Labhraíonn Stiofán Ó Briain le Seán faoin dochtúireacht atá idir lámha aige i UCD agus an méid atá ar siúl aige le Cumann Mhic Léinn Cheiltise na hÉireann agus comhdháil Mhic Léinn Cheiltise 2020. Cloisimid faoina mhír ‘Focal an Lae’ ar Twitter agus na focail is fearr leis, insíonn sé dúinn faoina shaothar scríofa – na dánta ‘Éiric’ agus ‘Fearg agus Fraoch’, an scéal béaloidis ‘Fear Báite Bád’ agus go leor eile.

Labhraíonn PJ Mac Láimh le Seán faoina shiopa bearbóra nua Chop Central, atá ar oscailt ar phríomhshráid an Daingin. Insíonn sé do Sheáin faoin bhearbóireacht, stíleanna éagsúla agus an méid atá déanta aige le foireann caide An Ghaeltacht i gCiarraí, buaiteoirí Chomórtas Peile na Gaeltachta 2019. 

Labhraíonn John Sharpson le Seán faoi chúrsa nua ar líne a bheidhs a chur i láthair aige le CPD College - Six Bricks - agus tugann sé súil siar ar bhuaicphointí móra Home School Hub agus After School Hub, a shaothar le RTÉ JR, na físeáin ar Youtube a dhéanann sé (an TRY Channel, Sharuf agus Areyahavinthat) agus Bleaist Eolaíochta ESB na bliana seo.

Labhraíonn Seán Ó Baoill le Seán faoin tsraith nua de An Focal Scoir atá ag dul amach gach oíche Luan ag 10in ar BBC2 Thuaisceart Éireann, faoi shraith nua de I Lár An Aonaigh atá ar an bhealach, obair le Meon Eile agus Ros na Rún, a shraith An Teach Seo Againne (RTÉ) agus togra úr atá ag teacht aníos sna míonna amach romhainn.

Labhraíonn Ian Mac Gabhann le Seán faoin méid atá bainte amach aige agus ar siúl aige faoi láthair – a ról mar oifigeach oideachais le Gael Linn, an méid atá déanta aige le hICUF i gCeanada, saothar leathan raidió atá déanta aige thar na blianta. Insíonn sé do Sheáin faoina chuid ceoil, an t-amhrán Is Cuimhin Liom ach go háirithe, agus faoina leathanach Instagram nua Aplotment33 a dhéanann cur síos ar an aistear atá a dhéanamh aige ag cur agus ag fás glasraí sa chathair.

Labhraíonn Ola Majekodunmi le Seán faoin méid a bhí ar siúl aici ó bhí sí ar an gclár anuraidh – a cuid iriseoireachta le Nós, a clár raidió Afra-Éire ar Raidió na Life, an scríbhneoireacht chruthaitheach a dhéanann sí, a cuid oibre theilifíse agus róil atá aici le Foras na Gaeilge, Mother Tongues Ireland agus Beyond Representation, i measc go leor rudaí eile.

Labhraíonn Cian Ó Cíobhain le Seán faoin 22 bliain atá caite aige ag cur An Taobh Tuathail i láthair ar RTÉ Raidió na Gaeltachta. Tugann sé súil siar ar na rudaí is mó a spreag an grá atá aige don cheol, na rudaí a tharraing i dtreo a cheird mar DJ é agus labhraíonn sé faoina chuid buaicphointí agus cuimhní móra óna shaol leis an gceol go dtí seo, scéal suimiúil faoin gceoltóir, léiritheoir agus DJ Andrew Weatherall agus go leor eile.

Labhraíonn Gráinne Bleasdale le Seán faoina thaithí sna meáin le cúig bliana déag anuas - ag aisteoireacht, ag obair mar láithreoir, ag puipeadóireacht, ag plé le cúrsaí ceoil agus spórt, agus neart eile. Tugann sí súil siar ar a ról agus a cuid taithí le Aifric, drámaí móra ar an stáitse atá déanta aici (Tóraíocht, An Triail, Fornocht Do Chonac agus eile) agus an ghrá atá aici don phuipeadóireacht. Déanann sí cur síos ar an méid atá idir lámha le déanaí - Scléip 2021 (ina raibh sí mar mholtóir), Cúl Camps ar TG4 agus a ról mar Mhichelle i Ros na Rún. 

Labhraíonn Pádraig Jack le Seán faoin conradh foilsitheoireachta nua atá taifeadta aige le Beautiful World Music. Beidh sé ag cumadh amhráin lena hathair, Barry Ronan, mar chuid den togra, agus insíonn Pádraig dúinn faoi bheith ag cruthú ceoil le Barry. Insíonn Pádraig dúinn chomh maith faoina halbam iontach Making Sand agus faoi thogra úr atá idir lámha aige, Barrdair an Cheoil, le cúigear ceoltóirí agus cumadóirí eile ó Éirinn agus an Bhreatain Bhig. 

Labhraíonn an ceoltóir agus cumadóir Brídín faoina EP nua Ocean Of Stars agus a saol mar cheoltóir agus mar adhlacóir, ábhar a bhí faoi chaibidil ar chlár faisnéise ar RTÉ le déanaí agus in agallamh a rinne Brídín ar The Tommy Tiernan Show. Insíonn Brídín do Shéain faoina thaithí le ceol san ollscoil i UCC i gCorcaigh, faoin tionchar atá ag an baile ar a cuid ceoil, na rudaí is mó a spreagann í agus neart eile.