S01E10

  – Gunna Dís er fjölmiðladrottning Íslands en sömuleiðis bæjarstjórafrú á Húsavík. Hún er vopnfirðingur og fyrrverandi fyrirmyndarbarn. Hún klæddi sig síðan í hvítar pollabuxur og hvíta Buffalo-skó og tók næntísið með trompi. Hún leitaði að sjálfri sér í Chile en fann ekki, vann síðan á mögulega öllum útvarpsstöðvum landsins. Harkalegar barneignir, að finna lífsförunautinn 27 ára, sigurförin með Andra Frey á Rás 2 og 6 stærðfræðiáfangar í einu. Afskaplega glaðlegt spjall

 – Hljóðkirkjan býður upp á 4 þætti í viku. Dómsdagur á mánudögum, Draugar fortíðar á miðvikudögum, Snæbjörn talar við fólk á fimmtudögum og Besta platan á föstudögum.

S01E09

  – Magni Ásgeirs er sá maður sem spannar allt á milli þess að vera sveitastrákur og rokkstjarna. Hann er einn sjóaðasti söngvari landsins, tónlistarkennari og annálað ljúfmenni. Hann öðlaðist heimsfrægð í raunveruleikaþættinum Rock Star: Supernova og kippti sjálfum sér síðan niður á jörðina eftir að með hjálp frá fólkinu í kringum sig. Hann gætir barnanna sinna á daginn og býr á Akureyri. Og hann er náttúrlegur töffari. Beinskeytt spjall.

 – Hljóðkirkjan býður upp á 4 þætti í viku. Dómsdagur á mánudögum, Draugar fortíðar á miðvikudögum, Snæbjörn talar við fólk á fimmtudögum og Besta platan á föstudögum.

S01E08

  – Magga Maack var bara DJ Mokki litli á Kofa Tómasar frænda þegar ég sá hana fyrst. Nú er hún framkomudrottning Íslands númer 1, stýrir veislum og öðrum uppákomum, kennir dans, dansar sjálf, upphefur lágmenninguna og leysir lífsins gátur með samskiptum og beinum samskiptum. Hún segist ekki hafa orðið hún sjálf fyrr en á unglingsárum en þegar hún svo komst í rétta taktinn tók hún málið hann rígföstum tökum og heldur enn. Og svo segir hún hlutina alltaf eins og þeir eru. Gott spjall.

 – Fáðu 5% afslátt af ÖLLU í vefverslun Hljóðfærahússins – www.hljodfaerahusid.is – með afsláttarkóðanum STVF í heila viku frá því að þessi þáttur fer í loftið.

S01E07

  – Ragnhildur Steinunn er ein af þessum manneskjum sem maður gæti haldið að væri fullkomin og sennilega er hún nær því en mörg okkar hinna. En hún er líka manneskjan sem er gersamlega óhrædd við að viðurkenna að hún er einmitt ekki fullkomin. Hennar líf fór öðruvísi af stað en hjá okkur flestum og æskan mótaði hana fyrir lífstíð, góðu hlutirnir og slæmu. Og síðan virðist hún bara hafa gert góða hluti og allt á sínum forsendum. Inspírerandi spjall.

 – Fáðu 5% afslátt af ÖLLU í vefverslun Hljóðfærahússins – www.hljodfaerahusid.is – með afsláttarkóðanum STVF í heila viku frá því að þessi þáttur fer í loftið.

S01E06

  – Guðrún er díva. Hún er ekki díva á þann hátt að hún berist á og láti hafa fyrir sér. Nei þvert á móti, hún er söngdíva sem virðist ekki gera sér grein fyrir að hún er það. Hún er líka dagskrárgerðarkona af bestu og reyndustu gerð og ein aðgengilegasta manneskja sem ég hef hitt. Það var gaman að heyra hana rifja allt upp sem hún virtist vera búin að gleyma, koma því í (vonandi nokkurn veginn) rétta tímaröð og fá að vita alla þessa hluti um hana sem mér hefði ekki dottið í hug að spyrja um. Gefandi spjall.

 – Fáðu 5% afslátt af ÖLLU í vefverslun Hljóðfærahússins – www.hljodfaerahusid.is – með afsláttarkóðanum STVF í heila viku frá því að þessi þáttur fer í loftið.

S01E05

  – Björn er trymbillinn í Mínus. Það eitt og sér er meira en flestir ná að toppa á ferlinum og við hefðum auðveldlega getað látið það málefni fylla allt spjallið. En auðvitað er hann miklu meira en það. Bjössi er einn af þekktari leikurum þjóðarinnar í dag, fjölskyldumaður sem hefur þurft að tækla mörg mál á leiðinni í gegnum lífið og hann er einn af þessum vinum manns sem maður veit ekkert um fyrr en maður spyr. Ég spurði og hann svaraði af einlægni og áhuga. Frábært spjall.

 – Fáðu 10% afslátt af öllum rafgítörum og -bössum í vefverslun Hljóðfærahússins – www.hljodfaerahusid.is – með afsláttarkóðanum STVF í heila viku frá því að þessi þáttur fer í loftið.

S01E04

  – Felix Bergsson vann Músíktilraunir með Greifunum 1986 sem eitt og sér er auðvitað ærið. Felix er leikari, söngvari, dagskrárgerðarmaður, innvinklaður júróvisjónsérfræðingur, talsetjari, rithöfundur og svo miklu fleira. Svo miklu fleira að ég get alls ekki talið það allt saman upp. En fyrst og fremst er hann maður sem gaman er að tala við. Og svo brosir hann endalaust.

 – Fáðu 15% afslátt af öllum Naim hljómtækum í vefverslun Hljóðfærahússins – www.hljodfaerahusid.is – með afsláttarkóðanum STVF í heila viku frá því að þessi þáttur fer í loftið.

S01E03

  – Stefán Máni er sennilega myrkasti rithöfundur þjóðarinnar. En svo er hann svona óskaplega dásamlegur, bjart- og réttsýnn. Lífið fyrir frægðina, Svartur á leik, að gefa út glænýja ástarsögu og hvernig gera skal einfalt flókið. Já, þetta mikilvæga heilræði um hvernig flókið verður einfalt. Mikilvægt spjall um allt og ekkert.

S01E02

  – Ilmur Kristjánsdóttir er ein af bestu leikkonum þjóðarinnar. Stelpurnar, Ástríður, Ófærð, stjórnmálin, leiklistarskólinn og hvar sannleikurinn liggur. Óvænt rant um Red Hot Chili Peppers í upphafi þáttar og að lokum hvernig leika skal manneskju sem sest á teiknibólu.

S01E01

  – Siggi Hlö er maður í mörgum lögum. Ímyndin er eitt og hann fyllir svo sannarlega út í hana en þá er sagan svo sannarlega ekki öll. Breiðholtið, uppeldi þá og nú, Með hausverk um helgar, líf, dauði, töff og ekki töff.

 – Fáðu 15% afslátt af öllum DJ-græjum í vefverslun Hljóðfærahússins með afsláttarkóðanum STVF og vertu plötusnúður – eins og Siggi Hlö.