa cheol traidisiúnta agus faoina bhua iontach mar fhidléir leis an bhuíon cheoil Nuadán. Insíonn sé dúinn faoin albam nua ‘Dén Díobháil’ atá eisithe acu, ról úr atá ag Pax sa cheol traidisiúnta le TG4, físeáin a rinne sé le Cúla 4 ar Scoil agus go leor eile. Faighimid amach faoin obair a rinne Pax ar Fhéile na Leathghealaí anuraidh agus ar na drámaí ‘Cruachás’ agus ‘Rogha Gach Díogha’ le Cumann Drámaíochta UCC. Labhraíonn Pax chomh maith faoin gcéim sa cheol a bhain sé amach ó Cheolscoil Chorcaí agus MA sa Bhainistíocht Ealaíon agus Léiritheoireacht Chruthaitheach ó UCC.