У новым выпуску ТОК палітолаг Роза Турарбекава расказвае прыгожую гісторыю кахання, якая прывяла яе ў Беларусь. Параўноўвае беларусаў і казахаў і вельмі дакладна фіксуе нашы нацыянальныя рысы. Гаворыць пра падабенства і рознасць паміж казахскім дыктатарам Нурсултанам Назарбаевым і Аляксандрам Лукашэнкам, а таксама паміж збудаванымі імі сістэмамі. Кажа пра экзістэнцыйную пагрозу Расіі і «рускага свету», якую вельмі добра разумеў і Назарбаеў, але ў адрозненне ад Лукашэнкі, спрыяў разбудоўванню ўнутры краіны ўсяго нацыянальнага.

Роза Турарбекава больш за 20 гадоў адпрацавала ў БДУ і была дацэнткай самага прэстыжнага факультэта міжнародных адносінаў. У нашай размове яна згадвае рэктара Аляксандра Казуліна і дэкана Віктара Шадурскага, а таксама скандальна вядомага Андрэя Караля. Апісвае, як спецслужбы кантралявалі ўніверсітэт і расказвае пра свайго выпускніка, які вярнуўся ў БДУ праводзіць чысткі. Прыгадвае, як студэнты ФМА рагаталі са старшыні Савета Рэспублікі Наталлі Качанавай, калі тая прыйшла ў БДУ расказваць канспіралогію пра «План Далеса».

Роза таксама тлумачыць, навошта Лукашэнка вярнуў у сваю Адміністрацыю Наталлю Пяткевіч, чаму над ёй паставіў Дзмітрыя Крутога і якія задачы ў новага кіраўніка МЗС Максіма Рыжанкова.

00:00 – вырвана з кантэксту

00:31 – як выйшла замуж за беларуса

02:58 – як бацькі ўспрынялі шлюб

10:22 – рознасць менталітэтаў беларусаў і казахаў

14:21 – «Беларусы ўмеюць лічыць і пралічваць»

17:16 – «Маўчанне – не знак згоды ў беларусаў»

22:27 – пераезд з казахскай дыктатуры ў беларускую

26:46 – дачэпкі прапагандыстаў

29:05 – пра выбары ў Беларусі і рэпрэсіі супраць мужа

36:45 – за каго галасавала на выбарах

37:26 – ці сапраўды БДУ гадзючнік

38:56 – пра Казуліна

39:52 – як выперлі з універсітэта

45:33 – «КДБ заўжды кантраляваў БДУ»

49:50 – як святкавалі 8 Сакавіка ў БДУ

53:54 – пра родны Алматы, дзе жыло 57% расіян

57:58 – як выцеснілі расіян з Казахстана

1:03:40 – чым Назарбаеў падобны да Лукашэнкі

1:10:43 – «Назарбаеў заўжды разумеў, наколькі Расія небяспечная»

1:14:29 – «Лукашэнка – антынацыянальны дыктатар»

1:18:20 – як Такаеву ўдалося пасунуць Назарбаева

1:25:12 – прэтэнзія і пытанне да Лукашэнкі

1:26:47 – хто можа стаць пераемнікам Лукашэнкі

1:28:16 – самыя ўплывовыя асобы ў атачэнні Лукашэнкі

1:28:59 – навошта Лукашэнка дастаў з шафы Пяткевіч

1:29:35 – што зменіцца з прыходам Рыжанкова і Крутога

1:32:17 – пра Макея і экс-пасла Беларусі ў Германіі Сідарэнку

1:36:24 – пра сына, які адмовіўся ад рускай мовы

1:41:43 – пра дачку

1:46:48 – чаму называюць «праўладнай прапагандысткай»

1:51:59 – чаму пайшла ў палітыку і ўвайшла ў кааліцыю з Рымашэўскім

2:02:19 – пра Паўла Латушку

2:06:02 – навошта пайшла ў КР

2:15:24 – чаму пайшла з КР

2:17:54 – аб працы Ціханоўскай і Офіса

2:21:02 – як прымусіць Лукашэнку пачаць адлігу

2:24:36 – чаму галасуе за Бабарыку

2:26:52 – БЛІЦ: Ціханоўская ці Латушка, Тэтчэр ці Меркель, Чынгісхан ці Македонскі

2:28:25 – як перастаць баяцца

2:31:02 – чаму беларусы могуць навучыцца ў казахаў