Sòkòy

Èske fason ou di l sa w ap di a se pi bon fason ou ka di l?

Nan epizòd sila Grevdaly Colas te pale de kòman eksperyans Fashion Naval la te ye pou li, kòman li defini atizay. Li te di nou èske l panse l posib pou yon moun viv de atizay Ayiti, kòman pwosesis kreyasyon l ye, kòman li viv peryòd kriz yo…

Kisa yon oryantasyon seksyèl ye? Èske li se yon chwa? Kisa LGBTI vle di? Kilè yon moun masisi / madivin? Èske se jis on faz? Èske masisi ka benyen nan lanmè? Kisa lalwa peyi Dayiti di sou masisi ak madivin?

Se kesyon sa yo ak anpil lòt ankò ke Jean-Michael Mémé reponn nan chita pale ke l te fè ak Za nan epizòd sila.

Nan epizòd sa, Carlooloo , Mozart ak Thierry te pale nou de eksperyans yo sou rezo sosyo, kòman yo itilize l nan kad travay yo , de kòman yo santi rezo sosyo gen enpak sou lavi yo fason yo santi yo.

Kilè yon moun zanmi w? Kilè w zanmi yon moun? Èske zanmi w ka fè w tout bagay? Èske l fasil pou pale de sante mantal ou ak zanmi w? Èske w konn pran tan tcheke sou zanmi w, chak Kilè ou fè sa? Nan epizòd sila Mozart, Laïka ak Pouchenie te pale sou zanmitay yo te pote repons yo a kesyon anvan yo e kèk lòt ankò.

Kisa pwokrastinasyon ye? Èske tout moun pwokrastine? Èske l se yon maladi? Ki teknik ou ka itilize pou ede w ak pwokrastinasyon? Nan epizòd Pouchenie ap ede n jwenn repons a kesyon sa yo ak kèk lòt ankò.

Griyen l oubyen pa griyen l? Griyen kisa? Poukisa? Nan yon chita pale Luc ak Wengel te fè ak Za, yo te di l sa yo panse de nudes, si yo panse l enpòtan, kòman pou yon nude byen fèt ak anpil lòt bagay ankò.

Nan epizòd sila Ryjnov ak Steeve te di nou kisa tolerans ye pou ou, èske yo panse nou ka oubyen ta dwe tolere tout bagay. Yo te fè yon bon pale sou tèm nan ak di tou poukisa yo panse tolerans enpòtan

Nan epizòd sila anpil koze pale.

Nan epizòd sila Jenny-Flore, Luc ak Ryjnov te di sa yo panse de itilizasyon kapòt nan relasyon seksyèl, de depistaj pou MST ak IST. Yo te pataje lide yo sou kèk pratik seksyèl tankou sèks oral, di kilè yo panse ou ka di yon moun dous, ak anpil lòt bagay ankò.