Sòkòy

Reynald te pale nou de tèks “ma première fois” li ekri kote li t ap pale de premye relaksyon seksyèl li, de kòman li te viv eksperyans la, ak kèk lòt bagay tankou: enpòtans li panse edikasyon seksyèl genyen, de kèk mit li te konn tande sou premye fwa, elt.

Nan epizòd sila Za fè yon Chita pale ak Rey, Shelcie epi Ryjnov ki t ap pale de premye eksperyans seksyèl yo, enpòtans edikasyon seksyèl gen , kisa yo panse de vijinite , kisa yo panse ki enpòtan pou relasyon seksyel byen pase ak anpil lòt bagay ankò.

Anpil fwa nou di mo yo san nou pa panse a dega oubyen kontantman yo ka pote lakay yon moun. Samara ki se yon jèn fi ki gwo depi l piti te pataje ak nou eksperyans li fè ak gwosè l pandan l t ap grandi, asèlman li te konn resevwa lè l te lekòl poutèt aparans fizik li. Li te pataje ak nou tou kèk pawòl blesan moun li rankontre nan lari konn di l. Men sitou li te di n kòman l te vin fè pou renmen tèt li ak jere brimad moun yo.

Nan epizòd sila DC's te pale nou de kisa l panse de Sen Valanten, de kòman l wè yo selebre l nan peyi l, kòman li menm li konn selebre l, kòman li defini èske l panse yo ka pwouve lanmou... Ak anpil lòt bagay ankò.

Nan epizòd sila Nolexta yon etidyan nan "Droit" Uniq te pale nou de kòman nou ka fè pou ede nan zòn kote n ap viv, de enpòtans chak ti aksyon nou fè ka genyen sou nou ak moun k ap gade nou; li te di nou tou kòman li wè ak konprann angajman, pataje kèk eksperyans li te fè nan domèn nan ak nou...

Nan epizòd sila ki se premye epizòd nou pou ane 2021 a, Za te pataje ak nou kèk leson li menm ak kèk lòt moun te aprann pandan lane 2020 an, li te pale nou tou de kisa yon rezolisyon ye, kòman nou ka fè pou respekte yo ak prezante nou pwojè l pou Sòkòy nan 2021 an.

Nan 17èm epizòd la, Dann , Caro epi Lynn te di nou ki wòl yo panse lekòl, lakay ak rezo sosyo jwe nan fason fi wè lòt fi parèy yo, te pataje kèk eksperyans pèsonèl yo ak nou. Yo te di nou tou èske yo wè medam yo plis gen rivalite oubyen solidarite ant yo, sa yo panse ki fè sa, danje sa reprezante e jan sa ka gen gwo enpak youn sou lòt.

Nan epizòd sila Za te fè yon chita pale ak Angie de eksperyans li ak depresyon; kòman li te aprann ke l depresif, kòman pwòch li te jere sa, li te pataje ak nou tout kèk leson eksperyans lan aprann li, li te tou pwofite pataje kèk konsèy pou lòt moun ki nan menm pozisyon avè l oubyen gen pwòch yo ki depresif.

Nan epizòd sila Laïka ak Younie te di Za kisa jalouzi ye pou yo, kisa yo panse de li, èske li se yon bon oubyen move bagay , èske yo panse lanmou oblije mache ak jalouzi, èske yo panse w ka fè jalouzi pou menaj zanmi w, pou zanmi w, fanmiy ou, moun ki pa pou ou... Yo te di nou tou ki diferans yo fè ant moun ki jalou ak moun ki posesif. Ak anpil lòt bagay ankò.

Nan epizòd sila Lynne te di Za kòman li wè manti, èske li panse gen yon ekilib ant manti ak verite, ke gen bon manti, èske l panse ke yon moun dwe toujou di laverite. Lynne te fè yon ti pale ak nou tou sou kisa li panse yon moun dwe fè lè l aprann yon koze li konnen ki ka blese yon lòt , sou kòman li wè rezo sosyo yo ak zafè envante lavi a e li te bay kèk konsèy pou moun ki renmen bay manti, moun ki rantre fon nan yon manti, pou moun ki ap panse a bay yon manti...