Sideout - Ein volleyballpodkast! 🎧🏐

Lars Fredrik Tvinde og Anders Mol hadde det så kjekt i forrige pod at dei rett og slett laga endå ein episode! Denne gongen tek dei føre seg nokre av utfordringane vi har i norsk volleyball og sandvolleyball, og diskuterer vidare om kva ønskjer dei har for framtida. Kanskje det er noko du kjenner deg igjen i? 

God lytting!

Christian Sørum og Anders Mol, frå Noreg, har blitt tidenes beste herrelag i sandvolleyball (det er Sideout sin påstand). Men sjølv om ein no er på topp, så starta ikkje reisa der. Lars Fredrik har med seg Anders i studio for å prate om denne reisa, og kva eigenskapar som har vore viktige på vegen. Korleis har det vore å vere utfordrar, og korleis er det å vere verdas beste? Og ikkje minst; korleis er det å gå frå å vere jegaren, til å bli jakta på? 

God lytting!

I denne Sideout’en diskuterer karane deira erfaringar med foreldre i volleyball og sandvolleyball, og kva dei ser som gode eller mindre gode eigenskapar hos dei som har ei slik rolle. Kva tenkjer tre gutar frå Førde om korleis ein kan hjelpe ungane sine på best mogleg måte? God lytting!

Trioen Bjarne, Bendik og Lars Fredrik gjer "comeback" med ny sesong. I denne pod'en får du ein kort oppdatering frå karane,  samt at vi dreg fram nokon av dei råaste prestasjonane frå volleyballnoreg i seinare tid. 

God lytting! 🎧

Tema: Angrep

Bendik og Bjarne Nikolai drøftar seg gjennom ferdigheiten angrep i volleyball og sandvolleyball, med fokus på følgjande fire punkt:

1. Tilløp
2. Timing
3. Valg
4. Mentalitet

Korleis kan vi guide utøvarane våre til å bli betre angriparar?

God lytting!

Kva er god teknikk?

Bendik og Bjarne Nikolai reflekterar rundt kva som er god teknikk i idrettane våre, og korleis ein på best mogleg måte kan hjelpe utøvarar. 

• Kva er dei viktigaste faktorane for trening av teknikk?
•  Korleis kan vi vite at teknikken vi ønskjer hjelper, og ikkje avgrensar ein utøvar? 
• Og når bør vi hjelpe ein utøvar med å endre teknikk? 

Dette er nokre av spørsmåla dei er innom.

God lytting!

Tema - Legging

Bendik og Bjarne Nikolai går i djupna på legging i volleyball og sandvolleyball. Dei er innom både teknikk og taktikk i ulike situasjonar. 

• Kva kjenneteiknar dei beste oppleggarane i verda? 
• Og kven meiner karane er den beste oppleggaren i verda? 

God lytting!

Tema:  Kva er god kultur?

Bjarne Nikolai og Bendik går i djupna på kva kultur i eit lag kan vere, og korleis vi kan jobbe for å skape ein god kultur over tid. Her er nokre av punkta dei er innom:

- Tillit
- Konflikt
- Forpliktelse
- Ta ansvar
- Personleg suksess vs eit lag sin suksess

Sjekk gjerne ut boka «The Five Dysfunctions of a Team» av Patrick Lencioni.

God lytting!

Tema: Blokk

Bendik og Bjarne Nikolai går i djupna på ferdigheiten blokking i volleyball og sandvolleyball. Korleis kan vi bli betre blokkarar? Her er nokre av punkta dei er innom:

- Kvifor blokkar vi?
- Teknikk og taktikk
- Evnen til å lese
- Korleis trene blokking best mogleg?

God lytting!

Brukar vi tida vår på trening godt nok i dag? 

Bendik og Bjarne Nikolai diskuterer blant anna det, og er innom følgjande:
- Utfordringar i dag
- Mål med treningsøkta
- Effektiv bruk av tid
- Oppvarming
- Ball over nett
- Organisering

God lytting!